2 Bitu̱rus 1:6 - Mewar Alqawarang

⁶ Ɗyine zu̱ndi ɗyiku ɓu̱ Magham tun shaata ku̱si ɗyini. Tun shaata gu̱ndi memu̱nar nu̱ ɗyine ku̱si ɗyinang. Tun shaata sawar Magham nu̱ ɗyine gu̱ndi memu̱narang.

2 Bitu̱rus 1:6 ပူးပေါင်းရင်းမြစ်များ

Luka 21:19

Mbu̱ tun wa gu̱n memu̱na nu nyifi ɓaanu ka ɗana.

Luka 8:15

Wor nu̱ ku̱ɗbaki nu̱ mbu̱ ghai mbarkandang yang wor ke nduki nu̱ tu̱kki ɓalar ɓu̱ Magham, tu̱ khuɓ nu̱gha ku mbari ndu̱ memu̱na wor da, tu̱ daa kanaɗyi ku tu̱ vu̱r boota.

Tlu̱nar ɓu̱ Pudeku 24:25

Ye sarchi nang tu̱ Bulus shi ɓalar ɗyine tlu̱nar dambi, ndu̱ dukti du̱mbu̱r ɓu̱ shimndi ɓu̱ man va, ndu̱ kumar nu̱ke a ɓar fu̱ɗar wuri. Tu̱kti ɗyikunang tu̱ Feliks tu̱k sawa, tu̱ ze Bulus za, “Leendang goɓu. Mbu̱ nga gwa sarchi ngga ɓa qa ro.”

Romeku 15:4

Jiwa kap ɗyi nu̱ bu̱laki zhu mbu̱ bu̱lar Ɓalar ɓu̱ Magham bu̱la ma shoga tun yerem. Ma ku̱ kha mi ndu̱ sar memu̱na mbe kaɗanyi, ndu̱ par du̱mbu̱r nu̱ke bu̱lar Ɓalar ɓu̱ Magham a vu̱rtan yerem ku̱me gwami sar memu̱na.

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

Romeku 8:25

Yang mbu̱ chem wa sa memu̱narem nu̱ ɗyine ɗyi nu̱ke nyem gwa dong ɓa, ai, chem wa ka bu ndu̱ kaɗanyi.

1 Korintiyeku 9:25

Nu̱ palam ku wa ka daasa vaanda nu̱ gha, a shi ɗyiku nang ma gwa ɗye ɓiiri nu̱ka su̱bu̱rki, yang ɗye ɓiiri ɓaaremang nu̱ka shi su̱bu̱r ɓa.

2 Korintiyeku 6:4

Me ɓu̱ nang, chem a wutan ye nduki nu̱ ɗyine chem nu̱ tlu̱narku ɓu̱ Magham ve aa nyi njiva. Chem a gu̱n memu̱narem, mbe damtarku ndu̱ bonye ndu̱ palase.

Galatiyeku 5:23

ndu̱ katar ɗyin, ndu̱ ku̱si ɗyin. Ai, Bibitang nu̱ nggu̱tl ɗyiku nang ɓa.

Kolosiyeku 1:11

Ku̱ Magham pa du̱mbu̱r ye nu ndu̱ du̱mbu̱r ɓaran nu̱ zhaaji tun gwa tun ching gha mbari, ma ku̱ gu̱n nu memu̱na nu ndu̱ ɗyi nu̱ke a ɗaatli, tun a kanaɗyi mbe kasha.

1 Tasalonikeku 1:3

Chem a kor tlu̱nar maito ɓaanu gume Maghamndi ɓaarem, ndu̱ Zhinkir ɓaarem, ndu̱ wute nu̱ke tun a san ku̱me ndola. Kom ndu̱ sar memu̱nar mbe kanaɗyi ku̱me sar memu̱nar nun shiki ɗyine Zhinerem gwaanji Yesu Masiya aakochi.

2 Tasalonikeku 1:4

Nang ke ɗyi nu̱ saki chem a me wakhti ndu̱ tun chele tabarku ɓu̱ nu̱ mbu Magham, ku̱me gu̱ndi memu̱na, ndu̱ maito nu̱ke tun a shiran mbe bonyeku khang ndu̱ takashi nu̱ke tun a mban.

2 Tasalonikeku 3:5

Bu ku̱ Zhinerem gwaanji mbu ndu̱ tun mbe ndolar ɓu̱ Magham nang, tun ching gha shaanggu̱ɗang mbe du̱mbu̱r ɓu̱ Masiya.

1 Timoti 2:10

Me ɓu̱ nang, ku̱ tlu̱nakya ɗyi mbarkandi ku ba wa nu̱ shipaki nusuku nu̱ sawar Magham.

1 Timoti 2:2

Tun shi wanang tu̱k ye kujiku ndu̱ nu̱ kwaaɗarku kap, ma ku̱ gwa mi khar mu̱ndi ndu̱ qaandi memu̱nar mbu̱ sawar Magham maɗyikandi ndu̱ khar viti shakhshakhndi ve aa nyi njiva.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

1 Timoti 6:11

Yang to njif ɓu̱ Magham, shokh ɗyinor ndu̱ ɗyiku nang, to sa ɗyinor ma laɓ ɗyi toropndi, ndu̱ khar viti nu̱ke Magham a shimndan, ndu̱ maito ndu̱ ndola, ndu̱ sar memu̱na mbe kaɗanyi, ndu̱ ɗu̱bar memu̱na.

