2 Korintiyeku 10:2 - Mewar Alqawarang

² nga khutonu ku̱ sa nu nga tang kha gu̱rgu̱r ye nu sarchi nanga ɓa ki ɓa. Ku̱me nga zu̱n bai ngga ɓa ranna nduki nu̱ zu̱ki za chem a khar viti ɓaarem, wa nduki nu̱ larji.

2 Korintiyeku 10:2 ပူးပေါင်းရင်းမြစ်များ

Romeku 8:1

Ku̱me nang, ɓu̱ kuma mu̱ti ye nduki nu̱ke a mbe Masiya Yesu ɓa.

Romeku 8:4

Magham shi wanang yerem ma nyel tlu̱nar dambi nu̱ Bibitang zu̱ki za ku̱ shi mi. Shi nang yerem, chem nu̱ke chem a khar viti ɓaarem mbe Jiimba, nyem ka shi nu̱ ku̱nshe ɗye shir ɓu̱ nduk ɓa.

Romeku 8:5

Nduki nu̱ke a khar ɓaanda mbe ɗye shir ɓu̱ nduku wa ka damta ku ndu̱ ɗyiku ɓu̱ manva, yang nu̱ khar viti mbe Jiimba ka damtakya ndu̱ ɗyi nu̱ke Jiimba a shimndan.

2 Korintiyeku 1:17

Tun taman za nang zu̱n ɗyi nu̱ke nga shiran sarchi nang daasaki yirang de? Tun taman za nga shi mbu̱ manva mbu̱ ɗyi nang daasakyang, nu̱ke mya ka shiki rap rap, mbu̱ nga zu̱ nga za, “E” tang ɓa gaɓ nga za, “O'o” mu?

2 Korintiyeku 11:21

Nga tu̱k kawar zu̱ran za chem wa wut tu̱ɓti ɓaarem nu̱ke nyem shi wanang ye nu ɓa! Yang mbu̱ njif nggur a wakhti ku̱me ɗyi ngguri, ngga ɗu̱ma ɓu̱tl memu̱nara tang shi wanang. Nga ɓalar nang wa nggu̱bu̱ng!

2 Korintiyeku 13:10

Nang ke ɗyi nu̱ saki tang bu̱la ɗyiku nang ye nu sarchi nu̱ke nga nje su̱yen ndu̱ tun ɓa. Ku̱me mbu̱ nga ɓa, ku̱ sa nu nga tang ranna nu ndu̱ zalale nu̱ Zhinkir gwaanji vu̱rki ya ɓa, ɗya zalale nu̱ke ka du̱nki nu, ɗya nu̱ gu̱ɗa nun gha ɓa.

2 Korintiyeku 13:2

Sarchi nang ɗu̱ki she nu nu̱ rapan, nga wu nduki nu̱ shiki solarku ndu̱ nduki kap ku̱ njig solar ku. Yang leendang nu̱ke nga nje su̱yen ndu̱ tun ɓa, nga maata wuri nang shikyang. Mbu̱ nga gaɓi nduk nu̱ke shiki solar guma nu̱ nduk nu̱ke ɓu̱ shi gana fan ngam ɓu̱ njig aaki ɓa.