2 Korintiyeku 10:1 - Mewar Alqawarang

¹ Nga Bulus ndu̱ ɗyina, nga kya khutonu, nga nu̱ ka qaki nga “Nu̱ ɓu̱tokh ɗyin” mbu̱ nga su̱yen ndu̱ tunu, yang tang ka kha “Njif shanggu̱ɗangndi” ye nu mbu̱ nga nje su̱yen ndu̱ tun ɓa. Ku̱me katar ɗyin ndu̱ khar nduk tu̱tu̱kndi ɓu̱ Masiya,

2 Korintiyeku 10:1 ပူးပေါင်းရင်းမြစ်များ

Matta 11:29

Da ma zu̱r ɓanga tun shoga sha, ku̱me nga nu̱ katar ɗyin ndu̱ ɓu̱tokh memu̱na, tun ka gwa maasi ye nyifi ɓaanu.

Matta 21:5

“Zu̱ma ye nduki nu̱ Sikhiyona nun za, ‘Wonji kuji ɓaanu a ɓar she nu, ɗya nu̱ katar ɗyin, dlaran ɗyine kooro, a yir ɗyine ye kooro.’ ”

Tlu̱nar ɓu̱ Pudeku 8:32

Wonji maa nu̱ke a nggu̱tan mbu̱ bu̱lar ɓalar ɓu̱ Maghamang! “Wa ku̱dir nda wa ndu̱ɓang nu̱ke a yir ndu̱ chin ma dla quran, wa ye gamndi nu̱ka khaki yit me khar njif nu̱ke a khu̱z ghosi varan yenda nu̱ gha, nu̱ qu̱n men ɓa.

Romeku 10:20

Yang Yishaya wa zu̱ ɓalar ɓu̱ Magham sawa su̱ ɓa nu̱ zu̱ki za, “Nduki nu̱ke nu̱ kaala nga ku ɓa, wor gwaki nga. Nga wut vara ye nduki nu̱ke nu̱ zham maa nu̱ke nga su̱ ku ɓa.”

Romeku 12:1

Ku̱me nang, nyeezaku, nga khutonu, mbe khang nar zhiyaye ɓu̱ Magham tun vu̱r ɗyinonu wa sadke nu̱ nyifiri, shakhshakhndi, pooni sadke nu̱ke Magham a shimndan. Nang ke njiv tlu̱nar mbarkandi ye Magham.

Romeku 15:15

Nga vi ye dalang mbu̱ lagarkati ɓang nang sawa su̱ ɓa, tang shi ɓalar ɗyine ɓeeni ɗyiku ku̱me mu̱nkir nu̱ Magham shiki ya.

1 Korintiyeku 2:3

Ye ɓar ɓang nu̱ gumapaali she nu du̱mbu̱r ɓang kata, vara a dlu̱rti ku̱me sawa,

1 Korintiyeku 4:10

Chem wa kha ma nggu̱bu̱ngku ku̱me Masiya, yang ɓaanu tun ghu̱rtan mbe Masiya! Chem khukhutan, yang ɓaanu tun shokhku̱rokh! Nduki a na zhaaji ɓaanu, yang ɓaarem a vu̱rkya bonye yerem!

1 Korintiyeku 4:21

Yang ɗa, tun datkya nyiya, a ɓa nga ndu̱ kurpi me khara mu, yang a ɓa nga ndu̱ ɓalar ɓu̱tokhndi mbe ndola mu?

2 Korintiyeku 10:10

Nduki a zu̱ran za, “Lagarkatiku ɓu̱ Bulus ɗya ɗyi sharkandi ndu̱ ɓalar du̱mbu̱rkandi ku kya mban, yang mbu̱ a su̱yen ndu̱ chem, ɓalar ɓaranang du̱mbu̱ran ɓa, yang nu̱ ka zu̱ ɗyi piikandi ɓa.”

2 Korintiyeku 10:2

nga khutonu ku̱ sa nu nga tang kha gu̱rgu̱r ye nu sarchi nanga ɓa ki ɓa. Ku̱me nga zu̱n bai ngga ɓa ranna nduki nu̱ zu̱ki za chem a khar viti ɓaarem, wa nduki nu̱ larji.

2 Korintiyeku 10:7

Nggu̱t ma ɗyi nu̱ke a nje ye dalang ɓa! Mbu̱ nduk a nje nu̱ tamanki za chin ɓu̱ Masiya, ku̱ njif nang kor tu̱k nu̱ ɗyine chem ɓu̱ Masiya tu̱k.

