2 Bitu̱rus 1:5 - Mewar Alqawarang

⁵ Ku̱me nang, tun shi ɗyi nu̱ke tun ka ɗu̱maki shiran kap ma shaata mbarkir nu̱ ɗyine maito ɓaanu. Tun shaata zu̱ndi ɗyiku ɓu̱ Magham nu̱ ɗyine mbarkir ɓaanu.

2 Bitu̱rus 1:5 ပူးပေါင်းရင်းမြစ်များ

Luka 16:26

Nang ɗyenda ɓa, kereng a nje dlamdlam yang kiri chele ɓaarem ndu̱ tunu, ku̱me ɗu̱ma nu dlar nu̱ she rem ɓa, yang chem ɓu̱ ɗu̱ma dlar nu̱ she nu zum ɓa.’

Luka 24:21

Chem wa sa memu̱narem tu̱ga chin ka dliiki ɗyin Israila; yang meeni nang ke qaandi kunung nu̱ shir ɓu̱ ɗyiku nang.

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

1 Korintiyeku 14:20

Nyeezaku, ku̱ kwaari ɓaanu kha wa qusongga ɓa, ye maa ɗye mu̱na, tun kha wa ɓeelar woi, yang ku̱ kwaari ɓaanu kha wa nduk gori.

Afiseku 5:17

Ku̱me nang ku̱ kha nu ma nggu̱bu̱ngku ɓa, zu̱n ma ɗyi nu̱ke Magham a shim ku̱ shi nu.

Filipiyeku 1:9

Nga barar ku̱ Magham sa tu̱ ndolar ɓaanu ndu̱ zu̱ndi Magham nun shiki ndu̱ dar mbu̱ aa nyi tun shaata tu̱ duk wanang.

Filipiyeku 2:12

Ku̱me nang, raptaku, nga khutonu ba wa nun ka tu̱kki ɓalar ɓang aakochi aa nga nje su̱yen ndu̱ tun ɓa, yang leendang shaata man si nu̱ke nga nje su̱yen ndu̱ tun tu̱k ɓa. Zu̱m ma guma tun ki tlu̱nar nu̱ gwar ɗanar ɓaanu ndu̱ sawari ndu̱ dlu̱rti vari.

Filipiyeku 4:8

Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

Kolosiyeku 1:9

Nang ke ɗyi nu̱ saki ba ye sarchi nyem tu̱kki labar nang, nyem laada shi barar ye nu ɓa. Chem a khuɗ Magham ku̱ wut shimndi ɓaran ye nu ye dalangi ma ku̱ gwa nu kaɗari ɓu̱ Jiimba, tun gwa dar mbu̱ aa nu̱m kap.

Kolosiyeku 2:3

Chin ke ɗye qu̱ndi nu̱ qu̱ndi kap gu̱nar tukakandi nu̱ kaɗari ndu̱ zu̱ndi ɓu̱ Magham.

Yibraniyeku 11:6

Nduk ɓu̱ gwa dlu̱r she Magham waare maito ɓa, ku̱me wa ku̱s ku̱ njif nu̱ songki bing ndu̱ Magham maita nu̱ ɗyine Magham a nje, yang chin ka ɓiiki nduki nu̱ke a laɓ maa nu̱ chin kap.

Yibraniyeku 12:15

Ku̱r ma vaanu ma ku̱ aaki mbu̱ɗ gwar mu̱nkir ɓu̱ Magham ɓa. Ku̱ aaki kha ndu̱ ɗyooti mbi nu̱ka ɓa ki ndu̱ su̱bu̱rti tu̱ka su̱bu̱r nduki khangang ɓa.

Yibraniyeku 6:11

Chem a shim ku̱ aaki zu̱m guma ndu̱ shiran wanang ma yir ve lauɗar san, ma ku̱ nyel nu ɗyi nun saki memu̱na nu nu̱ ɗyinanang.

1 Biturus 3:7

Wanang tu̱k tun khuzuku, tun shi khar ɓaanu ndu̱ nusuku ɓaanu ndu̱ kwaari. Vu̱r ma gorkir ye wora, nu̱ke du̱mbu̱ran ku wa tun ɓa. Jiwa tun ndu̱ nusuku ɓaanu kap, tun dlu̱ mu̱nkir gwaanji nu̱ nyifiri ɓu̱ Magham su̱yen. Shi ma wanang ma ku̱ ɗyi nggur nggu̱tl barar ɓaanu gwar dlu̱r ɓa.

2 Bitu̱rus 1:10

Ku̱me nang, nyeezaku, shaata ma kasha wutan nu̱ ɗyine Magham wa qa nu tu̱ daato nu. Mbu̱ tun wa shi wanang tun ɓu̱ nggu̱ɗ sar da ɓa.

2 Bitu̱rus 1:11

Shir wanang ka sa tun gwa gaɗar mbarkandi ma viri nu̱ mbu̱ kwaaɗar ɓu̱ Zhinerem gwaanji nu̱ke nu̱ka shi woɗa ɓa ndu̱ nu̱ Nu̱ Ɗanar rem Yesu Masiya.

2 Bitu̱rus 3:14

Ku̱me nang, raptaku nu̱ke nga ndolaran, nu̱ke tun a bu ɓar ɓu̱ fu̱ɗarang, tun shi ɗyi nu̱ke tun ka ɗu̱maki shiran kap tun shi khar ɓaanu gume Magham waare chiɓi ndu̱ beeko zop ngguri. Tun shi khar ɓaanu gume nda mbu̱ qaandi memu̱na.

2 Bitu̱rus 3:18

Me ɓu̱ nang, tun ki gwaari mbe mu̱nkir ndu̱ zu̱ndi Zhinerem gwaanji Yesu Masiya Nu̱ Ɗana rem, tun gwa shaatar mbe zu̱ndi nda aa nyi sarchi. Ku̱ zhaaji kha nda leendang nu̱ aakochi koɗokhsi ɓa. Amin.