2 Bitu̱rus 1:16 - Mewar Alqawarang

¹⁶ Ai, sarchi nyem zu̱ki labar wuti zalale ndu̱ ɓar ɓu̱ Zhinerem gwaanji Yesu Masiya ye nu chem a zu̱kya shinjiku ye nu nu̱ nduki dlaki mbu̱ ghu̱rti ɓaanda ɓa. Chem wa na zhaaji ɓaran ndu̱ yiterem.

2 Bitu̱rus 1:16 ပူးပေါင်းရင်းမြစ်များ

Matta 16:27

Yi ɓu̱ Nduk a ɓar ndu̱ nu̱ ru̱ktiku ɓaran, mbu̱ zhaaji ɓu̱ Zhinkir ɓaran, kom ka ɓi aaki ku̱rku̱r ndu̱ pooni tlu̱nar nu̱ nduk shiki.

Matta 16:28

Zhire nga zu̱ran ye nu, ɓeena nduki a nje ku fan chingndan nu̱ke ɓu̱ mu̱ɗku ɓa, kope wa na ɓar ɓu̱ Yi ɓu̱ Nduk mbu̱ kwaaɗar ɓaran.”

Matta 17:1

Gaanje qaandi njong, tu̱ Yesu da Biturus, ndu̱ Yaqub, ndu̱ khachin Yaqub, nang ke Yokhana, tu̱ ɗu̱ ndu̱ wor ɗyin dleng nggur kirkandi, wor me ɗyin wora.

Matta 24:27

Ku̱me ba wa nu̱ke wuti maa ka shiki yarang ɗokhatla ma yir mugu, gaɓti ɓu̱ Yi ɓu̱ Nduk ka kha ba wanang.

Matta 24:3

Sarchi nu̱ Yesu khaki gha ɗyine Dleng qu̱far Zaitun, tu̱ nu̱ mburindakwang a ɓa she nda me ɗyin wora tu̱ zu̱ ku za, “Zu̱ yerem, ɗyinang ka shi kochiya? Nu̱m ke shipar gaɓti ɓaara, kom ndu̱ nu̱m ka wuɗki lauɗarsi qaandi virkirang na?”

Matta 28:18

Tu̱ Yesu a song bing tu̱ zu̱ za, “Wa vu̱r zalale maa viɗi ndu̱ maa vu̱ghai ya kap.

Markus 13:26

Kom nduki ka na Yi ɓu̱ Nduk a ɓar mbu̱ ku̱zapti ndu̱ zalale gwaanji ndu̱ zhaaji.

Markus 14:62

Tu̱ Yesu tlogha yenda za, “Ɗya nga, yang tun ka na Yi ɓu̱ Nduk kharan ve bu̱n zu̱me ɓu̱ nu̱ Zalale kap, a ɓar ɗyin ku̱zaptiku nu̱ viɗi.”

Luka 1:2

ba wa ni nu̱ mbu Yesu ku nu̱ gumapaali nu̱ke a tlu̱nar wopar ɓalar ɓu̱ Magham nu̱ shiki ɗyiku nang mbu̱ yiti wora zu̱ki yerem.

Luka 9:43

Tu̱ nduki nu̱ke a nje kap shi lazham zalale ɓu̱ Magham. Sarchi nu̱ke nduki a mbu̱ lazham ɗyiku nu̱ shikyang, tu̱ Yesu ze nu̱ mburi nda kwa za,

Yokhana 1:14

Tu̱ Ɓalarang kha ma nduku tu̱ khan chele ɓaarem. Yang chem na zhaaji ɓaran wa zhaaji ɓu̱ Woi khakandi ɗyenda (nu̱ nggaki yen ndu̱ aa nyi pooni kha) na viki she Zhinkirang, nyeedlan ndu̱ mu̱nkir ndu̱ zhire.

Yokhana 17:2

Jiwa ta vu̱r zalale ye Woyang ɗyine aaki, ma ku̱ vu̱r nyifi nu̱ke nu̱ka shi woɗa ɓa ye nduki nu̱ke to vu̱rki yenda.

Romeku 1:4

Yang ye khar ɓaran Jiimbi nu̱ khar shakhshakh nu̱ me Maghamndi ɓaran wa wut Yesu Masiya ndu̱ zalale maɗyikandi za shwat ɗya Yi ɓu̱ Magham nu̱ ku̱nshe jiiri ɓaran mbe mu̱ti.

1 Korintiyeku 1:17

Ai, Masiya nu̱ ɗa ru̱kti nga ma baptisma ɓa, a ru̱kti nga ma wopa Labar Mbarkandang waare boote ndu̱ shaandi ɓu̱ nduku, ma ku̱ nduk mbu̱t nar zhaaji ɓu̱ mu̱ti nu̱ Yesu shiki ɗyine qu̱far kaatlang ɓa.

1 Korintiyeku 1:23

Yang ɓaarem chem a wopakya labar ɓu̱ Masiya nu̱ mu̱tki me qu̱far kaatli, ɗyi nu̱ khaki ma ɗye ji sar ye Yakhudeku, tu̱ nduki nu̱ke ɗya Yakhudeku ɓa da ku ma me nggu̱bu̱ng.

1 Korintiyeku 1:7

Ku̱me nang, nun laada gwa aa nyi barka sarchi nu̱ke tun zu̱ki yitonu tun a bu gaɓti ɓu̱ Zhinerem gwaanji Yesu Masiya ɓa.

