2 Bitu̱rus 2:14 - Mewar Alqawarang

¹⁴ Aakochi a korkya laɓti nusu, nu̱ka nggum ku ndu̱ shir sola ɓa. A lamba nduki nu̱ke du̱mbu̱ran ku mbu̱ maito ɓaanda ɓa. Wa kha ku wang mbe melakh ɓaanda. Magham ka kuma pooni nduki nang shwat.

2 Bitu̱rus 2:14 ပူးပေါင်းရင်းမြစ်များ

Matta 12:34

Tun su̱ti ghu̱ɓtiku, tun ka zu̱ ɗyi mbarkandi kikimnda nu̱ke tun mu̱naranang? Ai ɗyi nu̱ke a memu̱na nduk nang ke ɗyi nu̱ka viki mbu̱ men.

Matta 23:14

Tun nu̱ ɗyinonu nun vi ɓa, yang tun a nggu̱tl zalale viri ye nu̱ viri ku ku̱ vi. Tun ɗye zhiyaye, Maalu̱m Taurete ku ndu̱ Pariseku, nu̱ mu̱narku! Tun wa ka zu̱m gu̱nar ɓu̱ nusuku nu̱ zhime wor mu̱tki, tun shi barar kirkandi ma ku̱ nduki na nu. Tun ka gwa kumar maɗyikandi ku̱me nang.

Matta 25:41

“Kom ka ze nduki nu̱ ɗyin bu̱n gu̱ɗawang za, ‘Ɗu̱ma ya ɓar fan, tun nu̱ miiki barke ɓaanu, vima nu̱ mbu̱ ɓai nu̱ke nu̱ka shi piita ɓa yang tu̱b su̱ ɓa, nu̱ daasaki ye sheɗan ndu̱ nu̱ ru̱ktiku ɓaran.

Matta 5:28

Yang ngaa zu̱ran ye nu kap njif nu̱ nggu̱tki nusu tu̱ shim shi zawar ndu̱ chin wa woɗa qaandi ndu̱ chin mbu̱ memu̱naran.

Markus 13:22

Ku̱me Masiye nu̱ kotame ku ndu̱ annabi kotame ku ka ɗa viiku, kaa wut ɗye saidu ku, ndu̱ ɗye lazham ku, ma lamba nduki, mbu̱ ka ɗu̱ma ku tu̱ga ka lamba aa nduki datkandikwang.

Yokhana 5:44

Yang ɗa, tun ka maita kikimndana nu̱ke tun a komkomi gwa makhtar chele ɓaanu, yang nun zhang vaanu ma gwa nu makhtar nu̱ka viki she Magham ɗyenda ɓa?

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

1 Korintiyeku 11:19

Yang wa ku̱s ku̱ ɗyinonu shakki ma ku̱ zu̱n nu̱ zhire ku nu̱ke a chele ɓaanu.

Afiseku 2:3

Chem kap wa wora ɗau fara, chem a mbu shimndiku ɓu̱ man vaarem, chem a shikya ɗyi nu̱ man vaarem ndu̱ memu̱narem zu̱ki yerem ɗyenda. Ku̱me ɗye shir ɓaarem ɗya ɓu̱ man va, tu̱ga shokhnar ɓu̱ Magham a ɓa ɗyinerem ba wa nu̱ke a nje ɗyine wora.

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

Kolosiyeku 2:18

Ku̱me nang ku̱ njig nu tu̱ nu̱ pakhti ɗyin nggur shi nggu̱ti zop ye nu ku̱me yitan wa ka na ɗyin mbu̱ tuka ɓa. Pooni nduki nang wa ka gang vaanda nu̱ ve wuti katar ɗyin nu̱ wollo ndu̱ ghaari ghai ye nu̱ ru̱kti ku ɓu̱ Magham. Yang alapa ɓa a wutkya gwaari ɗyin nu̱ke ɗyin su̱ ɓa, ɗya nu̱ ndolar ɗyin ku ndu̱ nu̱ pooni ɗye shir malkandi ɓu̱ nduk ɗyenda.

Yaqub 1:8

ku̱me memu̱naran rap rap, mbu̱ ɗyi nu̱ke a shiran kap nu̱ ching nu̱ ye maa da ɓa.

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.

2 Bitu̱rus 2:3

Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.

2 Bitu̱rus 3:16

Wa ka shi ɓalar ɗyine pooni ɗyiku nang aakochi mbu̱ lagarkatiku ɓaran. Mbu̱ lagarkatiku ɓaranang yang ɓeeni ɗyiku a nje nu̱ke shar ku̱ nduk da mban. Nang ke ɗyiku nu̱ke nduki nu̱ song zu̱ndi ku, nu̱ke maito ɓaanda khukhutan, a mbu̱m mbu̱ ɓalarang nu̱gha ku, ba wa nu̱ka shiki ku ye ɓeeni bu̱lar Ɓalar ɓu̱ Magham ku. Ai, nduki nang a dut mu̱ti ye ɗyin wora.

1 Yokhana 2:16

Jiwa kap ɗyiku nu̱ke a larji, shir ɗyi nu̱ke man vaarem a shimndan, ndu̱ ɗyi nu̱ke yiterem naki tu̱ melakh ɗyen, ndu̱ wakhti ndu̱ ɗyi nyem gwaki. Ɗyiku nang nu̱ ɗa vi she Magham ɓa, a vi she larji.

Yakhuda 1:11

Ɗya ɗye zhiyaye ku! Wa mbu ɗye shir ɓu̱ Kayinu ku. Ku̱me shimndi gwar tunu wa nggu̱ɗ ku nu̱ mbu̱ ɗyi galkandi nu̱ Balaam shiki, wa su̱ya ku tu̱k wa nu̱ shiki sarchi pooni tonggu̱rong ɓu̱ Kora.

Ɗyin mbu̱ tukari 12:9

Tu̱ ɗa chiura mbukti ndu̱ Su̱ti gwaanjang nu̱ yaghai, chin ke, geema su̱ti nu̱ zhu, nu̱ ka qaki nda za Nu̱ mu̱na, ko Sheɗan, chin lambaki larji kap. Tu̱ ɗa chiura nda nu̱ yaghai mbu̱ larji su̱yen ndu̱ nu̱ ru̱ktiku ɓaran.