2 Bitu̱rus 1:17 - Mewar Alqawarang

¹⁷ Jiwa wa dlu̱ gorkir ndu̱ zhaaji she Magham Zhinki sarchi nu̱ Magham Nu̱ Zhaaji Nu̱ Dukki aa nu̱m gwaari zu̱ki yenda za, “Nang Yi ɓanga nga ndola nda; Memu̱nara mu̱n ndu̱ chin maɗyi.”

2 Bitu̱rus 1:17 ပူးပေါင်းရင်းမြစ်များ

Matta 12:18

“Wonji maavi ɓang nang datki, chin ke ndolar ɓanga, ngaa tu̱k mu̱ndi ɓaran maɗyi. Ngga nyel nda ndu̱ Jiimbi ɓanga, ka shi kumar zhirekandi ye dlar maaku zum zum.

Matta 17:3

Fan ndu̱ fan tu̱ annabi Musa ndu̱ annabi Iliya wut vaanda ye wora, a ɓalarku ndu̱ Yesu.

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Matta 28:19

Ku̱me nang mbu̱ tun wa ɗi tun a ze nduki nu̱ larji kap ku̱ mburi nga, tun a shi baptisme ye wora mbu̱ dlu̱m Zhinkiri, ndu̱ ɓu̱ Woyang ndu̱ ɓu̱ Jiimbi Shakhshakhndi.

Matta 3:17

Tu̱ ɓalar a vi viɗi a zu̱ran za, “Nang ke woi ɓanga ndolakandi, memu̱nara mu̱n ndu̱ chin maɗyi.”

Markus 1:11

Tu̱ ɓalar a vi viɗi a zu̱ran za, “To Yi ɓang, ndolakandi, nga tu̱k mu̱ndi ɓa maɗyi.”

Markus 9:7

Tu̱ yang ku̱zapti a ɓa tu̱ lu̱pa wor nu̱gha, tu̱ ɓalar a vi mbu̱ ku̱zaptang za, “Nang ɗya Yi ɓanga, nu̱ke nga ndola nda, gwa maa dlu̱mndonu yenda.”

Luka 10:22

“Aba ɓang wa vu̱r zalale ya ɗyine aa nu̱m kap. Nduka nje zu̱nki Woyang ɓa, kope Zhinang ɗyenda, yang tu̱k nduk a nje zu̱nki Zhinang zum ɓa kope Woyang, kom ndu̱ njif nu̱ Woyang shimki wuti nda yenda.”

Luka 3:22

Tu̱ Jiimbi ɓu̱ Magham a shur nu̱ ɗyine nda wa mboole. Tu̱ ɓalar a vi viɗi za, “To Yi ɓanga ngaa ndola ro, Nga tu̱k mu̱ndi ɓaaro maɗyi.”

Yokhana 10:15

ba wa nu̱ Zhinkirang zu̱nki nga, nga tu̱k nga zu̱n Zhinkirang. Nga ka vu̱r nyifi ɓang ku̱me ndu̱ɓangkwang.

Yokhana 10:36

yang nga nu̱ Magham wakaki, tu̱ ɗa ru̱kti nga nu̱ larji. Ka kha ma ɓalar ndu̱m ku̱me nga zu̱ za, ‘Nga Yi ɓu̱ Magham’ mu?

Yokhana 14:11

Maita ma nga nang zu̱ki ye nu nga za nga mbe Zhinkirang, Zhinkirang a nje mbya, mbu̱ wanang ɓa tun maita nga ku̱me tlu̱narku nang shikyang.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 17:21

Ai Da, nga khuti nang ma ku̱ kha da ku. Ba wa nu̱ke ta mbya, nga mbe ro, nga khutan ku̱ khan mbeerem ku tu̱k. Kom nduki nu̱ larji ka maita ku za ta ru̱kki nga.

Yokhana 20:17

Tu̱ Yesu ze nda za, “Khuɓ na nga ɓa, ku̱me nang dlan she Zhinkirang ɓa dong. Yang ɗu̱ she nyeezaku to ɗa ze wor no za, nga gaɓti nu̱ she Zhinkir ɓanga ndu̱ Zhinkir ɓaanu, Maghamndi ɓanga ndu̱ Maghamndi ɓaanu tu̱k.”

Yokhana 3:35

Zhinkirang a ndola Woyang, wa vu̱r aa nu̱m nu̱ mbu̱ kharan.

Yokhana 5:20

Jiwa Zhinkirang a shim Yi ɓaran, wa ka wut ɗyi nu̱ke chin a shiran kap ye Woyang, ka wut ɗyi gwaanjiku nu̱ dukki nang yenda, ma ku̱ shi nu lazham.

Yokhana 5:26

Jiwa ba wa nu̱ke Zhinkirang nu̱ ɗyinan ke dlu̱dlarsi nyifi, wanang tu̱k wa sa Woi ɓaranang ku̱ kha ma dlu̱dlarsi nyifi.

Yokhana 6:27

Ki nu bonye ku̱me kaalar ɗye zu̱mndi nu̱ke ka su̱bu̱rki ɓa, laɓ ma ɗye zu̱mndi nu̱ke ɓu̱ shi su̱bu̱r ɓa, yang ka vu̱r nyifi ye nu nu̱ke ɓu̱ shi woɗa ɓa. Nang ke pooni ɗye zu̱mndi nu̱ke Yi ɓu̱ Nduk ka vu̱rki ye nu. Ku̱me Magham wa ghwaɗ saidu maito nu̱ ve Masiya Yesu.”

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 6:39

Yang njif nu̱ ɗa ru̱kki ngang nu̱ shim ku̱ mbu̱ɗ nga da chele nduki nyin vu̱rki ya ɓa, a shim nakha nga wor fu̱ɗar wuri.

Romeku 15:6

Nu̱ ku̱nshe nang kap ɓaanu tun ka kha memu̱nanu da ndu̱ me nu da tu̱k, tun a vu̱r gorkir ye Magham nu̱ke chin ke Zhin Zhinerem gwaanji Yesu Masiya.

2 Korintiyeku 1:3

Ku̱ zhaaji kha Magham Zhinki, chin nu̱ke ɗya Zhin Zhinerem gwaanji Yesu Masiya, Zhinkir nu̱ka tu̱kki zhiyaye maɗyi, chin Maghamndi nu̱ka du̱ngki memu̱narem!

2 Korintiyeku 11:31

Magham nu̱ke chin ke Zhin Zhinerem gwaanji Masiya Yesu. Nu̱ke barke a ve dlu̱man koɗokhsi ɓa! Wa zu̱n nga shikya wollo ɓa.

Yibraniyeku 1:3

Chin ke yarang ɓu̱ zhaaji ɓu̱ Magham ndu̱ shipar ɓu̱ Magham shiku̱tku̱t. A khar da ndu̱ Magham. Chin khubki aa nu̱m nu̱ ku̱nshe ɓalar ɓaran nu̱ke zalale a si. Qu̱rse nu̱ shiɓki solarku nu̱ gha, tu̱ khan mbu̱ viɗi ɗyin bu̱n zu̱ma ɓu̱ Nu̱ Zhaaji kap.

2 Yokhana 1:3

Mu̱nkir, ndu̱ nar zhiyaye, ndu̱ qaandi memu̱nar na viki she Magham Zhinki ndu̱ Yesu Masiya, Yi ɓu̱ Zhin, ku̱ kha gha su̱yen ndu̱ chem mbe zhire ndu̱ ndola.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.