2 Bitu̱rus 3:15 - Mewar Alqawarang

¹⁵ Kor ma nu̱ ɗyine ɗyi nu̱ saki tu̱ Zhinkir gwaanji ki kaɗanyi chin ke a shim ku̱ nduki gwa ɗanari. Ba wa nu̱ Bulus mu̱dlerem nu̱ke chem a ndolaran bu̱laki ye nu wa nu̱ Magham vu̱rki kaɗari ni yenda.

2 Bitu̱rus 3:15 ပူးပေါင်းရင်းမြစ်များ

Luka 21:15

Ku̱me nga vu̱r ɓalarku ndu̱ kaɗari ye nu nu̱ke nduk a nje chele ɓu̱ nu̱ zhangndi ɓaanu nu̱ke ka ɗu̱maki mbu̱m ɓalar ɓaanu nu̱ gha tu̱ keela ɗyi nun zu̱ki ɓa.

Tlu̱nar ɓu̱ Pudeku 15:25

Nu̱ke wanangang, qu̱rse chem wa shi ɓalar ndu̱ yen, chem na wa shipa dat mi nduki chem a ru̱k wor nu̱ she nu. Su̱yen ndu̱ rapteremku Barnaba ndu̱ Bulus

Tlu̱nar ɓu̱ Pudeku 7:10

tu̱ lawa nda ɓar mbe bonyeku nang kap. Tu̱ Magham vu̱r kaɗari yenda tu̱ gumaran shi paling she Firauna kuji Masar. Tu̱ Firauna vu̱r kwaaɗar Masar yenda tu̱ sa rafti ɓaran kap nu̱ mbu̱ bu̱nan.

Tlu̱nar ɓu̱ Pudeku 9:17

Kom tu̱ Khananiya ɗu̱ tu̱ ɗa vi nu̱ mbu̱ raftang. Nu̱ du̱ngki kharan nu̱ ɗyine Shawulu, tu̱ zu̱ za, “Mu̱dla Shawulu Zhinerem gwaanji Yesu nu̱ wutki varan yoro yiti njiv nu̱ke ta ɓarang a ru̱kki nga. Ru̱ktang ma gwana nar maari tu̱k tu̱ nyeedlor ndu̱ Jiimbi shakhshakhndi.”

Romeku 2:4

Yang ɓa, ta ndu̱mkya khang mu̱nkir ɓu̱ Magham, ndu̱ kanaɗyi ɓaran, ndu̱ song wuti shokhnar ɓaran ɗau ɗau nu̱ke a shiran yorang mu? Alapa no zu̱n za mu̱nkir nu̱ke Magham a shiran yorang a shiran ma ku̱ nggoɗ na ɓa goma?

1 Korintiyeku 12:8

Njif nggur wa gwa vu̱rti nu̱ke ɓalar ɓaran aakochi nyeedlan ndu̱ kaɗari, nu̱ ku̱nshe Jiimbi shakhshakhndi, tu̱ njif nggur gwa ɓalar nu̱ke nyeedlan ndu̱ zu̱ndi nu̱ ku̱nshe chin Jiimbi dandi nang.

1 Korintiyeku 2:13

Ɗyiku nu̱ke chem a zu̱ran ye nu nang, nyem shi boote ndu̱ ɓalar nu̱ kaɗari nu̱ nduk shogaki yerem ɓa. Chem a shikya boote ndu̱ ɓalar nu̱ Jiimba shogaki yerem, chem a zu̱ zhire ɗyi nu̱ mbu Jiimba ye nduki nu̱ke a mbu̱ Jiimba.

1 Korintiyeku 3:10

Ku̱nshe mu̱nkir nu̱ Magham shiki ya, nga sa saari du̱ndang wa njif nu̱ khaki kwartaran mbe du̱ndi, yang njif nggur a du̱ndi nu̱ ɗyinan. Yang wa ku̱s ku̱ aaki zu̱n pooni du̱ndi nu̱ke chin a shiran nu̱ ɗyinan.

Afiseku 3:3

Nang ke ɗyin mbu̱ tukar nu̱ Magham wutki ya ɗyine shimndi ɓaran tukakandi, ba wa nang bu̱laki ye nu koɗom ɗyinan.

1 Timoti 1:16

Yang tu̱ Magham tu̱k zhiyaye ɓanga, aa nu̱ke nga kuji sola, ma ku̱ nduki na kaɗanyi ɓu̱ Masiya Yesu nu̱ vya, tang kha ma ɗye saidu ye nduki nu̱ke a ma maita nda gana fan ma gwa nyifi nu̱ke ɓu̱ shi woɗa ɓa.

Yaqub 1:5

Mbu̱ ke nduk a nje chele ɓaanu nu̱ke kaɗari ve nda ɓa, ku̱ khuɗ Magham nu̱ka vu̱rki ye aaki kharan nggaran yang nu̱ka zham me nduk ɓa, ka vu̱r yenda.

Yaqub 3:17

Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

1 Biturus 3:20

Nang ke jiimbiku nu̱ mbu̱ zhaaru̱m nu̱ zhangki mbu zu̱r ɓu̱ Magham gha zhu ye sarchi ɓu̱ Nukhu. Aa nu̱ke Magham wa shi kaɗanyi ye sarchi nu̱ke Nukhu a khu̱ɓ du̱mbu̱lang. Ba nduki koɗom ɗanaki mbu̱ du̱mbu̱lang ye sarchi ni, nduki miyasi lawaki mbe ɗyimang.

2 Bitu̱rus 3:2

Nga shim ku̱ kor nu ɗyiku nu̱ke annabiku shakhshakhndi nu̱ zhu zu̱ki, kom ndu̱ ɓalar nu̱ Zhinerem gwaanji ndu̱ nu̱ ɗana rem zu̱ki mbu̱ me pudeku nu̱ ɗa ru̱kki nu̱ she nu.

2 Bitu̱rus 3:9

Ɓeeni nduki a zu̱ran za Zhinkir gwaanji a ku̱ɗa ku̱ɗa ndu̱ alqawar nu̱ shiki. Yang ɗyen wanang ɓa, a shikya kaɗanyi ndu̱ tunu nu̱ shim ku̱ aaki su̱ya ɓa, a shim ku̱ aaki nggoɗi.