1 Timoti 6:4 - Mewar Alqawarang

⁴ njif nang ɗya nu̱ gwaari ɗyin, yang nu̱ zu̱n aa nu̱m ɓa. Nu̱ taman ɗyi mbarkandi ɓa a shimkya keele ndu̱ dakhla ɗyine ɓalarku. Ai ɗyi nang ke nu̱ ɓar ndu̱ zhiri ndu̱ dakhla, ndu̱ pu̱ziku ndu̱ tamandi ɗyi malkandiku nu̱ ɗyine nduki,

1 Timoti 6:4 ပူးပေါင်းရင်းမြစ်များ

Tlu̱nar ɓu̱ Pudeku 15:2

Nu̱ Bulus ndu̱ Barnaba shiki keele maɗyikandi chele ɓaanda ndu̱ nduki nang. Tu̱ ru̱k Bulus ndu̱ Barnaba su̱yen ndu̱ nduki nggur ku̱ ɗu̱ ku Urshalima she pudeku ndu̱ dle gume ɓu̱ nu̱ mbu Yesu ku, ma ku̱ shi ɓalar ndu̱ wor ɗyine shogar nang.

Tlu̱nar ɓu̱ Pudeku 18:15

Yang nu̱ke ɗya keele ɗyine ɓalarku ndu̱ dlu̱mku, ndu̱ wopar ɓaanu, ɗu̱ma tun a tu̱k si. Ɓang nang shim kuma nga nduk ɗyine pooni ɗyiku nang ɓa.”

Tlu̱nar ɓu̱ Pudeku 8:9

Yang khuski nggur a nje dlu̱man Siman nu̱ka wutki me bilimku ɓaran zhu mbu̱ ghai Samariya. Nduki nu̱ mbu̱ ghayang kap a tu̱k lazham ɓu̱ ɗyi nu̱ke khuskyang a shiran. A kham ɗyinan za chin nduk gori.

Romeku 12:16

Tun kha mu̱n ndu̱ aaki. Ku̱ kha nu ma nu̱ gwaari ɗyin ɓa, yang tun shi khar ɓaanu ndu̱ nduki nu̱ke gaɓtan gana. Khu̱tl nu ɗyinonu nu̱ gha ɓa.

Romeku 13:13

Bu ku̱ khar viti ɓaarem kha mbari wa nu̱ shipaki nduki nu̱ke a khar mbu̱ yarangi. Waare nggar zu̱mndi ku bam bam ndu̱ kuyari, ndu̱ zawar ku ndu̱ tlu̱nar ɗye zhaane ku nu̱ song kawa, ndu̱ dakhlari ndu̱ ɓar nu̱ shakhti ɗyin ndu̱ zhiri.

Romeku 14:1

Dlu̱ ma nduki nu̱ke maito ɓaanda khukhutan, dla nu kumar ɗyine ɗyi nu̱ke tun a keele ɗyinan ɓa.

Romeku 2:8

Yang nu̱ shimndi ɗyin ku, nu̱ke ka tlu̱nakya song zhire ndu̱ mu̱na, ka ɓi wor mbe su̱bu̱rti memu̱na ndu̱ shokhna.

1 Korintiyeku 11:16

Mbu̱ njif nggur a ma keele ɗyine ɓalar nang, wa shipa ku̱ zu̱n nu̱ ɗyine me ghai nggur a nje khaarem ɓa, yang a nje kha ɓeeni tabar ɓu̱ nu̱ mbu Yesu ku nggur ɗyine ɗyi nang ɓa.

1 Korintiyeku 11:18

Nu̱ gumapaali, nga tu̱k za mbu̱ tun wa taba nun ka tu̱k yen ɓa, yang nga maita ɓeeni ɗyikwang ɗya zhire.

1 Korintiyeku 3:18

Ku̱ aaki lamba ɗyinan ɓa. Mbu̱ nduk wa taman za chin ghu̱rtan leendang, ku̱ gaɓ ndu̱ ɗyinan wa nggu̱bu̱ng ma ku̱ kha ghu̱rtan.

1 Korintiyeku 3:3

ku̱me aa leendang ɗye shir ɓaanu ɗya ɗye shir ɓu̱ manva ɓa goma? Ma nu̱ke tun a zhiri ɓu̱ yen, tun a dakhlar chele ɓaanu, ai nang wa wut za ɗye shir ɓaanu ɗya ɗye shir ɓu̱ man va, nun nggoɗ ɓa ku̱me tun a shikya ɗyi nu̱ke nduki a shiran.

2 Korintiyeku 11:20

Jiwa mbu̱ nduk wa gaɓ ndu̱ tun ma maaviku ɓaran, tun wa ka kanaɗa, tun wa ka shi wanang aa nduk lawakya tun ɓar kha nu, aa shikya batal ye nu, aa wutkya ndolar ɗyin ye nu, aa ɓu̱tlonu.

Galatiyeku 5:15

Yang mbu̱ tun wa kha wa dlu gari ku, tun a dakhla yen, tun a ku̱ti, tun a nji yen, gaɓ ma nu̱ mbu̱ konyi ɓaanu ɗo, mbu̱ wanang ɓa tun ka su̱ya yen nu̱gha!

Galatiyeku 5:26

Ku̱ kha mi ma nu̱ gwaari ɗyin ndu̱ nggangndi dakhla, ndu̱ zhiri ɓu̱ yen ɓa.

