2 Korintiyeku 11:1 - Mewar Alqawarang

¹ Nga shim ku̱ shi nu kaɗanyi ndu̱ nga aa nga shikya me nggu̱bu̱ng. Ku̱gam tun shi kaɗanyi!

2 Korintiyeku 11:1 ပူးပေါင်းရင်းမြစ်များ

Matta 17:17

Tu̱ Yesu tlogha za, “Tun nduki nu̱ qaandi virkir meeni, nu̱ song maito, ndu̱ kaaku̱ɗakh ɗyin, ngga kha su̱yen ndu̱ tun ma yir kochiya? Ngga du̱ng me kanaɗyi ndu̱ tun nu fu̱na? A ɓa ma ndu̱ woyang ya fan.”

Tlu̱nar ɓu̱ Pudeku 18:14

Bulus a ma ɓalari, tu̱ Galiyo ze Yakhudekwang za, “Mbu̱ tu̱ga shikya zop nggur mbe zop ku gwaanji, tu̱ga ngga tu̱kto nu.

Tlu̱nar ɓu̱ Pudeku 26:29

Tu̱ Bulus zu̱ yenda za, “Aa mbu̱ sarchi koɗomma aa ka da sarchi, nga khuɗ ku̱ Magham sa to ɗyenda ɓa, yang kap ndu̱ nduki nu̱ke a gwa dlu̱mndi wor ya meeni nang, ku̱ kha wa nga waare yakhliku nang.”

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

1 Korintiyeku 3:18

Ku̱ aaki lamba ɗyinan ɓa. Mbu̱ nduk wa taman za chin ghu̱rtan leendang, ku̱ gaɓ ndu̱ ɗyinan wa nggu̱bu̱ng ma ku̱ kha ghu̱rtan.

1 Korintiyeku 4:10

Chem wa kha ma nggu̱bu̱ngku ku̱me Masiya, yang ɓaanu tun ghu̱rtan mbe Masiya! Chem khukhutan, yang ɓaanu tun shokhku̱rokh! Nduki a na zhaaji ɓaanu, yang ɓaarem a vu̱rkya bonye yerem!

1 Korintiyeku 4:8

Nang tun wa woɗa gwa ɗyi nun shimki kap ɗo! Tun wa kha ma nu̱ gu̱narku! Tun wa zu̱m kuji, yang ɓaarem chem a mbu̱ aa nu̱m ɓa! Mbu̱ tu̱ga tun kuji yel, tu̱ga chem ka shi kwaaɗarang su̱yen ndu̱ tunu!

2 Korintiyeku 11:19

Ɓaanu tun ghu̱rtan maɗyi, nu̱ke tun a kaɗanyi ndu̱ nggu̱bu̱ngku mbu̱ kasha!

2 Korintiyeku 11:21

Nga tu̱k kawar zu̱ran za chem wa wut tu̱ɓti ɓaarem nu̱ke nyem shi wanang ye nu ɓa! Yang mbu̱ njif nggur a wakhti ku̱me ɗyi ngguri, ngga ɗu̱ma ɓu̱tl memu̱nara tang shi wanang. Nga ɓalar nang wa nggu̱bu̱ng!

2 Korintiyeku 11:4

Jiwa tun wa ka maita nduki nu̱ ka ɓa ki she nu ɗau ɗau. Tun wa maita shogar nu̱ shiki ye nu ɗyine Yesu, aa nu̱ke wa ngga yen ndu̱ chin nyem shiki waazu ɓaran ye nwang. Tun wa maita Jiimbi nu̱ shiki alqawaran ye nu, aa nu̱ke ɗya Jiimbi shakhshakhndi nun dlu̱kyang ɓa. Tun wa dlu̱ labar mbarkandi nu̱ ɗa ɓa ki si ye nu, aa nu̱ke wa ngga yen ndu̱ Labar mbarkandi nyem zu̱ki ye nwang.

2 Korintiyeku 12:11

Aa nu̱ke nga gaɓ ndu̱ ɗyina wa nggu̱bu̱ng, tun saki nga. Yang wa ku̱s tu̱ga tun wa makhta nga. Aa nga mbu̱ ɗyi nggur ɓa, “Pudeku rututundi” ɓaanu nang nu̱ dukti nga ndu̱ aa nu̱m ku ɓa.

2 Korintiyeku 5:13

Chem yirtan wa nu̱ke ɓeeni nduki a zu̱ranang ɓa; aa chem wa kha wa chem yirtan, chem a shiran ku̱me Magham. Mbu̱ yang wanang ɓa, chem shi ma mbaari ɓaanu.

Yibraniyeku 5:2

Ka ɗu̱ma taata nduki nu̱ song zu̱ndi ndu̱ nduki nu̱ nggaki njiva gha, ma nu̱ke chin ndu̱ ɗyinan tu̱ɓtan.