2 Korintiyeku 11:2 - Mewar Alqawarang

² Nga zhiri ɓaanu ndu̱ pooni zhiri ndolar nu̱ke Magham a shiran ye nu. Ku̱me nang nga da alqawar ɓu̱rtonu ɓar ye Masiya, yang nga shim ku̱ kha nu shibtan, ma ku̱ vu̱r nga nu yenda ba wa njif nu̱ke a vu̱r wonkhar nu̱ke ɗyinan ku̱san ye zhimen.

2 Korintiyeku 11:2 ပူးပေါင်းရင်းမြစ်များ

Yokhana 3:29

“Wonkhar nu̱ shiki ɓu̱rti mewa ke nokhzi nu̱ zhin ɓu̱rtang, raptikir ɓu̱ nu̱ zhin ɓu̱rti nu̱ke a nje ye maa ɓu̱rtang ka bu ma tu̱k su̱qur nu̱ zhin ɓu̱rtang. Wa ka kasha maɗyi mbu wa tu̱k nu̱ zhin ɓu̱rtang wa shi ɓalari. Wanangang tu̱k kashar ɓang wa nyedli.

Romeku 7:4

Ɗyen wanang tu̱k nyeezaku, ɗyi nang zu̱ki nang a wutkya pooni ɗyi nu̱ ɗatlki ndu̱ tunu. Mu̱ti ɓu̱ Masiya ɗyin qu̱far kaatlang wa sa tun kha mu̱tan mbe Bibitang. Leendang tun a khar ɓaran, chin Yesu nu̱ Magham jiiki ndu̱ chin ɓar mbe mu̱ti, ma ku̱ vu̱r nu boote ye Magham mbu̱ khar viti ɓaanu.

1 Korintiyeku 4:15

Aa maalu̱mku a nje kha nu̱ khang mbe Masiya nu̱ke khangan wa khu̱l aru, ai zhinki kha nu khang ɓa. Nga khaki ma zhinkir ɓaanu mbe Masiya Yesu nu̱ke nga ɓa ki ndu̱ Labar Mbarkandang ye nu.

2 Korintiyeku 4:14

Jiwa chem wa zu̱n nu̱ ɗyine Magham nu̱ jiiki ndu̱ Zhinerem gwaanji Yesu ɓar mbe mu̱ti, ka ji ndu̱ chem ɓar su̱yen ndu̱ Yesu, tu̱ ɗa ɓa ndu̱ chem gume nda su̱yen ndu̱ tunu.

Galatiyeku 4:11

Ɗyi nun shiki nang wa sa tang tu̱k sawa, ba wa no za bonye nang zaki ɗyinonu nang wa kha bam!

Filipiyeku 1:8

Magham ka saida nga nu̱ ɗyine nga shim na nu nu̱ pooni ndolar ɓu̱ Masiya Yesu.

Kolosiyeku 1:28

Nang ke ɗyi nu̱ saki chem ki wopa Masiya Yesu ye aaki, chem a dut dlu̱mdi aaki, chem a shoga ɗyiku nang ɓar ndu̱ kaɗari nu̱ke a khaarem kap ma ku̱ vu̱r mi aaki nyeedlan mbe Masiya.

1 Tasalonikeku 2:11

Ba wa nun zu̱nki, chem wa kha ndu̱ aaki chele ɓaanu ba wa nu̱ke zhinki ka khaki ndu̱ qusonggi ɓaran.

Ɗyin mbu̱ tukari 14:4

Nduki nang ke nduki nu̱ke nu̱ su̱bu̱r var wor nu̱gha nu̱ ku̱nshe qaandi ndu̱ nusuku ɓa, wa shi khar shakhshakhndi ku. Wor kya mbu Ye gamndang a ɗu̱kya fu̱n. Wor nang a masa wor mbe yi ɓu̱ nduki, wor khaki wa boote dam nu̱ zu̱nki gumapaali mbu̱ dam nu̱ka vu̱rki ye Magham ndu̱ Ye gamndang.