1 Yokhana 2:15 - Mewar Alqawarang

¹⁵ Ndola nu larji ɓa, yang aa nyi ɗyi nu̱ke a mban zum ɓa. Kap njif nu̱ke a ndola larji, ndolar Zhinkirang a nje mbe nda ɓa.

1 Yokhana 2:15 ပူးပေါင်းရင်းမြစ်များ

Matta 4:8

Tu̱ yang Sheɗan da nda tu̱k, tu̱ ɗu̱ ndu̱ chin ɗyine dleng nggur kirkandi maɗyi, tu̱ wuɗ kwaaɗar larji ndu̱ zhaaji ɓaran kap yenda.

Matta 6:24

“Sarda nduk ɓu̱ kha ma maavi ɓu̱ nu̱ rafti rap guma da ɓa, wa ku̱s ku̱ njig da to ku̱s da. Ka shi tlu̱nar zhirekandi ye dandang, tu̱ ndu̱m dandang. Sarda tom ɓu̱ ghar ghai ye Magham su̱yen ndu̱ shimndi mu̱zhin guma da ɓa.

Luka 16:13

“Maava nu̱ka ku̱s nu̱ rafti rap ɓa, ku̱me ka zhang nu̱ rafti da, tu̱ ndola nu̱ rafti dandang. Ka vu̱rkya ɗyinan ye nu̱ rafti da chele ɓaanda, tu̱ ndu̱m nu̱ rafti dandang. Tom ɓu̱ ghar ghai ye Magham su̱yen ndu̱ ghaari ghai ye mu̱zhin ɓa.”

Yokhana 15:19

Mbu̱ tun ɓu̱ larji tu̱ga larji wa shim ɗyi ɓaran, yang ku̱me tun ɓu̱ larji ɓa. Nga daato nu mbu̱ larji, nang ke ɗyi nu̱ saki tu̱ larji ki zhangndo nu.

Romeku 12:2

Ku̱ mbu nu su̱ ɗyi nu̱ke nduki nu̱ larji nang a san ɓa, nggoɗ ma nu̱ ku̱nshe nggooti memu̱nanu, kom tun ka ɗu̱ma buuran tun zu̱n yel mbu̱ ɗya shimndi ɓu̱ Magham. Tun ka ɗu̱ma zu̱ndan nu̱ ɗyine shimndi ɓu̱ Magham mbari, dlu̱ran kom nyeedlan.

Galatiyeku 1:10

Yang ɓalar nang ka sa tu̱ nduki da za nga shimkya ku̱ nduki maita nga mu? Auwo. Nga shimkya ku̱ Magham tlogha su̱ ɗyi nu̱ke nga shiran mu yang nga shimkya ku̱ mu̱n nga memu̱na nduki mu? Auwo. Mbu̱ nga shim mu̱n memu̱na nduki tu̱ga nang kha ma maavi ɓu̱ Masiya ɓa.

Afiseku 2:2

Nang ke sarchi nu̱ke tun mbu ki njiv malkandiku nu̱ larji nang, tun a mbu kuji ɓu̱ nu̱ zalaleku nu̱ mu̱na viɗi, nang ke khu̱kheetiku malkandi nu̱ka sokhki nduki ku̱ zhang mbu zu̱r ɓu̱ Magham gha.

1 Timoti 6:10

Jiwa shimndi mu̱zhin ke dlu̱dlarsi aa nyi pooni mu̱na. Ku̱me shimndi mu̱zhin ɓeeni nduki wa gal gha mbe maito nang tu̱ ɗa dut chiti mbi ye var wor maɗyikandi.

Yaqub 1:27

Ghaari ghai nu̱ke wakaran nu̱ zhire she Magham Zhinki, chin ke, ku̱ nduk nggu̱t ku̱du̱wku ndu̱ maryirku mbu̱ bonye nu̱ke a zaran ku, kom ku̱ nduk waka varan ɓar mbe pooni khar viti malkandi nu̱ larji nang.

Yaqub 4:4

Tun nu̱ song shir zhire! Alapa nun zu̱n nu̱ ɗyine bar raptikir ndu̱ larji ɗya kare ndu̱ Magham ɓa goma? Ku̱me aaki ndolaki larji, a gaɓkya ndu̱ ɗyinan ma nu̱ kare ndu̱ Magham.

1 Yokhana 3:17

Mbu̱ njif nu̱ke ɗyin me khar kha nda wa na mu̱dlen a mbu̱ song tu̱ yang zhang shaata nda gha, ndolar ɓu̱ Magham a nje mbe nda shoɗa?

1 Yokhana 4:5

Ɗya ɓu̱ larji ku, ku̱me nang kap ɗyi nu̱ke a zu̱ran ku ɗya ɗyin larji, yang larji a tu̱k wora.

1 Yokhana 5:10

Aaki maitaki Yi ɓu̱ Magham, saidu nu̱ ɗa viki she Magham nang a nje mbu̱ memu̱naran. Yang kap njif nu̱ke nu̱ maita Magham ɓa, wa gaɓ ndu̱ Magham ma nu̱ wollo, nu̱ke wa zhang maita saidu nu̱ Magham shiki ɗyine Yi ɓaran.