2 Korintiyeku 1:1 - Mewar Alqawarang

¹ Lagarkati nang, a vi she Bulus pude ɓu̱ Masiya Yesu mbu̱ barke ɓu̱ Magham, ndu̱ mu̱dlerem Timoti. Ma yir she tabar ɓu̱ nu̱ mbu Magham nu̱ke a Koranti, kom ndu̱ daatiku ɓu̱ Magham nu̱ke a mbu̱ maa Akaya kap.

2 Korintiyeku 1:1 ပူးပေါင်းရင်းမြစ်များ

Tlu̱nar ɓu̱ Pudeku 16:1

Tu̱ Bulus ɗu̱ Darbe ndu̱ Listu̱ra. Yang nu̱ mbu Yesu nggur a nje dlu̱man za Timoti, man ɗya nu̱ mbu Yesu tu̱k yang me ghai ɓaran ɗya Yakhuda, zhin ɗya me ghai Gu̱rik.

Romeku 15:26

Tabar ɓu̱ nu̱ mbu Yesu ku nu̱ke a Makidoniya ndu̱ Akaya wa kasha vu̱rti ɗyiku ma shaatar nduki ɓu̱ Magham nu̱ke a mbu̱ song far mbu̱ ghai Urshalima.

Romeku 16:21

Timoti, mu̱dla mbu̱ tlu̱nar nang, a qaandi ye nu, Lushiyos, ndu̱ Jason, ndu̱ Sosipata, nu̱ke ɗya Yakhudeku a qaandi ye nu tu̱k.

Romeku 16:5

Shi ma qaandi ye tabar ɓu̱ nu̱ mbu Yesu ku nu̱ka tabaki nu̱ kaa ɓaanda. Tun shi qaandi ye Apanetus, rapta yiti ndu̱ khu̱n, chin dlu̱ki Masiya gumapaali mbu̱ dlar ghai Asiya.

1 Korintiyeku 10:32

Ku̱ sa nu Yakhudeku, aa nduki nu̱ke ɗya Yakhudeku ɓa ndu̱ tabar ɓu̱ nu̱ mbu Yesu ku tu̱ shi sola ɓa.

1 Korintiyeku 16:10

Mbu̱ Timoti a ɓa, tun dlu̱ri nda ndu̱ khaanu rap, ku̱me ɗya nu̱ tlu̱nar ɓu̱ Zhinerem gwaanji ba wa nu̱ke nga shiran.

1 Korintiyeku 16:15

Yang, nyeezaku, tun wa zu̱n nu̱ ɗyine nduki nu̱ mbu̱ rafti ɓu̱ Fanus maitaki Yesu gumapaali mbu̱ maa Akaya guma da, wa vu̱r var wor tu̱k ye tlu̱nar ye nu̱ mbu Yesu ku.

1 Korintiyeku 16:24

Nga ndola nu kap mbe Masiya Yesu.

1 Korintiyeku 6:11

Ɓeeni nduki chele ɓaanu wa shi ɗyiku nang zhu, yang leendang wa waka nun konggol. Wa sa nun mbu̱ khar Magham. Tun wa kha ma nduki nu̱ke zopan ɓa she Magham mbu̱ dlu̱m Zhinerem gwaanji Yesu Masiya, ndu̱ Jiimbi shakhshakhndi ɓaarem.

2 Korintiyeku 1:19

Jiwa Yi ɓu̱ Magham Yesu Masiya, nu̱ke nga ndu̱ Sila ndu̱ Timoti shiki waazu ɓaran ye nu, ai ɗya, “E” ndu̱ “O'o” ɓa, mbe nda ɗya “E” aakochi.

2 Korintiyeku 1:23

Magham ke saidu ɓanga nu̱ ɗyine nang gaɓ nu̱ Koranti ɓa ku̱me nang shim shaata nga bonye ye nu ɓa.

2 Korintiyeku 11:10

Zhire ɓu̱ Masiya nu̱ke a mbya saki tang zu̱ nga za nduk a nje mbu̱ dlar ghai Akaya nu̱ke ka nggu̱tlki nga yakhdar nang ɓa.

