2 Bitu̱rus 3:18 - Mewar Alqawarang

¹⁸ Me ɓu̱ nang, tun ki gwaari mbe mu̱nkir ndu̱ zu̱ndi Zhinerem gwaanji Yesu Masiya Nu̱ Ɗana rem, tun gwa shaatar mbe zu̱ndi nda aa nyi sarchi. Ku̱ zhaaji kha nda leendang nu̱ aakochi koɗokhsi ɓa. Amin.

2 Bitu̱rus 3:18 ပူးပေါင်းရင်းမြစ်များ

Matta 28:20

Tun a shoga ye wor ku̱ khutlo kap ɗyi nang zu̱ki ye nu. Zu̱n ma nga nje su̱yen ndu̱ tunu ma yir lauɗarsi qaandi virkiri.”

Matta 6:13

Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Yokhana 17:3

Gwar nyifi nu̱ke nu̱ka shi woɗa ɓa ke ku̱ nduki zu̱ndor to ɗyenda to ke Maghamndi nu̱ zhire, kom ndu̱ Yesu Masiya no ɗa ru̱kki nda.

Yokhana 5:23

Ma ku̱ aaki vu̱r gorkir ye Woyang, ba wa nu̱ka vu̱rki gorkir ye Zhinkirang ku. Kap njif nu̱ke nu̱ vu̱r gorkir ye woyang ɓa, nu̱ vu̱r gorkir ye Zhin nu̱ ɗa ru̱kki nda ɓa.”

Romeku 11:36

Jiwa aa nu̱m a vi she nda, nu̱ ku̱nshe nda, kom ma yir she nda tu̱k. Bu ku̱ zhaaji kha Magham koɗokhsi ɓa. Amin.

2 Korintiyeku 4:6

Jiwa Magham nu̱ zu̱ki za, “Ku̱ yarang shi mbu̱ zhum maari,” chin saki yarang ɓaran ku̱ shi mbu̱ memu̱narem, ma ku̱ shi yarang ye nduki ku̱ zu̱n ku za nduk ka na zhaaji ɓu̱ Magham nu̱ ku̱nshe Masiya.

Afiseku 1:17

Nga barar ma ku̱ Maghamndi ɓu̱ Zhinerem gwaanji Yesu Masiya, Zhinkir nu̱ zhaaji, ku̱ vu̱r Jiimbi ɓaran nu̱ka vu̱rki kaɗari ndu̱ wuti su̱ tunu ye nu, ma ku̱ gwa nu shaatar mbe zu̱ndi Magham.

Afiseku 4:15

Me ɓu̱ nang, ki mi zu̱ zhire ye yen mbe ndola, chem gor mbe aa nyi tunu, tu̱ ɗye shir ɓaarem kha wa ɓu̱ Masiya nu̱ke a khar wa chin ke ɗyin.

Filipiyeku 3:8

Ai, tun a nje nu̱ dukki zu̱ndi Masiya Yesu Zhinerem gwaanji zhaaji ɓa. Nga da aa nu̱m ma asar sha, mbu̱ nga ku̱rti nda ndu̱ zhaaji zu̱ndi Masiya Yesu Zhinerem gwaanji. Nga mbu̱ɗ aa nu̱m kap ku̱me chin. Nga gaɓ ndu̱ wor ma ɗyi bamndi ma ku̱ gwa nga Masiya,

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

Kolosiyeku 3:10

tun wa da mewar ɗye shir mbarkandi. Nang ke njif mewakandi nu̱ Magham du̱ngki nu̱ke a gaɓti nu̱ chin tu̱ kha mewa aa nyi sarchi ma ku̱ kha wa chin, ma ku̱ sa nu tun zu̱n nda mbari.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

2 Timoti 4:18

Zhinkir gwaanji ka lawa nga ɓar mbe aa nyi ɗyi malkandi, ka khutlo nga, tu̱ ɗu̱ ndu̱ nga mbu̱ kwaaɗar ɓaran mbu̱ viɗi. Ku̱ zhaaji kha nda koɗokhsi shwat ɓa! Amin.

1 Biturus 2:2

Me ɓu̱ nang tun kha wa ɓeelar qusonggi nu̱ke a kasha zar ɓiɓi me ɗyinan, tun kasha ɓalar ɓu̱ Magham wanang ma ku̱ gor nu tun khu̱l ye gwar ɗanari,

2 Bitu̱rus 1:11

Shir wanang ka sa tun gwa gaɗar mbarkandi ma viri nu̱ mbu̱ kwaaɗar ɓu̱ Zhinerem gwaanji nu̱ke nu̱ka shi woɗa ɓa ndu̱ nu̱ Nu̱ Ɗanar rem Yesu Masiya.

2 Bitu̱rus 1:2

Bu ku̱ Magham shaata mu̱nkir ndu̱ qaandi memu̱nar maɗyikandi ye nu mbe zu̱ndi Magham ndu̱ Yesu Zhinerem gwaanji.

2 Bitu̱rus 1:3

Magham mbu̱ zalale ɓaran wa vu̱r ɗyi nu̱ke chem a gangndan kap ma shi mi pooni khar viti ɓu̱ nduki nu̱ sawar Magham nu̱ ku̱nshe zu̱n ndu̱ nda. Chin qaki rem mbe pooni zhaaji ndu̱ dambi ɓaran.

2 Bitu̱rus 1:8

Mbu tun wa gwa pooni ɗyiku nang khang mbu̱ khar viti ɓaanu, tun ɓu̱ kha tu̱ɓtan ɓa yang tun ka vu̱r boota mbe zu̱ndi Zhinerem gwaanji Yesu Masiya nun shiki.

2 Bitu̱rus 2:20

Mbu̱ nduk wa zu̱n nu̱ ɗyine Zhinerem gwaanji Yesu Masiya ke nu̱ ɗana rem, tu̱ lawa mbe ɗye shir malkandi nu̱ larji nu̱ka saki tu̱ nduk gal gha. Tu̱ yang gaɓ nu̱ mbu̱ pooni ɗye shir malkandi ku nang qu̱rsan, tu̱ ɗyen duk du̱mbu̱r ɓaran, khar viti ɓu̱ njif nang ka duk nu̱ gumapaali maatli maɗyi.

Yakhuda 1:25

Ma yir she Magham ɗyenda nu̱ ɗana rem, ku̱ gorkiri ndu̱ zhaaji ndu̱ kwaaɗar ndu̱ zalale kha nda me nggar su̱ sarchi, ndu̱ leendang, ndu̱ aakochi koɗokhsi ɓa! Nu̱ ku̱nshe Yesu Masiya Zhinerem gwaanji, Amin.

Ɗyin mbu̱ tukari 1:6

Chin gaɓki ndu̱ chem, chem kha ma kwaaɗari ndu̱ kuruku ma tlu̱nar ye Magham ndu̱ ɓaran nu̱ Zhin. Ku̱me nang bu ku̱ Yesu Masiya dlu̱ zhaaji ndu̱ kwaaɗar koɗokhsi sar da ɓa! Amin.