1 Yokhana 2:20 - Mewar Alqawarang

²⁰ Yang ɓaanu, Njif shakhshakhndi nang wa pu ɗyinonu nu̱gha. Ku̱me nang kap ɓaanu tun wa zu̱n zhire.

1 Yokhana 2:20 ပူးပေါင်းရင်းမြစ်များ

Matta 13:11

Tu̱ Yesu tlogha ye wor za, “Wa vu̱r ye nu ku̱ zu̱n nu ɗyi tukakandi nu̱ke a mbu̱ kwaaɗar ɓu̱ Magham, yang ɓaanda nu̱ vu̱r na ye wor ɓa.

Markus 1:24

fan ndu̱ fan tu̱ da su̱quran nu̱ viɗi, a zu̱ran za, “Njigterem, nu̱m baki rem ndu̱ twa? To Yesu khuzi Nazaret? Ta ɓa ma tlagha rem mu? Ngaa zu̱ndoro, to ke njif Shakhshakhndi ɓu̱ Maghamang.”

Luka 4:18

“Jiimbi ɓu̱ Zhinkir gwaanji a nje ɗyina, ku̱me wa daati nga a ɓa nga ndu̱ labar mbarkandi ye nduki nu̱ke tun kha wor ɓa. Wa ru̱kti nga za wopa nga ɓalar kwatli ye nduki gu̱nkandi ku, a qu̱n nga yiti pugumku tu̱ na maari, a lawa nga nduki ɓar me khar nu̱ vu̱rti bonye ye wora.

Luka 4:34

“Aagha! Nu̱m baki ndu̱ chema, Yesu khuzi Nazaret? Ta ɓa ma tlagha rem mu? Nga zu̱ndoro, To ke Shakhshakhndi ɓu̱ Maghamang.”

Yokhana 14:26

Yang Nu̱ shaatarang, chin Jiimbi shakhshakhndi nu̱ke Zhinkirang ka ɓa ru̱kki mbu̱ dlu̱ma, chin ka shogaki aa nu̱m ye nu, tu̱ kor ɗyi nang zu̱ki ye nu kap.”

Yokhana 16:13

Yang sarchi nu̱ Jiimbi nu̱ zhire a ɓa ki, ka mbu ndu̱ tun mbe aa nyi zhire, ku̱me ɓu̱ shi ɓala ku̱me ɗyinan ɓa, yang ka zu̱kya ɗyi nyin tu̱kki ɗyenda, ka zu̱ ɗyi nu̱ke a ma ɗatli ye nu.

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Tlu̱nar ɓu̱ Pudeku 3:14

Yang tun zhang nduk Shakhshakhndi, nu̱ shir ɗyi Toropndi gha, tun khuɗ za ku̱ ngga kya nu̱ tlaghar mu̱ti ye nu gha.

1 Korintiyeku 2:15

Njif nu̱ke Jiimbyang a zalale ndu̱ chin ka ɗu̱ma kuma aa nu̱m yang nduk a nje nu̱ke ka ɗu̱maki kuma nda ɓa.

Yibraniyeku 1:9

Ta shimkya tlu̱nar dambi, ta zhang yen ndu̱ mu̱na maɗyi! Nang ke ɗyi nu̱ saki tu̱ Magham, Maghamndi ɓaaro, waka nu̱gha, tu̱ vu̱r zhaaji yoro guma ndu̱ nyeezoku, tu̱ pu mor ɓong memu̱nar yoro.”

Yibraniyeku 8:11

Gana nduk ɓu̱ shoga ye nu̱ bing ɓaran tu̱k ɓa, yang nduk ɓu̱ shoga ye khachin tu̱k za, ‘Zu̱n Zhinkir gwaanji ɓa.’ Ku̱me ka zu̱ndi nga ku kap ɓaanda, ji ɗyin nduki nu̱ dukki koɗomme chele ɓaanda ma yir ɗyin nduki nu̱ dukki gwaari.

1 Yokhana 2:27

Yang ɓaanu Masiya wa vu̱r Jiimbi shakhshakhndi nu̱ mbe nu, ku̱me nang tun a gang maalu̱m nggur zumndi ma ku̱ shoga ye nu ɓa. Jiimbi nu̱ vu̱rkyang ka shoga aa nu̱m ndu̱ aa nu̱m ye nu, yang shogar ɓaranang ɗya zhire, nu̱ka shi wollo ɓa. Ku̱me nang zu̱m ma guma ndu̱ khar mbe Yesu ba wa nu̱ Jiimbyang shogaki ye nu.

1 Yokhana 4:13

Chem wa zu̱n za chem kharan mbe nda, chin a mbe rem tu̱k, ku̱me Jiimban nu̱ vu̱rki yerem.

Yakhuda 1:5

Aa nu̱ke tun wa zu̱ni, nga shim ku̱ kor nu njiv nu̱ Zhinkir gwaanji ɗanaki nduki ɓaran sarchi na kheɗki wor ɓar mbu̱ ghai Masar, yang kap ndu̱ nang qu̱rsan tu̱ su̱ya nduki nu̱ke nu̱ maita ɓa nu̱gha.

Ɗyin mbu̱ tukari 3:7

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Filadelfiya no za, Wonji ɓalar na ɓa ki she njif shakhshakhndi nu̱ zhire. Chin nu̱ke a ku̱s ɗye qu̱ndi kwaaɗar ɓu̱ Kuji Dauda, nu̱ke mbu̱ wa qu̱n tunu nu̱gha nduk a nje nu̱ke ka zaki nu̱ gha ɓa, mbu̱ yang wa za nu̱ gha, nu̱ qu̱ndan nu̱gha nje ɓa.

Ɗyin mbu̱ tukari 4:8

Khobki njong kya ve aa nyi da chele ɓu̱ nu̱ nyifiku vatndi nang, vaanda kap yitiku mbu ndu̱ dam kap ndu̱ mbu̱ khobki wora. A taazi ku virkir ndu̱ fu̱ɗar laada su̱ ɓa a ɗyinan ku za, “To shakhshakh, To shakhshakh, To shakhshakh, Zhinkir gwaanji Magham nu̱ zalale aa nu̱m kap! Chin kya nje zhu, chin kya nje leendang, chin kya nje a ɓari.”