Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Korintiyeku 11:3 - Mewar Alqawarang

3 Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

အခန်းကိုကြည့်ပါ။ ကော်ပီ




2 Korintiyeku 11:3
47 ပူးပေါင်းရင်းမြစ်များ  

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.


Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.


Mbu̱ ɗya nu̱ par du̱mbu̱r ye nduki, ku̱ ki pa du̱mbu̱r ye nduki. Mbu̱ yang ɗya nu̱ shaatar nduki, ku̱ shi khaaran nggaran. Mbu̱ ɗya nu̱ khar ma dle guma, ku̱ vu̱r ɗyinan ma kwaaɗar nu̱ zhire. Mbu̱ yang ɗya nu̱ wuti ɗaana, ku̱ shi memu̱naran da.


Leendang nang ke wakhti ɓaarem, memu̱narem wa wuɗ yerem nu̱ ɗyine chem wa shi khar mbarkandi mbu̱ larji nang, nu̱ shi wa khar shakhshakhndi nyem shiki su̱yen ndu̱ tun ɓa, nu̱ pooni zhire na viki she Magham. Nyem shi nang nu̱ ku̱nshe kaɗari ɓu̱ nduk ɓa, kope nu̱ ku̱nshe mu̱nkir ɓu̱ Magham.


Jiwa mbu̱ nduk wa gaɓ ndu̱ tun ma maaviku ɓaran, tun wa ka kanaɗa, tun wa ka shi wanang aa nduk lawakya tun ɓar kha nu, aa shikya batal ye nu, aa wutkya ndolar ɗyin ye nu, aa ɓu̱tlonu.


Mbu̱ nduk wa ku̱na shir tunu, tang ka tu̱k wa nga ku̱naki. Yang mbu̱ wa sa njif nggur tu̱ shi zop, tu̱ memu̱nara ka su̱bu̱r maɗyi.


Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.


Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.


Nga lazham ɗyi nu̱ke tun a shiran nang maɗyi. Mbu̱ sarchi koɗomma tun a shim njig njif nu̱ qaki nu nu̱ ku̱nshe mu̱nkir ɓu̱ Masiya ma mbu mewar labar nggur zum.


Ɓalar ku̱ nduk dla san nu̱gha nang a vi she nduki nu̱ kotaran ku za wor nyeezerem, nu̱ ɗa viki nu̱ chele ɓaarem mbu̱ tuka. Yang a vi ku ma su̱bu̱r dli ɗyin nyem gwaki nu̱ ku̱nshe Masiya Yesu nu̱ gha. A shim gaɓ ndu̱ chem ku ma maava,


Tun nggu̱bu̱ng Galatiyeku, ki zu̱mki ɗyinonwa? Nga nang, nga wutki Yesu Masiya nu̱ katlki nda gha ɗyin qu̱far kaatli ye nu ye dalangi.


Ɗyi nun shiki nang wa sa tang tu̱k sawa, ba wa no za bonye nang zaki ɗyinonu nang wa kha bam!


Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.


Ai, ɗyi nu̱ shogaki viɗ ɗyine khar viti ɓaanu nu̱ zhu chin ke, ku̱ shakh nu ndu̱ ɗye shir malkandi nu̱ke tun shiki gana fara. Pooni ɗye shir nu̱ khaki su̱bu̱rtan ku̱me ɗye lambarku nu̱ke a shimndan;


Ku̱ mu̱nkir ɓu̱ Magham kha nduki nu̱ke a ndola Zhinerem gwaanji Yesu Masiya koɗokh si ɓa.


Ku̱me nang ku̱ njig nu tu̱ nu̱ pakhti ɗyin nggur shi nggu̱ti zop ye nu ku̱me yitan wa ka na ɗyin mbu̱ tuka ɓa. Pooni nduki nang wa ka gang vaanda nu̱ ve wuti katar ɗyin nu̱ wollo ndu̱ ghaari ghai ye nu̱ ru̱kti ku ɓu̱ Magham. Yang alapa ɓa a wutkya gwaari ɗyin nu̱ke ɗyin su̱ ɓa, ɗya nu̱ ndolar ɗyin ku ndu̱ nu̱ pooni ɗye shir malkandi ɓu̱ nduk ɗyenda.


