2 Korintiyeku 10:8 - Mewar Alqawarang

⁸ Ai nu̱ kha ma ɗye kawa mbu̱ ngaa tu̱kti ndu̱ ɗyina ku̱me zalale nu̱ Zhinkir gwaanji vu̱rki yerem ma ku̱ du̱n mi, yang ku̱ gu̱ɗa mi nun gha ɓa.

2 Korintiyeku 10:8 ပူးပေါင်းရင်းမြစ်များ

2 Korintiyeku 1:24

Chem a shimkya wut zalale ɗyine maito ɓaanu ɓa, chem a shikya tlu̱nar su̱yen, ma ku̱ kasha nu, ku̱me tun chingndan ndu̱ du̱mbu̱r mbu̱ maito ɓaanu.

2 Korintiyeku 10:4

Jiwa ɗye dakhlar ku ɓaarem ɗya pooni ɓu̱ larji nang ɓa, zalale ɓu̱ Magham a nje si, chem wa ka shi boote si chem su̱bu̱r ɗye dakhlar ku malkandi ɓu̱ nu̱ zhangndiku ɓaarem nu̱ka kanggaki var wor si.

2 Korintiyeku 10:9

Ku̱ taman nu za nga shim sar sawa ye nu ndu̱ lagarkati nang ɓa.

2 Korintiyeku 12:19

Bai tun ka taman za chem a shibkya ɗyinerem gume nu. Wanang ɓa, chem a ɓalar wa nu̱ Masiya shimki zu̱ mi gume Magham. Nyeezaku, zu̱n ma nu̱ ɗyine aa chem shikya nu̱m, chem a shiran ma shaata nu.

2 Korintiyeku 12:6

Aa nga dat shang wakhti, ngam ɓu̱ kha ma nggu̱bu̱ng ɓa, ku̱me ngga zu̱kya zhire. Yang ngam ɓu̱ shi wakhti ɓa, ku̱me nang shim ku̱ nduk da nga nu̱ mbu̱ ɗyi nggur nu̱ dukki ɗyi nu̱ naki vya tu̱ tu̱k sha ɓa.

2 Korintiyeku 13:10

Nang ke ɗyi nu̱ saki tang bu̱la ɗyiku nang ye nu sarchi nu̱ke nga nje su̱yen ndu̱ tun ɓa. Ku̱me mbu̱ nga ɓa, ku̱ sa nu nga tang ranna nu ndu̱ zalale nu̱ Zhinkir gwaanji vu̱rki ya ɓa, ɗya zalale nu̱ke ka du̱nki nu, ɗya nu̱ gu̱ɗa nun gha ɓa.

2 Korintiyeku 13:8

Jiwa chem ɓu̱ shi ɗyi nggur nu̱ zhangndi zhire ɓa, chem ka gu̱n kya si zhire.

2 Korintiyeku 7:14

Nga ze nda nga za nga makhta nu maɗyi, ku̱me nun wut kawa ya ɓa. Ba wa nu̱ke ɗyi nang zu̱ki ye nu kap ɗya zhire, wanang tu̱k, makhtar nu nu̱ke chem a shiran ɗya zhire she Titus.

2 Korintiyeku 7:4

Nga maita nu maɗyi, nga zu̱ndo nu, nu̱ memu̱nara kha rap rap ndu̱ tun ɓa. Kap ndu̱ bonye nu̱ke nga zaran nang, nga kashar maɗyi.

Galatiyeku 1:1

Lagarkati nang a vi sha, nga Bulus pude ɓu̱ Yesu. Khar ɓang ma pude nang ɗya nduk datki nga ɓa yang shir ɓu̱ nduk zum ɓa. Daatang a vi she Yesu Masiya ndu̱ Magham Zhinki nu̱ jiiki ndu̱ Yesu ɓar mbe mu̱ti.

2 Timoti 1:12

Nga za bonye ku̱men ba wa nu̱ke nga zaran leendang. Yang kap ndu̱ nang nu̱ kha ya ma ɗye kawa ɓa ku̱me nga zu̱n njif nang maitaki, nga zu̱n nu̱ ɗyine ka bu ɗyin du̱ngdi nang vu̱rki yenda kap, kope Fu̱ɗar naandang.