2 Bitu̱rus 3:1 - Mewar Alqawarang

¹ Raptaku nu̱ke nga ndolaran, leendang nang ke lagarkati ɓang nu̱ rap nang ru̱kki ye nu. Yang mbu̱ lagarkati ɓang ku rapndi nang nga bu̱la ɗyiku nu̱ke ka saki nu tun mbu Magham ndu̱ memu̱nar da.

2 Bitu̱rus 3:1 ပူးပေါင်းရင်းမြစ်များ

Matta 5:8

Barkya ve nduki nu̱ke memu̱na wor shakhshakh, ku̱me wor ka ɓa naki Magham.

2 Korintiyeku 13:2

Sarchi nang ɗu̱ki she nu nu̱ rapan, nga wu nduki nu̱ shiki solarku ndu̱ nduki kap ku̱ njig solar ku. Yang leendang nu̱ke nga nje su̱yen ndu̱ tun ɓa, nga maata wuri nang shikyang. Mbu̱ nga gaɓi nduk nu̱ke shiki solar guma nu̱ nduk nu̱ke ɓu̱ shi gana fan ngam ɓu̱ njig aaki ɓa.

1 Timoti 5:22

Shi na wakho daati dle gume ma sa khar barke nu̱ ɗyine nda ɓa, yang sa na va nu̱ mbu̱ solar ɓu̱ njif nggur ɓa, to bu vaaro to kha shakhshakh.

2 Timoti 1:6

Nang ke ɗyi nu̱ saki nga kwaaran yor nga za ku̱ shi na boote maɗyi ndu̱ vu̱rti nu̱ Magham shiki yor sarchi nang saki khar barke nu̱ ɗyinoro.

Yibraniyeku 6:9

Raptaku, aa nu̱ke chem a pooni ɓalar nang, chem wa maita nu̱ ɗyine ɓaanu tun wa dlu̱ barke nu̱ dukki mbaari qu̱rse ɗanar ɓaanu.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 2:11

Raptaku nu̱ke nga ndolaran, nu̱ke tun a shikya khar runggu mbu̱ larji nang, maa kha nu fan ɓa, nga khutonu, shakh ma ɗyinonu ndu̱ ɗye shir malkandi nu̱ melakh ɓu̱ nduku, ɗye shir nang a wute ndu̱ jiimbonu.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

2 Bitu̱rus 3:17

Ku̱me nang, tun raptaku nu̱ke nga ndolaran, nu̱ke tun wa woɗa da mbu̱ ɗyiku nang, ku̱r ma vaanu ndu̱ pooni nduki nu̱ njigki mbu Magham nang. Ku̱ shogar wollo ɓaanda da khangkal ɓaanu ɓar tun nggu̱ɗi tun njig ye maa nu̱ke tun a si ɓa.

2 Bitu̱rus 3:8

Yang tun raptaku nu̱ke nga ndolaran, tun da nu̱ke nang shim ku̱ mona nu ɓa, chin ke qaandi da she Zhinkir gwaanji a khar wa sonyi du̱pu, yang sonyi du̱pu a khar wa qaandi da.

Yakhuda 1:5

Aa nu̱ke tun wa zu̱ni, nga shim ku̱ kor nu njiv nu̱ Zhinkir gwaanji ɗanaki nduki ɓaran sarchi na kheɗki wor ɓar mbu̱ ghai Masar, yang kap ndu̱ nang qu̱rsan tu̱ su̱ya nduki nu̱ke nu̱ maita ɓa nu̱gha.