2 Bitu̱rus 1:4 - Mewar Alqawarang

⁴ Nu̱ Ku̱nshe ɗyiku nang wa vu̱r alqawarku ɓaran gwaanji ku nu̱ zhaaji, ma ku̱ gwa nu me Maghamndi ɓaran nu̱ ku̱nshe ɗyiku nang, tun lawa mbe mu̱narku nu̱ke a larji nu̱ke shimndi ɗyiku malkandi ka ɓa ki si.

2 Bitu̱rus 1:4 ပူးပေါင်းရင်းမြစ်များ

Romeku 9:4

nduki nang wor ke Israileku. Ɗya nduki nu̱ Magham gaɓki ndu̱ wor ma qusonggi ɓaran, tu̱ wut zhaaji ɓaran ye wora. Tu̱ shi alqawar ndu̱ wora, tu̱ vu̱r Bibitang ye wora. Tu̱ wut njiv ghaari ghai mbu̱ kib ɓaran ye wora, tu̱ shi ɓeeni alqawarku ye wora.

2 Korintiyeku 1:20

Jiwa Magham nyel alqawar nu̱ shiki nu̱ ku̱nshe nda. Nang ke ɗyi nu̱ saki nu̱ ku̱nshe Masiya Yesu chem a zu̱ran za “Amin” ma gor dlu̱m Magham.

2 Korintiyeku 3:18

Chem nu̱ke mbu̱ yiterem lu̱paran ɓa, chem a wutkya yarang ɓu̱ zhaaji ɓu̱ Zhinkir gwaanji wa ɗye nari, a mbu̱mderem ma ku̱ shipa mi nda. Mbu̱mndi nu̱ke a shiran yerem nang ba a shaatar mbu̱ zhaaji na viki she Zhinkir gwaanji, nu̱ke ɗya Jiimba.

2 Korintiyeku 6:17

“Ku̱me nang shakh ma ɗyinonu nu̱ nduki nu̱ke ɗya nu̱ mbu Zhinerem gwaanji ku ɓa, tun shakh ɗyinonu ndu̱ wora Zhinkir gwaanji zu̱ki. Ku̱ su̱ɓa nu ɗyi nu̱ke zopan ɓa, ngga dlu̱ronu ku̱men.”

Galatiyeku 3:16

Wanang tu̱k, Magham wa ching ndu̱ alqawar gha chele ɓaran ndu̱ Yibram ndu̱ pooni ɓaran tu̱k. Lagarkatang nu̱ zu̱ za, “Ndu̱ pooniku” ɓaran ɓa, ma ku̱ taman mi za wor khang. Zu̱ za, “pooni ɓaaro” nduk kaada, chin ke Masiya.

Galatiyeku 6:8

Mbu̱ nduk wa vu̱r varan ye shimndi ɓu̱ manva mu̱ti a buri nda. Mbu̱ yang vu̱rkya varan ye shimndi ɓu̱ Jiimba ka gwakya nyifi nu̱ke ɓu̱ shi woɗa ɓa.

Afiseku 4:13

Kope chem wa khu̱l kap ye khar ma tun da mbe maito, kom ndu̱ zu̱ndi Yi ɓu̱ Magham, ndu̱ gwaari, chem khu̱l ye maa chingndi nu̱ke Masiya shimki.

Kolosiyeku 3:10

tun wa da mewar ɗye shir mbarkandi. Nang ke njif mewakandi nu̱ Magham du̱ngki nu̱ke a gaɓti nu̱ chin tu̱ kha mewa aa nyi sarchi ma ku̱ kha wa chin, ma ku̱ sa nu tun zu̱n nda mbari.

Yibraniyeku 12:10

Zhinerem ku wa ka wurerem me sarchi koɗomma ve njiv nu̱ naki ku wa duk mbaari, yang Magham ka wurerem ma boote ɓaarem, ma kha mi shakhshakh wa chin.

Yibraniyeku 9:15

Ku̱me nang Masiya khaki ma nu̱ chingndi nu̱ chele ɓu̱ mewar alqawar ɓu̱ Magham ndu̱ nduki, ma ku̱ nduki nu̱ qaki wor dlu̱ ɗye mbu̱ ge nu̱ke woɗa su̱ ɓa nu̱ Magham shiki alqawaran. Ɗyi nang kha wanang ku̱me mu̱ti wa shi nu̱ka lawaki nduki ɓar mbe solarku nu̱ shiki sarchi alqawar nu̱ gumapaalyang.

Yaqub 1:27

Ghaari ghai nu̱ke wakaran nu̱ zhire she Magham Zhinki, chin ke, ku̱ nduk nggu̱t ku̱du̱wku ndu̱ maryirku mbu̱ bonye nu̱ke a zaran ku, kom ku̱ nduk waka varan ɓar mbe pooni khar viti malkandi nu̱ larji nang.

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

2 Bitu̱rus 3:13

Yang wa nu̱ Magham shiki alqawaran chem a bu kya mewar maa viɗi ndu̱ mewar maa vu̱ghai, maa nu̱ke dambi a nje aakochi.

2 Bitu̱rus 3:9

Ɓeeni nduki a zu̱ran za Zhinkir gwaanji a ku̱ɗa ku̱ɗa ndu̱ alqawar nu̱ shiki. Yang ɗyen wanang ɓa, a shikya kaɗanyi ndu̱ tunu nu̱ shim ku̱ aaki su̱ya ɓa, a shim ku̱ aaki nggoɗi.

1 Yokhana 2:25

Nang ke alqawar nu̱ Woyang shiki yerem, chin ke nyifi nu̱ke nu̱ka shi woɗa ɓa.

1 Yokhana 3:2

Raptaku nu̱ke nga ndolaran, leendang chem qusonggi ɓu̱ Magham. Nu̱ wut ɗyi nu̱ke chem ka khaki gana fan dong ɓa. Yang chem wa zu̱n nu̱ ɗyine mbu̱ Masiya a gaɓi chem ka kha wa chin, ku̱me chem ka na nda wa nu̱ke a si.