2 Bitu̱rus 3:17 - Mewar Alqawarang

¹⁷ Ku̱me nang, tun raptaku nu̱ke nga ndolaran, nu̱ke tun wa woɗa da mbu̱ ɗyiku nang, ku̱r ma vaanu ndu̱ pooni nduki nu̱ njigki mbu Magham nang. Ku̱ shogar wollo ɓaanda da khangkal ɓaanu ɓar tun nggu̱ɗi tun njig ye maa nu̱ke tun a si ɓa.

2 Bitu̱rus 3:17 ပူးပေါင်းရင်းမြစ်များ

Matta 16:11

Nu̱m saki tun ku̱na da mban nu̱ ɗyine ngaa shikya ɓalar ɓu̱rti toli ɓa? Nga zu̱ nga za ku̱ shakh nu̱ ɗyinonu ndu̱ yis ɓu̱ Pariseku ndu̱ Sadukeku.

Matta 16:6

Tu̱ Yesu ze wor za, “Ku̱r ma vaanu, tun shakh ɗyinonu ndu̱ yis ɓu̱ Pariseku ndu̱ Sadukeku.”

Matta 7:15

“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Yokhana 16:4

Nga zu̱ ɗyiku nang ye nu, ku̱me mbu̱ sarchi ɓaanda a ɓa tun kor nga ze nu. Nang zu̱ ɗyiku nang ye nu gumapaali ɓa ku̱me nga su̱yen ndu̱ tunu.”

Tlu̱nar ɓu̱ Pudeku 2:42

Tu̱ vu̱r vaanda ye shogar ɓu̱ Pudekwang ndu̱ khar ndu̱ yen, ndu̱ zu̱mndi ɗye zu̱mndi su̱yen kom ndu̱ barari.

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

1 Korintiyeku 10:12

Ku̱me nang mbu̱ to chingndan shaanggu̱ɗang ye nar ɓaaro, ching gha va buran ma ku̱ nggu̱ɗ na ɓa.

1 Korintiyeku 15:58

Ku̱me nang, nyeezaku nu̱ke nga ndolaran, ching ma gha shaanggu̱ɗang, song nu ɓar ɓa, tun a vu̱r vaanu ye tlu̱nar ɓu̱ Zhinerem gwaanji. Ku̱me tun wa zu̱n nu̱ ɗyine bonye nu̱ke tun a shiran ku̱me Zhinerem gwaanji ɓu̱ kha bam ɓa.

2 Korintiyeku 11:3

Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

Galatiyeku 5:4

Tun nu̱ke tun a shim gwa nu khar waare sola gume Magham nu̱ ku̱nshe mbu Bibitang, tun wa vi ɓar mbe mbu Masiya. Tun wa zhang mu̱nkir ɓu̱ Magham gha.

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

Filipiyeku 3:2

Ku̱r ma ɗyinonu nu̱ yiɗaku nandang, nu̱ tlu̱nar malkandi ku, nu̱ dlar vaanda nu̱gha, za wora dla si nggwa.

Kolosiyeku 2:5

Aa nu̱ke nga nje su̱yen ndu̱ tun mbu̱ manva ɓa, nga su̱yen ndu̱ tun mbu̱ jiimba. Nga kashar maɗyi ku̱me labar nang tu̱kki za tun a nje su̱yen chingndan shaanggu̱ɗang mbu̱ maito nun shiki mbe Masiya.

Kolosiyeku 2:8

Ku̱ njig nu tu̱ nduk gaɓ ndu̱ tun ma maava nu̱ ku̱nshe lambar bamndi nu̱ kaɗari ɓu̱ nduk ɓa. Pooni zu̱ndi nang a vi she nduki nu̱ke a larji, kom ndu̱ khu̱kheetiku nu̱ke a zalale ndu̱ larji, nu̱ ɗa vi she Masiya ɓa.

2 Timoti 4:15

To ku̱r va ndu̱ chin tu̱k ku̱me wa shi kare ndu̱ wopar ɓaarem nang maɗyi.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

1 Biturus 5:9

Ngga nu dalang yenda ɓa. Ching ma gha shaanggu̱ɗang mbe maito ɓaanu, nu̱ke tun wa zu̱n nu̱ ɗyine nyeezonu nu̱ mbu Yesu nu̱ke a aa fu̱n mbu̱ larji nang, a za bonye nang wa nu̱ke tun a zaran.

2 Bitu̱rus 2:7

Mbu̱ yang wa ɗana Lot tu̱k, chin nu̱ke ɗya nu̱ dambi, nu̱ke wa damta maɗyi ɗyine pooni ɗye shir malkandi ɓu̱ nduki nu̱ Sodom nu̱ke nu̱ka mbu wopa ku ɓa.

2 Bitu̱rus 3:1

Raptaku nu̱ke nga ndolaran, leendang nang ke lagarkati ɓang nu̱ rap nang ru̱kki ye nu. Yang mbu̱ lagarkati ɓang ku rapndi nang nga bu̱la ɗyiku nu̱ke ka saki nu tun mbu Magham ndu̱ memu̱nar da.

Ɗyin mbu̱ tukari 2:5

Kor ɓakh ɓu̱ maa chingndi ɓaa nu̱ke ta nggu̱tki si! Nggoɗu to gaɓ ye ɗyi nu̱ke ta san gumapaalyang. Mbu̱ yang no nggoɗ ɓa, ngga ɗa ɓa tang da tokhol ɓai ɓaarang ɓar ye maa khar ɓaran.