Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Bitu̱rus 2:1 - Mewar Alqawarang

1 Annabi kotameku a vi ku nu̱ mbu̱ nduki ɓu̱ Magham. Yang tu̱k, maalu̱mku nu̱ wollo ka ɗa vi chele ɓaanu. Ka ɗa ɓa ndu̱ shogar ku nggur mbu̱ tuka, tu̱ shi shogar wollo ye nduki ma su̱bu̱r wora. Ka zhang Zhinerem gwaanji nu̱ dliiki nyifi ɓaanda gha. Shir wanangang ka ɗa ɓa ndu̱ mu̱ti ɓaanda ɓu̱ shoɓ ɓa.

အခန်းကိုကြည့်ပါ။ ကော်ပီ




2 Bitu̱rus 2:1
73 ပူးပေါင်းရင်းမြစ်များ  

Yang tu̱k aaki zhangki saida nga gha gume nduki, ngga ɓa zhang saida nda gume Zhinkir ɓanga mbu̱ viɗi.


Annabi kotameku khang ka ɗa ɓa ku tu̱ lamba nduki khang.


Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.


Ku̱me nduki khang kaɗa ɓa mbu̱ dlu̱ma, ka zu̱ ku za, ‘Nga ke Masiya,’ yang ka lamba nduki khang.


“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.


Ku̱me Masiye nu̱ kotame ku ndu̱ annabi kotame ku ka ɗa viiku, kaa wut ɗye saidu ku, ndu̱ ɗye lazham ku, ma lamba nduki, mbu̱ ka ɗu̱ma ku tu̱ga ka lamba aa nduki datkandikwang.


Yang aaki zhangki nga gha gume nduki, Yi ɓu̱ nduk ka ɓa zhang nda gha gume nu̱ ru̱ktiku ɓu̱ Magham.


Tu̱ Yesu tlogha ye wor za, “Ku̱r ma va nu, ku̱me ku̱ nduk lamba nu ɓa. Nduki khang ka ɗa ɓa ku mbu̱ dlu̱ma a zu̱ran ku za, ‘Wor ke nga,’ yang, ‘Sarchi wa shi bing.’ Sar da mbu nu wor ɓa.


Tun ɗye zhiyaye mbu̱ aakya makhta nu, ku̱me zhikankirku ɓaanu shi wanang ye annabi kotameku nu̱ dlu̱r ɓalar she Magham zhu.


Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.


Yang wa ku̱s ku̱ ɗyinonu shakki ma ku̱ zu̱n nu̱ zhire ku nu̱ke a chele ɓaanu.


Magham masa nu masa, tu̱ ɓi. Ku̱me nang vu̱r ma zhaaji ye Magham ndu̱ man vaanu.


Magham masa nu masa nu̱ zhaaji, tu̱ ɓi, ku̱me nang ku̱ kha nu ma maaviku ɓu̱ nduki ɓa.


Ɓalar ku̱ nduk dla san nu̱gha nang a vi she nduki nu̱ kotaran ku za wor nyeezerem, nu̱ ɗa viki nu̱ chele ɓaarem mbu̱ tuka. Yang a vi ku ma su̱bu̱r dli ɗyin nyem gwaki nu̱ ku̱nshe Masiya Yesu nu̱ gha. A shim gaɓ ndu̱ chem ku ma maava,


Yang chem wa lawa mbe miiri barke ɓu̱ Bibitang, ku̱me Masiya wa gwa miiri barke ku̱me chem tu̱ dli ɗyinerem. Jiwa a nje bu̱laran za, “Kap njif nu̱ mu̱tki katlan me qu̱fari barke ɓaran miiran.”


Nduki nu̱ shogar wollo ku nang a shim gwa ɗyinonu, yang a ku̱rkya ɗyi mbarkandi ndu̱ tun ɓa. A shimkya shakh chele ɓaarem, ma ku̱ memu̱na nu gaɓ nu̱ she wora.


ndu̱ ghaari ghai ye mu̱lu̱mku, ndu̱ me muzu, ndu̱ zhangndi yen, ndu̱ dakhlari, ndu̱ zhiri ɓu̱ yen. Kom ndu̱ shokhnari, ndu̱ ndolar ɗyin, shakhti ɗyin, ndu̱ shakhti rafa rafa,


Mbe nda chem wa gwa dli ɗyin nu̱ ku̱nshe tom ɓaran, nang ke yaapar solar ɓaarem nu̱ shiki yerem. Yang shi nang yerem ku̱me khang mu̱nkir ɓaran


Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.


Yang ka su̱ya ku ye lauɗar san. Mbu wor ke maghamndi ɓaanda. A worol ku ndu̱ ɗye kawar nu̱ shiki ku. Ɗyin larji ke damtar ɓaanda.


Ku̱me nang ku̱ njig nu tu̱ nu̱ pakhti ɗyin nggur shi nggu̱ti zop ye nu ku̱me yitan wa ka na ɗyin mbu̱ tuka ɓa. Pooni nduki nang wa ka gang vaanda nu̱ ve wuti katar ɗyin nu̱ wollo ndu̱ ghaari ghai ye nu̱ ru̱kti ku ɓu̱ Magham. Yang alapa ɓa a wutkya gwaari ɗyin nu̱ke ɗyin su̱ ɓa, ɗya nu̱ ndolar ɗyin ku ndu̱ nu̱ pooni ɗye shir malkandi ɓu̱ nduk ɗyenda.


