2 Bitu̱rus 3:7 - Mewar Alqawarang

⁷ Nu̱ ku̱nshe ɓalar ɓu̱ Magham tu̱k, maa viɗi ndu̱ maa vu̱ghai nu̱ke chem a naran leendangang, a bu ku su̱ya wor ɓar ndu̱ ɓai. Magham njig nang ma ɓar ye sarchi nu̱ke a ma kuma nu̱ song sawar nda, tu̱ su̱ya wor nu̱gha.

2 Bitu̱rus 3:7 ပူးပေါင်းရင်းမြစ်များ

Matta 10:15

Zhire nga zu̱ran ye nu, fu̱ɗar wuri, ka duk ndu̱ tu̱kti zhiyaye ɓu̱ Sodom ndu̱ Gomora ye nduki nu̱ mbu̱ ghai nang.

Matta 11:22

Yang nga zu̱ran ye nu̱, fu̱ɗar wuri, ka shi longgume ye Taya ndu̱ Sidon mbu̱ a ma kuma wora tu̱ duktonu.

Matta 11:24

Yang nga zu̱ran ye nu fu̱ɗar wuri, ka shi longguma ye Sodom tu̱ duk toro (Kaparnakhum)”.

Matta 12:36

Ngaa zu̱ran ye nu, nduki ka shiga su̱ aa nyi maatli ɓalar nu̱ wor shiki fu̱ɗar wuri.

Matta 24:35

Maa viɗi ndu̱ maa vu̱ghai ka woɗa yang ɓalar ɓang ɓu̱ pasha aa koɗom ɓa.

Matta 25:41

“Kom ka ze nduki nu̱ ɗyin bu̱n gu̱ɗawang za, ‘Ɗu̱ma ya ɓar fan, tun nu̱ miiki barke ɓaanu, vima nu̱ mbu̱ ɓai nu̱ke nu̱ka shi piita ɓa yang tu̱b su̱ ɓa, nu̱ daasaki ye sheɗan ndu̱ nu̱ ru̱ktiku ɓaran.

Markus 6:11

Kap ye maa nu̱ zhangki dlu̱ronu tu̱ zhang tu̱k ɓalar ɓaanu gha, sarchi nu̱ke tun a ma viri ɓar mbu̱ ghayang, tun mba kalau mbu̱ saaronu nu̱ gha ma ku kha ma saidu ɗyine wora. Zhire ngaa zu̱ran ye nu, fu̱ɗar wuri, Sodom ndu̱ Gomora kaa duk ndu̱ gwa longguma ye ghai nang.”

Yokhana 12:48

Njif nu̱ zhangki nga gha, yang nu̱ dlu̱ shogar ɓang tu̱k zu̱m ɓa, nu̱ kuma nda nje, ɓalar nang zu̱ki, chin ka kumaki nda fu̱ɗar wuri.

Romeku 2:5

Yang kaaku̱ɗakh ɗyin, ndu̱ kaaku̱ɗakh memu̱nar nu̱ke ta shiran nang, ta tabakya kumar ye ɗyinoro, yang a buroro ye Fu̱ɗar shokhnar ɓu̱ Magham, nang ke sarchi nu̱ke a ma wut kumar toropndi ɓu̱ Magham.

1 Korintiyeku 3:13

Mbari tlu̱nar nu̱ aaki shiki ka ɓa vi ye dalangi, du̱ndang kaɗa vi nu̱ dam ye Fu̱ɗar ɓu̱ Masiya. Ku̱me ɓai ka wutki tlu̱nar ɓu̱ aaki ɗo, ɓaiyang ka buu tlu̱nar nu̱ aaki shiki.

Filipiyeku 1:28

Sawa nu nu̱ zhangndiku ɓaanu ɓa; tun kha wang, nang ka wut ye wor nu̱ ɗyine ka su̱ya ku yang ɓaanu tun ka ɗana, ku̱me Magham ka shiki nang.

2 Tasalonikeku 2:3

Ku̱ aaki lamba nu aa kikimndi ɓa, ku̱me fu̱ɗar nang ɓu̱ ɗa ɓa ɓa kope wa shi tonggu̱rong nang, kuji tonggu̱rong ka ɗa vi, nang ke njif nu̱ daasaki mu̱ti yenda.

