2 Korintiyeku 10:7 - Mewar Alqawarang

⁷ Nggu̱t ma ɗyi nu̱ke a nje ye dalang ɓa! Mbu̱ nduk a nje nu̱ tamanki za chin ɓu̱ Masiya, ku̱ njif nang kor tu̱k nu̱ ɗyine chem ɓu̱ Masiya tu̱k.

2 Korintiyeku 10:7 ပူးပေါင်းရင်းမြစ်များ

Matta 23:5

“Ka shi tlu̱nar ɓaanda ma ku̱ nduki na. Wa ka gu̱n galɓang lagarkatiku ndu̱ bu̱lar ɓalar ɓu̱ Magham nu̱ ve me guma wora, ndu̱ tu̱ ka shi me lukti ɓaanda kiri ma yir vu̱ghai.

Luka 16:15

Tu̱ yang Yesu ze wor za, “Tun kya shim wutan ye nduki za tun nu̱ jeembu, yang Magham wa zu̱n memu̱na nu. Ɗyi nu̱ke nduki a shimndan maɗyi ɗya ɗye zhaana she Magham.

Yokhana 7:24

Njig ma kumar nar yiti, tun kuma ɗyi nu̱ke torop.”

1 Korintiyeku 1:12

Ma nu̱ke meenu nu̱ kha da ɓa, njif nang tu̱ ka zu̱ za, “Ɓang nga mbukya Bulus.” Tu̱ njif naandang zu̱ za, “Nga ɓu̱ Apolos”; tu̱ njif nggur zu̱ za, “Ɓang Kefas ke ɓanga” yang ɓu̱ njif nggur za, “Nga mbukya Masiya.”

1 Korintiyeku 14:37

Mbu̱ njif nggur a nje nu̱ tamanki za chin annabi, aa taman za vu̱rti ɓu̱ Jiimbi nggur a nje kha nda, ku̱ zu̱n nu̱ ɗyine, ɗyi nang bu̱laki ye nu nang ɗya ɗyi nu̱ Zhinerem gwaanji zu̱ki ya.

1 Korintiyeku 15:23

Yang jiirang ka kha njeetlan gaanje yen, Masiya khaki nu̱ gumapaali, kom nduki nu̱ke ɓaran ye fu̱ɗar nu̱ke ka ɗa gaɓki.

1 Korintiyeku 3:23

Yang tun ɓu̱ Masiya, Masiya ɗya ɓu̱ Magham.

1 Korintiyeku 9:1

Woɗye zalala nje khara de? Nga pude ɓu̱ Yesu tu̱k ɓa goma? Nang na Yesu Zhinerem gwaanji ndu̱ yita de? Tun nang kap tun maita Yesu nu̱ ku̱n sha ɓa goma?

2 Korintiyeku 10:1

Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

2 Korintiyeku 11:18

Yang nu̱ke nduki a nje nu̱ka shiki wakhti wa nu̱ke nduki nu̱ larji ka shiki, bu shi nga wanang tu̱k.

2 Korintiyeku 11:23

Mbu̱ wor nu̱ tlu̱narku ɓu̱ Masiya, nga duk wor mbe nang! (Nga ɓalar nang wa nga yirtan!) Ai, nga duk wor tlu̱nar maɗyi, nga gwa gu̱ndi sar khang, wa dlabti nga ku sar khang, sar khang nga me mu̱ti.

2 Korintiyeku 11:4

Jiwa tun wa ka maita nduki nu̱ ka ɓa ki she nu ɗau ɗau. Tun wa maita shogar nu̱ shiki ye nu ɗyine Yesu, aa nu̱ke wa ngga yen ndu̱ chin nyem shiki waazu ɓaran ye nwang. Tun wa maita Jiimbi nu̱ shiki alqawaran ye nu, aa nu̱ke ɗya Jiimbi shakhshakhndi nun dlu̱kyang ɓa. Tun wa dlu̱ labar mbarkandi nu̱ ɗa ɓa ki si ye nu, aa nu̱ke wa ngga yen ndu̱ Labar mbarkandi nyem zu̱ki ye nwang.

2 Korintiyeku 12:11

Aa nu̱ke nga gaɓ ndu̱ ɗyina wa nggu̱bu̱ng, tun saki nga. Yang wa ku̱s tu̱ga tun wa makhta nga. Aa nga mbu̱ ɗyi nggur ɓa, “Pudeku rututundi” ɓaanu nang nu̱ dukti nga ndu̱ aa nu̱m ku ɓa.

2 Korintiyeku 13:3

Yang ma nu̱ke tun a shim zu̱n nu nu̱ ɗyine Masiya a ɓalar nu̱ ku̱nsha, tun ka na nu̱ ve nang, Masiya nu̱ kha tu̱ɓtan mbe nu ɓa, me ɓu̱ nang, wa wut zalale ɓaran mbe nu.

2 Korintiyeku 5:12

Chem a khamkya ɗyinerem gume nu tu̱k ɓa, chem a shim ku̱ zu̱n nu ɗyi nu̱ saki wa shipa ku̱ shi nu wakhti nu̱ chem. Ma ku̱ ɗu̱ma nu tlogha zhamndi ɓu̱ nu̱ gwaari ɗyin ku nu̱ke a wakhti ndu̱ ɗyi nu̱ke a naran damku yang nu̱ damta ndu̱ ɗye shir ɓaanda ɓa.

Galatiyeku 3:29

Yang mbu̱ tun ɓu̱ Masiya, tun wa kha ma pooni ɓu̱ Yibram, tun ka gwa ɗye mbu̱ ge ɓu̱ Magham viɗ ɗyine alqawarang.

1 Yokhana 4:6

Chem a vi she Magham. Nduki nu̱ zu̱nki Magham wa ka tu̱kterem ku, yang nduki nu̱ke nu̱ zu̱n Magham ɓa, nu̱ka tu̱kterem ku ɓa. Chem ka zu̱n njif nu̱ke a su̱yen ndu̱ Jiimbi zhire ndu̱ njif nu̱ke a su̱yen ndu̱ jiimbi wollo ve nang.