Nga zu̱ nang ye nu ma ku̱ aaki lamba nu ndu̱ keele bamndi ɓa, aa me mbaran shoro.


Ku̱ njig nu tu̱ nduk gaɓ ndu̱ tun ma maava nu̱ ku̱nshe lambar bamndi nu̱ kaɗari ɓu̱ nduk ɓa. Pooni zu̱ndi nang a vi she nduki nu̱ke a larji, kom ndu̱ khu̱kheetiku nu̱ke a zalale ndu̱ larji, nu̱ ɗa vi she Masiya ɓa.


Nang ke ɗyi nu̱ saki nang kanaɗa ɓa, tang ru̱k ma tu̱k nga labar maito ɓaanu. Nga sawa ku̱ nu̱ lambar nang, chin Sheɗan lamba nu, ku̱ tlu̱nar ɓaarem kha bam ɓa.


Nga shim ku̱ kha na gha mbu̱ ghai Afisa, ba wa nang khuɗki ku̱ shi na sarchi nu̱ke nga Makidoniya, ma ku̱ wu na ɓeeni nduki nu̱ke a shogar wollo nang ku̱ njig ku.


Nu̱ lamba Adamu ɓa, lambakya nokhzang tu̱ kha ma nu̱ sola.


Yang nduki malkandi ndu̱ nu̱ lambar ku nu̱ tlu̱nar malkandi ku ka shaata maatli, a lamba nduki, nduki a lamba wora.


Nduki a nje khang nu̱ke nu̱ka mbu zu̱r ɓu̱ dlegumeku ɓa, nu̱ ɓalarku nu̱ke ɗyin su̱ ɓa, nu̱ lambar ku, nu̱ shi wa ɓeeni Yakhudeku nu̱ gangki vaanda nu̱ ɗyin ɓalar dlarsi ɓa.


Ku̱ njig nu tu̱ mewar shogarku sa tun gal gha ɓa. Wa shipa ku̱ memu̱narem kha shokhku̱rokh nu̱ ku̱nshe mu̱nkir ɓu̱ Magham, yang nu̱ ku̱nshe mbu me ghai zu̱mndi ɗye zu̱mndi tu̱khu̱l ku ɓa. Pooni nang boota su̱ ye nduki nu̱ zu̱mki ɓa.


Ku̱me nang, tun raptaku nu̱ke nga ndolaran, nu̱ke tun wa woɗa da mbu̱ ɗyiku nang, ku̱r ma vaanu ndu̱ pooni nduki nu̱ njigki mbu Magham nang. Ku̱ shogar wollo ɓaanda da khangkal ɓaanu ɓar tun nggu̱ɗi tun njig ye maa nu̱ke tun a si ɓa.


Gumapaali, zu̱n ma nu̱ ɗyine, ye lauɗar su̱ qaandi virkirku nduki nu̱ ɓalar ndu̱mndi ku ka ɗa vi a ɓalar ndu̱mndi ku. A mbu ɗyiku malkandi nu̱ wor shimki.


Tun qusonggi ɓanga, nang ke lauɗar su̱ qaandi virkirku. Ba wa nun tu̱kki za, nu̱ zhangndi Masiya a nje a ɓari, yang aa leendang nu̱ zhangndi Masiya ku khang a ɓa. Nang ke ɗyi nu̱ saki chem zu̱n za chem a mbu̱ lauɗar su̱ qaandiku.


Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.


Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.


Tu̱ Su̱tang a shirakh ɗyim wa gaawu mbu̱ men nu̱ gaanje nokhzang, ma ku̱ zo ɗyimang za ɗyin nokhzan ku̱ koo nda ɓara.


Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.


Tu̱ ku̱s geema su̱tang, chin su̱ti nu̱ zhu nang, chin ke nu̱ mu̱narang, ndu̱ Sheɗan tu̱k, tu̱ gu̱n nda gha me sonyi du̱pu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