1 Timoti 6:9

Nduki nu̱ke a shim ku̱ kha nda ma nu̱ gu̱na wa ka nggu̱ɗ nu̱ mbu̱ buuriku. Tu̱ zhan mbu̱ shaanggir shimndi ɗyi malkandiku zum zum, ndu̱ shimndi ɗyiku bam bam nu̱ke nu̱ shipa ɓa nu̱ka saki nduki tu̱ su̱bu̱ri tu̱ khu̱l ye mu̱ti.

Yibraniyeku 12:29

ku̱me Maghamndi ɓaarem ɗya ɓai nu̱ka zu̱mki aa nu̱m.

2 Bitu̱rus 2:9

Mbu̱ yang ɗyiku nang wanang Magham wa zu̱n ɗyi nu̱ke chin ka shiki ma ɗana nu̱ sawar nda ku mbe buuriku ɓaanda. Magham wa zu̱n ɗyi nu̱ke chin ka shiki chin njig nu̱ mu̱narku mbu̱ bonye ɓaanda kope sarchi kumari.

2 Bitu̱rus 3:10

Yang Fu̱ɗar ɓu̱ Zhinkir gwaanji ka ɗa ɓa wa ɓar ɓu̱ nu̱ muuru. Maa viɗi ka su̱ya ndu̱ su̱qur du̱mbu̱rkandi. Ɗyi nu̱ shiki maa viɗi ndu̱ maa vu̱ghai si ka va nu̱ gha ndu̱ ɓai, Larji ndu̱ ɗyi nu̱ke a mban kap ka su̱ya ku.

2 Bitu̱rus 3:12

Tun shi khar ɓaanu tun a kasha ɓar ɓu̱ fu̱ɗar ɓu̱ Magham. Tun shim ku̱ fu̱ɗar nang a ɓa ɗau, nang ke, fu̱ɗar nu̱ke maa viɗi ka ɓa vaki mbu̱ ɓai. Ɗyiku nu̱ shiki mu̱na viɗi ndu̱ maa vu̱ghai sang, ka yela ku tu̱ su̱ya mbu̱ ɓaiyang.

1 Yokhana 4:17

Nu̱ ku̱nshe nang ndola wa kha nyeedlan mbe rem ma ku̱ kha mi ndu̱ shokhku̱rokh memu̱na fu̱ɗar nu̱ke Magham a ma kuma rem. Jiwa ba wa nu̱ke Masiya si, chem wanang tu̱k mbu̱ larji nang.

Yakhuda 1:7

Shi wanang tu̱k ye Sodom ndu̱ Gomora, kom ndu̱ ghaiku nu̱ke a nje kararan ndu̱ wora. Wor tu̱k yang wa vu̱r var wor ye su̱bu̱rti ndu̱ shimndi ɗyi ɓu̱ manva. Wa kha ku ma ɗye buuri ye nduki nu̱ zaki bonye kumar ɓai nu̱ke lauɗa su̱ ɓa.

Ɗyin mbu̱ tukari 17:11

Chin dlu gaari nu̱ke a nje zhu, yang a nje leendang ɓa ndang, ke nu̱ miyasi, yang a vi chele mutndikwang, a yir ye maa nu̱ke ka mu̱tki.

Ɗyin mbu̱ tukari 17:8

Chin dlu gaari no naki nang, wa kha zhu, yang leendang a nje ɓa, ka ɗa dlan dam mbu̱ ge gargha mboɓongndi nu̱ke me tu̱ɓ si ɓandi nang ma yir ye maa nu̱ke a ma tlagha nda nu̱ gha. Nduki nu̱ke kharan mbu̱ larji, wor nu̱ke nu̱ bu̱la dlu̱m wor nu̱ mbu̱ Lagarkati Nu̱ Nyifiri ɓa, ka shi lazham nar dlu gaarang, ku̱me wa kha zhu, yang leendang a nje ɓa, yang ka ɗa gaɓ gana fan tu̱k.

Ɗyin mbu̱ tukari 20:11

Kom tang na zhakhɗye nggur gwaanji ɓong, ndu̱ njif nggur kharan ɗyinan. Tu̱ maa vu̱ghai ndu̱ maa viɗi ɗa ɓar gume nda, ku̱me maa nje ku̱me wor ɓa.

Ɗyin mbu̱ tukari 21:1

Kom tang na maa viɗi mewakandi ndu̱ maa vu̱ghai mewakandi. Maa viɗi nu̱ gumapaali ndu̱ maa vu̱ghai nu̱ gumapaali wa su̱ya ku kap, ɗyim chitndi nje tu̱k ɓa.