2 Bitu̱rus 3:9 - Mewar Alqawarang

⁹ Ɓeeni nduki a zu̱ran za Zhinkir gwaanji a ku̱ɗa ku̱ɗa ndu̱ alqawar nu̱ shiki. Yang ɗyen wanang ɓa, a shikya kaɗanyi ndu̱ tunu nu̱ shim ku̱ aaki su̱ya ɓa, a shim ku̱ aaki nggoɗi.

2 Bitu̱rus 3:9 ပူးပေါင်းရင်းမြစ်များ

Romeku 13:11

Tun ki shi nang ku̱me tun wa zu̱n sarchi nu̱ke chem a mban. Sarchi wa shi nu̱ke tun ka nakhaki mbe ɗyenir ɓaanu, ku̱me sarchi ɗanar ɓaanu a shi bing leendang tu̱ duk sarchi nun maitaki gumapaalyang.

Romeku 13:12

Virkirang wa shi bing woɗari, wa njig koɗom ku̱ maarang ɗatli. Ku̱me nang bu ku̱ wos mi tlu̱nar nu̱ zhum maari gha, chem sa lukti nu̱ vi nu̱ dakhlar ɓaarem nu̱ yarangi.

Romeku 2:4

Yang ɓa, ta ndu̱mkya khang mu̱nkir ɓu̱ Magham, ndu̱ kanaɗyi ɓaran, ndu̱ song wuti shokhnar ɓaran ɗau ɗau nu̱ke a shiran yorang mu? Alapa no zu̱n za mu̱nkir nu̱ke Magham a shiran yorang a shiran ma ku̱ nggoɗ na ɓa goma?

Romeku 9:22

Nu̱m ka shikya mbu̱ ke Magham, mbe zalale ɓaran, datkya ku̱ wut nji shokhnar ɓaran, daasa ma su̱ya nji ɗyi nyin shimki suyaran nu̱gha? Yang mbu̱ ke wa daasa ma ku̱ shi nji kanaɗyi ndu̱ ɗyiku nu̱ saki nda ma shokhnarang ɗa?

1 Timoti 1:16

Yang tu̱ Magham tu̱k zhiyaye ɓanga, aa nu̱ke nga kuji sola, ma ku̱ nduki na kaɗanyi ɓu̱ Masiya Yesu nu̱ vya, tang kha ma ɗye saidu ye nduki nu̱ke a ma maita nda gana fan ma gwa nyifi nu̱ke ɓu̱ shi woɗa ɓa.

1 Timoti 2:4

chin nu̱ke a shim ku̱ aaki gwa ɗanari, tu̱ zu̱n zhire tu̱k.

Yibraniyeku 10:37

Jiwa ɓu̱ shoɓ ɓa, “Nu̱ ɓar nang ka ɗa ɓa, ɓu̱ mab ɓa.

1 Biturus 3:20

Nang ke jiimbiku nu̱ mbu̱ zhaaru̱m nu̱ zhangki mbu zu̱r ɓu̱ Magham gha zhu ye sarchi ɓu̱ Nukhu. Aa nu̱ke Magham wa shi kaɗanyi ye sarchi nu̱ke Nukhu a khu̱ɓ du̱mbu̱lang. Ba nduki koɗom ɗanaki mbu̱ du̱mbu̱lang ye sarchi ni, nduki miyasi lawaki mbe ɗyimang.

2 Bitu̱rus 1:4

Nu̱ Ku̱nshe ɗyiku nang wa vu̱r alqawarku ɓaran gwaanji ku nu̱ zhaaji, ma ku̱ gwa nu me Maghamndi ɓaran nu̱ ku̱nshe ɗyiku nang, tun lawa mbe mu̱narku nu̱ke a larji nu̱ke shimndi ɗyiku malkandi ka ɓa ki si.

2 Bitu̱rus 3:15

Kor ma nu̱ ɗyine ɗyi nu̱ saki tu̱ Zhinkir gwaanji ki kaɗanyi chin ke a shim ku̱ nduki gwa ɗanari. Ba wa nu̱ Bulus mu̱dlerem nu̱ke chem a ndolaran bu̱laki ye nu wa nu̱ Magham vu̱rki kaɗari ni yenda.

Ɗyin mbu̱ tukari 2:21

Nga vu̱r sarchi yenda ma ku̱ nggoɗi ku̱ njig me mu̱nggu̱l nu̱ke a shiran yang a shimndan ɓa.