Ku̱ njig nu tu̱ nduk gaɓ ndu̱ tun ma maava nu̱ ku̱nshe lambar bamndi nu̱ kaɗari ɓu̱ nduk ɓa. Pooni zu̱ndi nang a vi she nduki nu̱ke a larji, kom ndu̱ khu̱kheetiku nu̱ke a zalale ndu̱ larji, nu̱ ɗa vi she Masiya ɓa.


Aaki nu̱ke nu̱ka ɗang kheeti ɓaran ɓa, nu̱ shi wa rafti ɓaran ɓa, njif nang wa keela maito nyin shiki tu̱ duk njif nu̱ke nu̱ maita ɓa maatli.


Jiwa sarchi a nje a ɓari nu̱ke nduki ɓu̱ shim shogar zhirekandi ɓa. Me ɓu̱ nang ɗyi nu̱ke memu̱na wora shimndan ndu̱ dlu̱mdi wor nu̱ke a khum wora. Ka sa tu̱ ɗu̱ ku she maalu̱mku nu̱ke ka zu̱ki ɗyi nu̱ke a shim tu̱ktan ku ye wora.


Wa ku̱s ku̱ wu wor ku̱ kha yit ku, ma nu̱ke a lakhta raftiku khang nu̱ gha mbe shogar ɗyi nu̱ke nu̱ shipa ɓa ɓara ma ku̱ gwa nda gu̱na ve njiv batal.


Yang mbu̱ ta wu nu̱ shimndi shakhti ɗyin sar da ma yir nu̱ rapan, to shakh ɗyino ndu̱ chin.


Yang njif nu̱ ndu̱mki Yi ɓu̱ Magham ɗa, wa gaɓ ndu̱ tom alqawar nu̱ wakaki nda nu̱ gha nang tu̱ kha bam, tu̱ pu̱z Jiimbi shakhshakhndi nu̱ mu̱nki! Tun a taman za ka shikya nyi pooni kumar gu̱rgu̱rndi nu̱ shipaki njif nang na?


Aa nu̱ke nun na Masiya Yesu sar da ɓa, yang kap ndu̱ nang tun a ndola nda. Aa nu̱ke tun a na nda leendang ɓa, kap ndu̱ nang tun a maita nda, tun a kashar wa nu̱m gom,


Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.


Nga bu̱la ɗyikunang ye nu nu̱ ɗyine nduki nu̱ke a shim lamba nu ma gal nu gha.


Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.


Wa zu̱ ye nu ku za, “Ye lauɗar su̱ qaandi virkirku ndukiku nggur ka ɗa ɓa nu̱ ɓalar ndu̱mndi ku, ka mbu shimndi ɓu̱ ɗyin vaanda.


Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.


Tu̱ lamba nduki nu̱ke a nje kharan mbu̱ larji kap ndu̱ ɗye lazham nu̱ vu̱rki zalale ni yenda ku̱ shi me ɓu̱ dlu gaari nu̱ gumapaali nang. Tu̱ dlu gaari nu̱ rapang ze wor za ku̱ du̱ng shipar nggur ma vu̱r zhaaji ye dlu gaari nu̱ ruɓaki nda ndu̱ kaskar tu̱ yang shaanang.


Nga zu̱n to kharan ye maa nu̱ke Sheɗan a kwaaɗar ɓaran. Yang kap ndu̱ nang ta ching gha ɗyin dlu̱ma nu̱ zhire, sar da no gaɓ nu̱ gana mbe maitar nga ɓa. Aa mbu̱ qaandi virkir ɓu̱ Antipas, nu̱ saidaki nga nu̱ zhire. Chin nu̱ tlaghaki nda ku mbu̱ ghai ɓaanu maa khar ɓu̱ Sheɗan.


Nga zu̱n bonyeku nu̱ke ta mban ndu̱ nungndi ɓaaro, yang to gu̱naran (mbu̱ Jiimba). Nga zu̱n pooni su̱bu̱rti dlu̱m nu̱ke nduki nu̱ka qaki vaanda za wor Yakhudeku yang wanang ɓa, ɗya kib ghaari ghai ɓu̱ Sheɗan ku.


Nga zu̱n ɗye shirku ɓaaro. Wonji, nga qu̱n me viri nu̱ gume ro nu̱ke nduk a nje nu̱ke ka ɗu̱maki zaran nu̱gha ɓa. Nga zu̱n du̱mbu̱r ɓaa kata. Yang kap ndu̱ nang ta mbu zu̱r ɓanga, no keela zu̱ndi nga ɓa.


Tu̱ qa mewar taazi ku, a zu̱ran ku za, “Ta khu̱l ma ku̱ dlu̱ na lagarkati ɗyikhlakandang to qu̱n yitu̱m ɓaran kwang nu̱gha. Jiwa wa tlagha nu̱gha zhu, yang nu̱ ku̱nshe tom ɓaaro ta dli ɗyin nduki ye Magham mbe aa nyi me sham, ndu̱ me ghin, ndu̱ me ghai, ndu̱ aa nyi nduki.


Tu̱ yang shi qarku nu̱ du̱mbu̱r tu̱ zu̱ ku za, “Ai Zhinkir gwaanji Nu̱ zalale Aa nu̱m, to nu̱ke shakhshakh nu̱ shir zhire tu̱k, to ka kuma nduki nu̱ larji kochiya, ma dli na gaɗe tom ɓaarema?”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