1 Yokhana 2:24 - Mewar Alqawarang

²⁴ Zu̱m ma guma ndu̱ mbu shogar nun tu̱kki ji vu̱ nggarsan. Mbu̱ shogar nun dlu̱ki gumapaali a nje memu̱na nu, tun ka khan mbe Woyang ndu̱ Zhinkirang tu̱k.

1 Yokhana 2:24 ပူးပေါင်းရင်းမြစ်များ

Luka 1:2

ba wa ni nu̱ mbu Yesu ku nu̱ gumapaali nu̱ke a tlu̱nar wopar ɓalar ɓu̱ Magham nu̱ shiki ɗyiku nang mbu̱ yiti wora zu̱ki yerem.

Luka 9:44

“Ngga ma dlu̱mndonu tun tu̱k ɗyi nu̱ke nga ma zu̱ran ye nu. Ka vu̱r Yi ɓu̱ nduk ɓar nu̱ mbu̱ khar nduki.”

Yokhana 14:23

Tu̱ Yesu tlogha yenda, “Kap njif nu̱ke a ndola nga, ka khutlo ɓalar ɓanga, Zhinkir ɓang ka ndola nda tu̱k, chem ka ɗa ɓa she nda chem kha gha su̱yen ndu̱ chin.

Yokhana 15:7

Mbu̱ tun wa khan mbya, tu̱ ɓalar ɓang khan mbe nu, tun ka khuɗ ɗyi nu̱ke tun a shimndan kap, ka shi ye nu.

Yokhana 6:56

Kap njif nu̱ke a nji dlu vara, tu̱ ki za tom ɓanga kharan mbya, nga kharan mbe nda tu̱k.

Yokhana 8:25

Tu̱ zham Yesu ku za, “To ke ki ya?” Tu̱ Yesu tlogha ye wor za, “Nga ke njif nang zu̱ki ye nu gumapaalyang.

Filipiyeku 4:15

Tun Filipiyeku, ai, tun wa zu̱n nu̱ ɗyine ye sarchi nun nggaki su̱ gwa Labar Mbarkandang ndu̱ sarchi nang njigki Makidoniya. Tabar ɓu̱ nu̱ mbu Yesu ku a nje nu̱ gontaki ɗyin wor ndu̱ nga tu̱ vu̱r ɗyin me khar wor ya ɓa kope tun ɗyenda.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

Yibraniyeku 2:1

Ku̱me nang, wa ku̱s ku̱ sa mi khankal ɓaarem maɗyi nu̱ ɗyine ɗyiku nyem tu̱kki, ma ku̱ nduk duterem ɓar chem gal gha ve njiva ɓa.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

1 Yokhana 1:3

Chem a zu̱kya ɗyi nyem tu̱kki, chem na ye nu, ku̱me chem a shim ku̱ kha mi su̱yen. Yang khar ɓaaremang su̱yen ndu̱ Magham Zhinki, ndu̱ Yi ɓaran Yesu Masiya.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

1 Yokhana 2:7

Tun raptaku nu̱ke nga ndolaran, nga bu̱lar nang ma vu̱r nga bibiti nggur ye nu ɓa. Ai, ɗya ba bibiti nu̱ zhu nu̱ vu̱rki ye nu gumapaali. Yang bibiti nu̱ zhu nang ɗya ba bibiti nun woɗaki tu̱ktan.

1 Yokhana 3:24

Kap nu̱ mbu zu̱r ɓaranku kharan mbe nda, chin kharan mbe wor tu̱k. Wonji ɗyi nu̱ saki chem zu̱n za shwat a nje kharan mbe rem, chem zu̱n nu̱ ku̱nshe Jiimbi nu̱ vu̱rki yerem.

1 Yokhana 4:13

Chem wa zu̱n za chem kharan mbe nda, chin a mbe rem tu̱k, ku̱me Jiimban nu̱ vu̱rki yerem.

1 Yokhana 4:15

Kap njif nu̱ tloghaki za Yesu ɗya Yi ɓu̱ Magham, a mbe Magham, Magham a mbe nda.

1 Yokhana 4:16

Yang chem nu̱ ɗyine rem chem wa zu̱ni chem dla vaarem nu̱ ve ndolar ɓu̱ Magham nu̱ke a shiran yerem. Magham ɗya ndola, njif nu̱ke a wut ndola kharan mbe Magham, Magham a nje kharan mbe nda.

2 Yokhana 1:2

Chem a ndola nu ku̱me zhire nu̱ke a mbe rem, yang ka kha gha su̱yen ndu̱ chem koɗokhsi ɓa.

2 Yokhana 1:9

Kap njif nu̱ke nu̱ ching nu̱ ɗyine shogar ɓu̱ Masiya ɓa, tu̱ yang shoga ɗyi nggur ɓar guma nu̱ nang, njif nang nu̱ gwa Magham ɓa. Yang njif nu̱ chingki nu̱ ɗyine shogar ɓu̱ Masiya, wa gwa Zhinkirang ndu̱ Woyang tu̱k.

3 Yokhana 1:3

Nga kasha maɗyi sarchi nu̱ ɓeeni nyeezerem a ɓa ki tu̱ zu̱ zhire ɓu̱ khar viti ɓaaro mbe zhire, ndu̱ mburi zhire nu̱ke ta san.

Ɗyin mbu̱ tukari 3:11

Nga ɓar fan ndu̱ fan. Tun khuɓ maito ɓaanu ɓang ɓang, ma ku̱ njif nggur lawa ɗye zhar nu̱ke tun ka gwaki ɓar ɓa.

Ɗyin mbu̱ tukari 3:3

Ku̱me nang kor ɗyi no tu̱kki to dlang. Nggoɗ to njig solar nu̱ke ta shiran to mbu zhire ni. Mbu̱ yang no nakha ɓa, ngga ɗa ɓa ba wa nu̱ke nu̱ muuru ka shiki, ngga ɗa ɓa yang tom ɓu̱ zu̱m sarchi nu̱ke ngga ɗa ɓa ki ɓa.