1 Korintiyeku 2:1

Nyeezaku, sarchi nanga ɓa ki ma zu̱ ɗyi tukakandi nu̱ Magham zu̱ki yerem, nang shi boote ndu̱ ɓalar taɗakandi ndu̱ zu̱ndi khangndi nang shiki ɓa.

1 Korintiyeku 2:4

yang kap ndu̱ nang, nang shi boote ndu̱ maghar ɓala nu̱ kaɗari ɓu̱ nu̱ mbu̱ shogar ndu̱ wopar labar mbarkandang ɓa. Nga njigkya zalale ɓu̱ Jiimbi shakhshakhndi tu̱ shi tlu̱nar ɓaran mbe shogar ndu̱ wopar labar mbarkandang,

1 Korintiyeku 5:4

Sarchi nun tabaki nga nje su̱yen ndu̱ tunu mbu̱ jiimba, zalale ɓu̱ Zhinerem gwaanji Yesu a nje tu̱k.

2 Korintiyeku 2:17

Ɓaarem nyem kha wa ɓeeni nduki nu̱ke a wopa Labar Mbarkandang ma gwa tun ɗyinan ɓa. Yang nu̱ke Magham ru̱kki remang, chem a zu̱kya zhire gume nda, ye khar ɓaarem nu̱ tlu̱narku ɓu̱ Masiya.

2 Korintiyeku 4:2

Yang nyem dambu̱r ɓalar ɓu̱ Magham nu̱ gha ɓa. Nyem ka lamba aaki ɓa, yang nyem ka shi kotame ndu̱ ɓalar ɓu̱ Magham ɓa. Chem a zu̱kya ba zhire ye dalangi. Aaki ka saida zhire ɓaarem gume Magham mbu̱ memu̱naran.

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

Filipiyeku 3:21

Chin ke nu̱ zalale sar aa nu̱m kap nu̱ mbu̱ bu̱nan. Ka nggoɗ man vaarem ndu̱mkandi nang nu̱gha nu̱ ku̱nshe zalale ɓaranang, tu̱ gaɓ ndu̱ wor tu̱ kha wa man varan nu̱ zhaaji nang.

1 Tasalonikeku 2:19

Jiwa nu̱m ke ɗye sar memu̱na rem, ndu̱ kashar ɓaarem, ndu̱ ɗye zhar nu̱ zhaaji ɓaarem gume Zhinerem gwaanji Yesu fu̱ɗa ɓar ɓaran, mbu̱ tun ɓa?

2 Tasalonikeku 2:9

Nduk ka da mbu̱ ɓar ɓu̱ kuji tonggu̱rong nang nu̱ ku̱nshe tlu̱nar ndu̱ zalale ɓu̱ Sheɗan, ka shi ɗye lazhamku, ndu̱ ɗye saiduku, ndu̱ ɗyiku nu̱ke nduk nu̱ su̱n nu̱ naran ɓa.

1 Timoti 1:4

Yang to ze wor no za ku̱ gwa nda dlu̱mdi wor ye shinjiku ndu̱ njeetli su̱ dlu̱m zhikankirku nu̱ke nu̱ka shi lauɗa ɓa nda ɓa. Pooni ɗyi nang kaɗa ɓakya ndu̱ keele, ɓu̱ ɗa ɓa nu̱ zu̱mndi gume ɓu̱ tlu̱nar ɓu̱ Magham nu̱ ku̱nshe maito ɓa.

1 Timoti 4:7

Shi ɓakh ndu̱ shinjiku bamndi nu̱ke boota su̱ ɓa yang zu̱ndi Magham a nje mban ɓa. Me ɓu̱ nang to khutlo vaaro to kha ndu̱ pooni khar viti nu̱ke Magham a shimndan.

Titus 1:14

tu̱ njig tu̱k shinjiku ɓu̱ Yakhudeku, ndu̱ mbu bibitiku ɓu̱ nduki nu̱ zhangki zhire gha.

2 Bitu̱rus 2:3

Ku̱me melakh ɓaanda, maalu̱mku nang ka shim ku̱ gwa tun ku ɗyinonu nu̱ ku̱nshe ɓalar wollo nu̱ gu̱nki ku. Yang dlar kumar mu̱ti nu̱ shiki ye wor mbu̱r fara ba a nja bu wora, yang su̱yar wor nu̱ gha nu̱ laada ɓa.

1 Yokhana 4:14

Chem wa nggu̱ɗi, chem saida tu̱k nu̱ ɗyine Zhinkirang wa ru̱k Yi ɓaran tu̱ kha ma Nu̱ Ɗanar larji.

Yakhuda 1:14

Enok tu̱k, nu̱ke chin ke nu̱ mut ji ɗyin Adamu, Magham wa shi ɓalar nu̱ ku̱nshe nda ɗyine ndukiku nang. Tu̱ zu̱ za, “Nggu̱t ma ɓa, Zhinkir gwaanji a ɓar ndu̱ nduki shakhshakhndi ɓaran aru ku̱na shiga,

Ɗyin mbu̱ tukari 1:7

Nggu̱ɗu, a nja ɓar mbu̱ ku̱zapti, yang aa nyi yiti ka na nda, kap nu̱ nduki nu̱ zhokhki ndang. Nduki nu̱ larji kap yang ka shi yaaɓarku ku̱me chin. Ku̱ kha wanang shwat! Amin.