2 Korintiyeku 11:21

Nga tu̱k kawar zu̱ran za chem wa wut tu̱ɓti ɓaarem nu̱ke nyem shi wanang ye nu ɓa! Yang mbu̱ njif nggur a wakhti ku̱me ɗyi ngguri, ngga ɗu̱ma ɓu̱tl memu̱nara tang shi wanang. Nga ɓalar nang wa nggu̱bu̱ng!

2 Korintiyeku 11:30

Mbu̱ tu̱ga ngga shi khamndi ɗyin, ngga kham ɗyina ɗyin ɗyiku nu̱ wutki katar ɓanga.

2 Korintiyeku 12:5

Ngga shi wakhti ku̱me njif nang, yang ngam ɓu̱ shi ku̱me ɗyina ɓa, buka shi nga ɗyine ɗyiku nu̱ wutki song du̱mbu̱r ɓanga.

2 Korintiyeku 3:12

Pooni sar memu̱nar nang saki chem a sawa aa nu̱m ɓa.

2 Korintiyeku 5:20

Ku̱me nang chem ke yiti Masiya she nduki, chem a khar wa Magham nu̱ ɗyinan kya ɓalar nu̱ ku̱nshe rem. Yang chem a khutonu mbu̱ dlu̱m Masiya, somta ma chele ɓaanu ndu̱ Magham.

2 Korintiyeku 6:1

Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

2 Korintiyeku 7:4

Nga maita nu maɗyi, nga zu̱ndo nu, nu̱ memu̱nara kha rap rap ndu̱ tun ɓa. Kap ndu̱ bonye nu̱ke nga zaran nang, nga kashar maɗyi.

Galatiyeku 4:13

Tun wa zu̱n nu̱ ɗyine khaati nang shiki, saki tang gwa njiv ɓar ndu̱ Labar Mbarkandang ye nu gumapaali.

Galatiyeku 5:2

Gwa ma dlu̱mdonu ya mbari! Nga Bulus kya ɓalar nang ye nu, mbu̱ tun wa dla vaanu nu̱ ve dlarsi ma gwa dlu̱r she Magham, Masiya nu̱ kha ndu̱ boota ye nu shwat ɓa.

Afiseku 3:1

Ku̱me nang, nga Bulus, nu̱ khiiki nga gha zhaaru̱m ku̱me Masiya Yesu ma ku̱ kha ndu̱ boota ye nu tun nu̱ke tun Yakhudeku ɓa.

Afiseku 4:1

Ku̱me nang, nga nu̱ke nga nje khiiran zhaaru̱m ku̱me mburi Zhinerem gwaanji, nga khutonu ku̱ shi nu pooni khar nu̱ shipaki zhaaji ɓu̱ qar nu̱ qaki nu.

Filipiyeku 4:5

Kha ma ndu̱ ɗu̱bar memu̱na ye aaki. Zhinerem gwaanji wa shi bing ɓari.

Kolosiyeku 1:23

Mbu̱ tun zu̱m guma mbu̱ maito ɓaanu, tun ching gha shaanggu̱ɗang tun shi dlu̱dlarsi. Ku̱ njig nu tu̱ ɗyi nggur yakhta nu tun njig sar memu̱nar nun gwaki sarchi nun tu̱kki Labar mbarkandi nang ɓa. Chin Labar mbarkandi nu̱ wopaki ye aaki mbu̱ larji nang, nga Bulus khaki ma maavi ɓu̱ labar mbarkandi nang.

2 Tasalonikeku 3:17

Nga Bulus nga kya bu̱la qaandi nang ndu̱ khara. Nang ke saidu nu̱ke a mbu̱ aa nyi lagarkati nang bu̱laki, ngga bu̱la ba wanang.

Filimon 1:19

Nga Bulus nu̱ ɗyina kya bu̱lar nang nu̱ khara nu̱ ɗyine ngga dli ɗyen.

Filimon 1:9

Yang ku̱me ndola, nga khutoro, nga Bulus, nu̱ke nga geema yang leendang nga khiiran zhaaru̱m ku̱me Masiya Yesu.

1 Biturus 2:11

Raptaku nu̱ke nga ndolaran, nu̱ke tun a shikya khar runggu mbu̱ larji nang, maa kha nu fan ɓa, nga khutonu, shakh ma ɗyinonu ndu̱ ɗye shir malkandi nu̱ melakh ɓu̱ nduku, ɗye shir nang a wute ndu̱ jiimbonu.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.