1 Timoti 6:3

Aaki shogaki ɗyi nggur ɓar zum nu̱ke nu̱ kha torop ndu̱ ɓalar ɓu̱ Zhinerem gwaanji Yesu Masiya ɓa, yang ɗya shogar ɓu̱ Magham ɓa,

1 Timoti 6:6

Yang mburi Magham ndu̱ gu̱ndi memu̱na ɗya gu̱na maɗyi.

2 Timoti 3:5

Dam a wutan ku za wor nu̱ zu̱ndi Magham, yang khar viti ɓaanda wa keela zalale nu̱ke a mban. Shakh ma ɗyinonu ndu̱ pooni nduki nang.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

Titus 1:8

Me ɓu̱ nang ku̱ kha ma nu̱ dlu̱r runggiku, nu̱ shimndi shir ɗyi mbarkandi, njif nu̱ke ɗyinan ku̱san maɗyi, njif nu̱ke chingndan ɗyine zhire, njif nu̱ke shakhshakh, njif nu̱ke wuran.

Titus 2:2

To shoga ye ku̱mandiku ku̱ kha ma nu̱ lusar memu̱na, ku̱ kha ma ku̱mandiku nu̱ke nduk ka naki zhaaji ɓaanda, nu̱ ku̱si ɗyin ku, ku̱ ching gha mbar mbe maito, mbe ndola ndu̱ gu̱ndi memu̱na.

Yibraniyeku 10:36

Wa shipa tun gu̱n memu̱na nu, ku̱me shir wanang ka sa tun shi shimndi ɓu̱ Magham, qu̱rsan tun gwa ɗyi nu̱ shiki alqawaranang.

Yibraniyeku 12:1

Ku̱me nang, nu̱ke tabar ɓu̱ nu̱ saiduku khang maɗyi a nje kararan ndu̱ chem, bu ku̱ mbuk mi kap ɗyi nu̱ke ka nggu̱tlki rem ɗar gha, ndu̱ aa nyi solar nu̱ takhshaki rem nu̱ gha. Chem shi ɗar nu̱ke a gume rem nang ndu̱ shokhku̱rokh me bu̱n.

Yibraniyeku 6:12

Nyem shim kha nu ma tu̱sku̱n ɓa, yang mbu ma ɗyin sari wor nu̱ke nu̱ ku̱nshe maito ndu̱ kanaɗyi tu̱ dlu̱ ɗye alqawar nu̱ Magham shiki ye wora.

Yibraniyeku 6:15

Qu̱rse Yibram wa gu̱n memu̱naran ndu̱ kaɗanyi maɗyi, wa dlu̱ ɗyi nu̱ shiki alqawaran yendang.

2 Bitu̱rus 1:3

Magham mbu̱ zalale ɓaran wa vu̱r ɗyi nu̱ke chem a gangndan kap ma shi mi pooni khar viti ɓu̱ nduki nu̱ sawar Magham nu̱ ku̱nshe zu̱n ndu̱ nda. Chin qaki rem mbe pooni zhaaji ndu̱ dambi ɓaran.

2 Bitu̱rus 3:11

Yang nu̱ke ka ɓa su̱ya ɗyiku nang nu̱gha kap wanang, shipa ku̱ khar ɓaanu kha kikimndana? Shi ma khar viti shakhshakhndi, tun vu̱r vaanu ye sawar Magham mbe aa nu̱m.

Ɗyin mbu̱ tukari 1:9

Nga, Yokhana, khatonu ndu̱ mu̱dlonu mbe bonye ndu̱ kwaaɗari ndu̱ kaɗanyi mbe sar memu̱nar nu̱ke ɗya ɓaarem mbe Yesu. Nga ɗyin chenjesi Patu̱mos ku̱me ɓalar ɓu̱ Magham nu̱ saidar Yesu.

Ɗyin mbu̱ tukari 13:10

Njif nu̱ shimki nda ndu̱ tlu̱nar maava, ka ɗu̱kya ndu̱ chin ma tlu̱nar maava. Njif nu̱ shimki ku̱ tlagha nda nu̱ gha ndu̱ kaskari, ka tlagha nda ndu̱ kaskari. Ɗyinang a shimkya daati ɓu̱ Magham ku̱ kha nu̱ kanaɗyi ndu̱ gu̱ndi memu̱nar du̱mbu̱rkandi ndu̱ maito ɓu̱ nu̱ mburi Magham.

Ɗyin mbu̱ tukari 14:12

Nang a shimkya kanaɗyi mbe gu̱ndi memu̱nar du̱mbu̱rkandi ɓu̱ nduki ɓu̱ Magham, nu̱ke a mbu bibiti ɓaran, a khar zhire mbe maitar Yesu nu̱ shiki ku.

Ɗyin mbu̱ tukari 2:2

Nga zu̱n ɗye shir ɓaaro, ndu̱ khang tlu̱nar ɓaaro ndu̱ kaɗanyi mbe maito nu̱ke ta shiran mbu̱ bonyeku. Nga zu̱n no ka dlu̱ yen ndu̱ nu̱ mu̱narku ɓa. Ta buu nduki nu̱ ka qaki var wor za wor pudeku nggwa, yang wanang ku ɓa, ta gwa ɗya nu̱ wollo ku.