2 Bitu̱rus 2:21 - Mewar Alqawarang

²¹ Tu̱ga pooni nduki nang nu̱ zu̱n njiv dambi ku sar da mbu̱ khar viti ɓaanda ɓa, ka duk ye wora. Yang wonji, qu̱rse wa zu̱n njivang ku, tu̱ yang gaɓ nu̱ gana ku tu̱ njig mburi zu̱r shakhshakhndi nu̱ vu̱rki ye wor nang.

2 Bitu̱rus 2:21 ပူးပေါင်းရင်းမြစ်များ

Matta 21:32

Ku̱me Yokhana a ɓa tu̱ wuɗ njiv toropndi ye nu, yang nun maita ɓa. Wonji nu̱ dlu̱r zhaanggalku ndu̱ man mu̱nggu̱lku wa maita. Yang kap ndu̱ nang, nun nggoɗ tun maita ɓa.

Luka 12:47

“Maavi nu̱ zu̱nki ɗyi nu̱ke nu̱ rafti ɓaran a shimndan shi nji, yang nu̱ daasa tu̱ shi ɓa, ka gwa dlabti gu̱rgu̱rndi.

Yokhana 15:22

Mbu̱ na nga ɓa tang shi ɓalar ye wor ɓa, tu̱ga sola ve wor ɓa. Yang leendang me ve wor ɗyine solar ɓaanda ɓa.

Yokhana 9:41

Tu̱ Yesu ze wor za, “Ai mbu̱ tun puguman tu̱ga sola ve nu ɓa. Yang nun zu̱ki za tun a na maari, solar ɓaanu ba a nje rong.”

Romeku 7:12

Ku̱me nang chin bibitang shakhshakh, zu̱r ɓu̱ Magham shakhshakh, torop, yang mbar tu̱k.

Galatiyeku 6:2

Da ma kuɗar ɓu̱ yen, shir wanangang ka sa tun nyel bibiti ɓu̱ Masiya.

1 Tasalonikeku 4:2

Jiwa tun wa zu̱n shogar nyem shiki ye nu ba wa nu̱ Zhinerem gwaanji Yesu vu̱rki zalale yerem ku̱ shoga mi.

1 Timoti 6:14

To khutlo woparku nang waare ɗye zop ndu̱ ɗye pu̱zi ma yir ye sarchi nu̱ Zhinerem gwaanji Yesu Masiya kaɗa gaɓki.

Yibraniyeku 10:26

Sadke nggur a nje nu̱ke ka shiɓki sola ɓar ɓa mbu̱ chem wa zu̱m guma ndu̱ shir solar kharki qu̱rse chem wa zu̱n zhiryang.

Yaqub 4:17

Ku̱me nang aaki zu̱nki ɗyi nu̱ shipaki ku̱ shi tu̱ yang zhang shiran gha, wa kha ma sola she nda.

2 Bitu̱rus 3:2

Nga shim ku̱ kor nu ɗyiku nu̱ke annabiku shakhshakhndi nu̱ zhu zu̱ki, kom ndu̱ ɓalar nu̱ Zhinerem gwaanji ndu̱ nu̱ ɗana rem zu̱ki mbu̱ me pudeku nu̱ ɗa ru̱kki nu̱ she nu.

Yakhuda 1:3

Raptaku nu̱ke nga ndolaran, aa nu̱ke nga kasha bu̱laran ye nu ɗyine ɗanar ɓaarem nang. Yang qu̱rsan tang na wa ku̱s ku̱ bu̱la nga ye nu tang khutonu ku̱ shi nu wute maɗyi, ku̱me ɓalar maito ɓaarem nu̱ Magham saki nu̱ mbu̱ khar nu̱ mburi nda ku, sar kaada ye kharki.