2 Korintiyeku 10:4 - Mewar Alqawarang

⁴ Jiwa ɗye dakhlar ku ɓaarem ɗya pooni ɓu̱ larji nang ɓa, zalale ɓu̱ Magham a nje si, chem wa ka shi boote si chem su̱bu̱r ɗye dakhlar ku malkandi ɓu̱ nu̱ zhangndiku ɓaarem nu̱ka kanggaki var wor si.

2 Korintiyeku 10:4 ပူးပေါင်းရင်းမြစ်များ

Tlu̱nar ɓu̱ Pudeku 7:22

Tu̱ Musa shoga kap kaɗari ɓu̱ nduki nu̱ Masar, wonji ɗya nu̱ zalale maghar ɓala ndu̱ tlu̱narku ɓaran.

Romeku 13:12

Virkirang wa shi bing woɗari, wa njig koɗom ku̱ maarang ɗatli. Ku̱me nang bu ku̱ wos mi tlu̱nar nu̱ zhum maari gha, chem sa lukti nu̱ vi nu̱ dakhlar ɓaarem nu̱ yarangi.

Romeku 6:13

Ku̱ njig nu tun vu̱r me bar ɓaanu ye sola tu̱ kha ma ɗye tlu̱nar malkandi ɓa. Yang vu̱r ma vaanu ye Magham tun kha wa nduki nu̱ lawaki wor ɓar mbu̱ khar mu̱ti ma gwa nyifiri. Vu̱r ma me bar ɓaanu ye Magham tun kha ma ɗye tlu̱nar dambu.

1 Korintiyeku 2:5

ma ku̱ maito ɓaanu ching nu̱ ɗyine kaɗari ɓu̱ nduk ɓa, yang ku̱ khan ɗyine zalale ɓu̱ Magham ɗyenda.

1 Korintiyeku 9:7

Nyi soja ke nu̱ da taɗar ɗye zu̱mndi ɓarana? Ki ka ghutki dam anap ɓaran yang za ɓu̱ nji yen ɓa? Nyi nu̱ khutlo ka khutloki shapir ɓaran yang za ɓu̱ za wuɗyini ɓa?

2 Korintiyeku 10:8

Ai nu̱ kha ma ɗye kawa mbu̱ ngaa tu̱kti ndu̱ ɗyina ku̱me zalale nu̱ Zhinkir gwaanji vu̱rki yerem ma ku̱ du̱n mi, yang ku̱ gu̱ɗa mi nun gha ɓa.

2 Korintiyeku 13:10

Nang ke ɗyi nu̱ saki tang bu̱la ɗyiku nang ye nu sarchi nu̱ke nga nje su̱yen ndu̱ tun ɓa. Ku̱me mbu̱ nga ɓa, ku̱ sa nu nga tang ranna nu ndu̱ zalale nu̱ Zhinkir gwaanji vu̱rki ya ɓa, ɗya zalale nu̱ke ka du̱nki nu, ɗya nu̱ gu̱ɗa nun gha ɓa.

2 Korintiyeku 3:5

Tun a nje nu̱ wutki za maghar ɓaarem saki chem shi tlu̱nar nang ɓa. Maghar ɓaarem a vi she Magham.

2 Korintiyeku 4:7

Kap ndu̱ nang, chem nu̱ke gu̱nar nu̱ jiimbi nang a nje mbe rem, chem a khar ba wa kayang nu̱ du̱nki ndu̱ daɓa. Chem kha wanang ma ku̱ wut mi za Magham ke nu̱ zalale aa nu̱m kap, yang tun khaarem mban ɓa.

2 Korintiyeku 6:7

Chem a wutan chem nu̱ tlu̱nar ɓu̱ Magham ku tu̱k nu̱ ku̱nshe zu̱r zhire, ndu̱ zalale ɓu̱ Magham su̱yen nu̱ boote ndu̱ dambu, ma ɗye dakhlar ɓaarem nyem khubki nu̱ mbu̱ khaarem zu̱ma ndu̱ gu̱ɗau.

1 Tasalonikeku 5:8

Yang nu̱ke ɓaarem chem ɓu̱ fu̱ɗa, shi mi khar ku̱si ɗyin, chem sa lukti vi nu̱ maito ndu̱ ndolari. Tu̱ sar memu̱nar gwar ɗanari kha ma jere vi ɓaarem.

1 Timoti 1:18

Yi ɓanga, Timoti, nga zu̱ ɗyiku nang yor ku̱me ɗyiku nu̱ Magham zu̱ki nu̱ ɗyine ro ɗau fara. To ka shi wute mbarkandi maɗyi mbu̱ ta mbu ɗyiku nang zu̱ki yor nang,

2 Timoti 2:3

Tun gu̱n memu̱na nu mbe bonye wa sojeku zhirekandi ɓu̱ Masiya Yesu.

Yibraniyeku 11:30

Maito saki tu̱ garuk ghai Jeriko gu̱ɗa qu̱rse nduki Israila wa baara nda ku sar mut.