1 Yokhana 4:20 - Mewar Alqawarang

²⁰ Yang mbu̱ njif nggur wa zu̱ za, “Nga ndola Magham,” yang a zhang mu̱dlen, njif nang a shikya wollo. Ku̱me kap njif nu̱ke nu̱ka ndola mu̱dlen nu̱ke a naran ɓa, ɓu̱ ɗu̱ma ndola Magham nu̱ke sar da nyin na nda ɓa nda ɓa.

1 Yokhana 4:20 ပူးပေါင်းရင်းမြစ်များ

Yokhana 13:35

Nu̱ ku̱n she nang nduki kap ka zu̱n za tun nu̱ mburi nga, mbu̱ ke tun a ndola yen.”

1 Biturus 1:8

Aa nu̱ke nun na Masiya Yesu sar da ɓa, yang kap ndu̱ nang tun a ndola nda. Aa nu̱ke tun a na nda leendang ɓa, kap ndu̱ nang tun a maita nda, tun a kashar wa nu̱m gom,

1 Yokhana 1:6

Ku̱me nang mbu̱ chem wa zu̱ za chem a khar su̱yen ndu̱ Magham, yang chem zu̱m guma ndu̱ khar mbu̱ zhumi, chem a shikya wollo, nyem mbu zhire ɓa.

1 Yokhana 1:8

Mbu̱ chem wa zu̱ nyem za sola ve rem ɓa, chem a lambakya ɗyinerem, yang zhire mbe rem ɓa.

1 Yokhana 2:11

Njif nu̱ke a zhang mu̱dlen kharan mbu̱ zhumi, yang a yir mbu̱ zhum tu̱k, nu̱ zu̱n ye maa nu̱ke chin a yir su̱ ɓa, ku̱me zhum maarang wa sa nda tu̱ kha puguman.

1 Yokhana 2:4

Kap njif nu̱ zu̱ki za, “Nga zu̱n Magham,” yang nu̱ka mbu zu̱r ɓu̱ Magham ɓa, njif nang ɗya nu̱ wollo, yang zhire nje mbe nda ɓa.

1 Yokhana 2:9

Njif nu̱ zu̱ki za chin a mbu̱ yarang, yang a zhang mu̱dlen, a mbu̱ zhum ma ɓar meeni.

1 Yokhana 3:17

Mbu̱ njif nu̱ke ɗyin me khar kha nda wa na mu̱dlen a mbu̱ song tu̱ yang zhang shaata nda gha, ndolar ɓu̱ Magham a nje mbe nda shoɗa?

1 Yokhana 4:12

Nduk a nje nu̱ naki Magham sar da ɓa, yang mbu̱ chem a ndola yen, Magham a nje kharan mbe rem ɗo, ndolar ɓaran nang wa kha nyeedlan mbe rem.