2 Korintiyeku 9:2

ku̱me nga zu̱n tun wa da ye memu̱na nu, nang ke ɗyi nu̱ saki tang makhta nu gume nduki nu̱ Makidoniya. Nga ze wor nga za ma ji sonyi nu̱ peetaki nduki nu̱ Akaya a shim shaata nu. Komkomi ɓaanu wa sa tu̱ ji ku nu̱ viɗi ma daasa vaanda.

Galatiyeku 1:1

Lagarkati nang a vi sha, nga Bulus pude ɓu̱ Yesu. Khar ɓang ma pude nang ɗya nduk datki nga ɓa yang shir ɓu̱ nduk zum ɓa. Daatang a vi she Yesu Masiya ndu̱ Magham Zhinki nu̱ jiiki ndu̱ Yesu ɓar mbe mu̱ti.

Galatiyeku 3:26

Tun kha ma qusonggi ɓu̱ Magham kap ɓaanu nu̱ ku̱nshe maitar Masiya Yesu.

Afiseku 1:1

Nga Bulus pude ɓu̱ Masiya Yesu mbe shimndi ɓu̱ Magham kya bu̱la lagarkati nang, ma yir she nduki ɓu̱ Magham nu̱ke a mbu̱ ghai Afisa, nu̱ shir zhire ku mbe mbu Masiya Yesu.

Filipiyeku 1:1

Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

1 Tasalonikeku 1:1

Lagarkati nang a vi she Bulus, ndu̱ Sila, ndu̱ Timoti. Ma yir she tabar ɓu̱ nu̱ mbu Yesu ku nu̱ke a Tasalonika, nu̱ maitaki Magham Zhinki ndu̱ Zhinerem gwaanji Yesu Masiya. Bu ku̱ mu̱nkir ndu̱ qaandi memu̱nar ɓu̱ Magham kha gha su̱yen ndu̱ tunu.

1 Tasalonikeku 3:2

Chem wa ru̱k Timoti khaterem, nu̱ke a tlu̱nar ndu̱ chem mbu̱ tlu̱nar ɓu̱ Magham nu̱ wopar Labar mbarkandi ɓu̱ Masiya. Ma ku̱ pa du̱mbu̱r ye nu, tu̱ vu̱r shokhku̱rokh me bu̱n ye nu mbe maito ɓaanu,

2 Tasalonikeku 1:1

Lagarkati nang a vi she Bulus ndu̱ Sila, ndu̱ Timoti, ma yir she tabar ɓu̱ nu̱ mbu Yesu ku nu̱ke a Tasalonika, wor nu̱ke ɗya ɓu̱ Magham Zhinkir ɓaarem ndu̱ Zhinerem gwaanji Yesu Masiya.

1 Timoti 1:1

Lagarkati nang a vi she Bulus pude ɓu̱ Masiya Yesu ba wa nu̱ Magham nu̱ ɗana rem ndu̱ Masiya Yesu ɗye sar memu̱narem kumaki,

2 Timoti 1:1

Lagarkati nang a vi she Bulus pude ɓu̱ Masiya Yesu wa nu̱ Magham shimki tu̱ ru̱kti nga ma ku̱ zu̱ nga alqawar nyifi nu̱ke a mbe Masiya Yesu.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

Filimon 1:1

Lagarkati nang a vi she rem, nga Bulus nu̱ke a nje khiiran zhaaru̱m ku̱me tlu̱nar ɓu̱ Masiya Yesu ndu̱ mu̱dlerem Timoti. Ma yir she Rapterem Filimon nu̱ke chem a shim nda maɗyi, yang ɗya mu̱dlerem mbu̱ tlu̱nar nu̱ke chem a shiran.

Yibraniyeku 13:23

Nga shim ku̱ zu̱n nu nu̱ ɗyine wa ngga mu̱dlerem Timoti gha zhaaru̱m. Mbu̱ a ɓa ɗau, chem ka ɗa ɓa su̱yen ma na nga nu.