2 Bitu̱rus 1:19 - Mewar Alqawarang

¹⁹ Ɗyiku nang wa kha torop ndu̱ ɓalar ɓu̱ annabiku. Wa shi mbar ku̱ gaɓ nu ndu̱ khangkal ɓaanu nu̱ ɗyin ɓalar nang ma ku̱ kha wa ɓai nu̱ke a vu̱r yarang mbu̱ zhum maari kope sarchi nu̱ke maa ɗatlki. Sarchi nu̱ yarang ɓu̱ pazar ɗatli maa viki ye nu mbu̱ memu̱na nu.

2 Bitu̱rus 1:19 ပူးပေါင်းရင်းမြစ်များ

Matta 4:16

Nduki nu̱ke kharan ku mbu̱ zhum wa na yarang gwaanji, yarang a vi ye nduki nu̱ke kharan mbu̱ jiimbi mu̱ti.”

Yokhana 5:35

Yokhana ɗya yarang nu̱ke a wuti, yang tun wa dat kasha nu yarang ɓaranang me sarchi koɗomma.

Yokhana 5:39

Ba tun a laɓ mbu̱ Bu̱lar ɓalar ɓu̱ Magham, ku̱me tun a tamandan za tun ka gwa nyifi nu̱ke ɓu̱ shi woɗa ɓa mban. Yang Bu̱lar ɓalar ɓu̱ Magham ku nang kya saida nga.

Yokhana 8:12

Tu̱ Yesu zu̱m guma ndu̱ ɓalar ye nduki a zu̱ran za, “Nga ke yarang ɓu̱ larji. Kap njif nu̱ke a mburi nga ɓu̱ shi yir mbu̱ zhum ɓa, yang ka gwa yarang nyifiri.”

Tlu̱nar ɓu̱ Pudeku 15:29

Tun shakh ɗyinonu ndu̱ ɗyiku nu̱ vu̱rki ye mu̱lu̱mku, ndu̱ tom, ndu̱ nji dlu nu̱ ghengki quran ghengi, ndu̱ zawari. Mbu̱ tun wa shakh ɗyinonu ndu̱ ɗyikunang, tun wa shi ɗyi mbarkandi. Mas mi laya.

Tlu̱nar ɓu̱ Pudeku 17:11

Yang nduk Biriya wa duk nduki nu̱ Tasalonika ku, ku̱me wa dlu̱ ɓalar ɓu̱ Magham ku khar wor rap. A nggu̱t mbu̱ bu̱lar ɓalar ɓu̱ Magham aa nyi fu̱ɗa ma na nda mbu̱ ɗyi nu̱ Bulus zu̱kyang ɗya zhire.

Yibraniyeku 2:2

Yang mbu̱ke zoɓar ɓalar nu̱ zu̱ki yerem nu̱ ku̱nshe nu̱ ru̱ktiku ɓu̱ Magham, wa ku̱s ma ku̱ nduk mbu, yang aa nyi njif nu̱ zhangki tu̱ktan gha, ndu̱ nu̱ zhangki mburan gha, wa gwa kumar nu̱ shipaki.

Yaqub 2:8

Ka shi mbar mbu̱ tun wa mbu bibiti nu̱ kwaaɗar ɓu̱ Magham nu̱ke a nje bu̱laran mbu̱ bu̱lar Ɓalar ɓu̱ Magham za, “Ndolo nu̱ bing ɓaaro wa vaaro.”

1 Biturus 1:10

Yang viɗ ɗyine gwar ɗanar nang, annabiku nu̱ shiki ɓalar ɓu̱ mu̱nkir nu̱ke ka ɗa ɓa ki ye nu, wa laɓ mban nu̱ gha mbari ndu̱ shaandi.

1 Yokhana 5:10

Aaki maitaki Yi ɓu̱ Magham, saidu nu̱ ɗa viki she Magham nang a nje mbu̱ memu̱naran. Yang kap njif nu̱ke nu̱ maita Magham ɓa, wa gaɓ ndu̱ Magham ma nu̱ wollo, nu̱ke wa zhang maita saidu nu̱ Magham shiki ɗyine Yi ɓaran.

3 Yokhana 1:6

Nduki nang a zu̱ran ku ye tabar ɓu̱ nu̱ mbu Yesu ku nu̱ke a fan ɗyine pooni ndolar nu̱ke to wutki ye wora. Zu̱m guma ndu̱ shaatar pooni nduki nang mbu̱ yir nu̱ke a shiran ku, ba wa nu̱ shipaki tlu̱nar ɓu̱ Magham.

Ɗyin mbu̱ tukari 2:28

Ngga vu̱r pazar ɗatli maari yenda tu̱k.

Ɗyin mbu̱ tukari 22:16

“Nga, Yesu, nga ru̱kki nu̱ ru̱kti ɓanga ma ku̱ zu̱ ɗyiku nang yoro ma yir she tabar ɓu̱ nu̱ mbu Yesu ku. Nga ke dlu̱dlarsi Dauda, nga tom ɓaran tu̱k. Nga ke pazar ɗatli maa, nu̱ ka shiki wuti.”