Galatiyeku 6:3

Mbu̱ nduk a da varan za chin ɗyi ngguri, yang ɗya aa nu̱m ɓa, a lambakya varan.

Filipiyeku 1:15

Ɓeeni nduki a wopa ɓalar ɓu̱ Masiya ku̱me zhiri ndu̱ me mu̱sonki, yang ɓeenan a shiran ndu̱ memu̱na wor da.

Filipiyeku 2:14

Mbu̱ ɗyi nu̱ke tun a shiran kap, ku̱ shi nu nda ndu̱ ruru ndu̱ keele ɓa,

Filipiyeku 2:3

Ku̱ shi nu aa nu̱m ndu̱ ndolar ɗyin ndu̱ gwaari ɗyin ɓa, tun kata ɗyinonu nu̱gha. Bu ku̱ aaki gaɓ ndu̱ mu̱dlen wa dukti nda.

Kolosiyeku 2:18

Ku̱me nang ku̱ njig nu tu̱ nu̱ pakhti ɗyin nggur shi nggu̱ti zop ye nu ku̱me yitan wa ka na ɗyin mbu̱ tuka ɓa. Pooni nduki nang wa ka gang vaanda nu̱ ve wuti katar ɗyin nu̱ wollo ndu̱ ghaari ghai ye nu̱ ru̱kti ku ɓu̱ Magham. Yang alapa ɓa a wutkya gwaari ɗyin nu̱ke ɗyin su̱ ɓa, ɗya nu̱ ndolar ɗyin ku ndu̱ nu̱ pooni ɗye shir malkandi ɓu̱ nduk ɗyenda.

2 Tasalonikeku 2:4

Chin ka ɓa shiki kare, tu̱ ɓa shi gwaari ɗyin tu̱ ɓa da ɗyinan guma ndu̱ ɗyi nu̱ke dlu̱m Magham a nje mban kap, ndu̱ ɗyi nu̱ka gharki ghai yenda. Ka ɓaa khan mbu̱ rafti ɓu̱ Magham, tu̱ ɓa zu̱ za chin ke Magham nggwa.

1 Timoti 1:4

Yang to ze wor no za ku̱ gwa nda dlu̱mdi wor ye shinjiku ndu̱ njeetli su̱ dlu̱m zhikankirku nu̱ke nu̱ka shi lauɗa ɓa nda ɓa. Pooni ɗyi nang kaɗa ɓakya ndu̱ keele, ɓu̱ ɗa ɓa nu̱ zu̱mndi gume ɓu̱ tlu̱nar ɓu̱ Magham nu̱ ku̱nshe maito ɓa.

1 Timoti 1:7

A shim ku̱ kha nda ma maalu̱m shogar bibitiku ɓu̱ Magham ɓara, yang nu̱ zu̱n ɗyi nu̱ke a zu̱ran ku ɓa, aa nu̱ke wa gang nu̱ ɗyinan ku.

1 Timoti 3:6

Ku̱ kha ma njif nu̱ dlu̱ki Yesu mewa ɓa, mbu̱ wanang ɓa bai gwaari ɗyin ka sa nda tu̱ gwa kumar nu̱ shiki ye Sheɗan.

2 Timoti 2:14

To ki kor ɗyiku nang ye wora, to wu wor tu̱k gume Magham nu̱ ɗyine ku̱ ka shi keele bam bam ɗyine ɓalarku ɓa, ku̱me boota su̱ ɓa, ka su̱bu̱rkya nduki nu̱ke a tu̱ktan.

2 Timoti 2:23

Shokh ɗyinoro ndu̱ keeleku nu̱ me nggu̱bu̱ng bamndi nu̱ke ɗyin su̱ ɓa. Ta zu̱n nu̱ ɗyine pooni ɗyinan wa ka ɓa ndu̱ dakhlari.

2 Timoti 3:4

Nu̱ zu̱mndi amana, nu̱ wakho nu̱ke ɗyin su̱ ɓa, nu̱ nggu̱nggal ku, nduki nu̱ shimndi tu̱kti mu̱ndi tu̱ duk shimndi Magham.

Titus 3:9

Yang shokh ɗyino ndu̱ keele bamndiku, ndu̱ shigar su̱ dlu̱m zhikankirku, ndu̱ khang keele ndu̱ dakhlari ɗyine bibitiku, ku̱me ɗya ɗyi bamndiku boota su̱ ɓa.

Yaqub 1:19

Nyeezaku, ndolarku ɓanga, zu̱n ma nu̱ ɗyine wa shipa ku̱ aaki kha ma nu̱ tu̱kki ɓala ɗau, yang ku̱ kha ma nu̱ lau me ɓa, yang nu̱ wakho shokhna ɓa.

2 Bitu̱rus 2:12

Yang nduki nang, a ɓalar ndu̱mndi ku ve Magham ɗyine ɗyiku nu̱ke nu̱ zu̱n ku ɓa. A nje ku wa dlu gaariku nu̱ke khangkal ve wor ɓa, a mbukya ɗyi nu̱ke man var wor a shimndan ɗyenda. Kha wor ma ku̱ ku̱s wor tu̱ tlagha nu̱ gha. Ai, ka mu̱t ku ba wa no za ɗya dlu̱ gaari ku.

2 Bitu̱rus 2:18

Nduki nang wa ka shi ɓalar bamndiku nu̱ gwaari ɗyin a boote nu̱ shimndi ɓu̱ man va, tu̱ ka dut nduki nu̱ke nu̱ shoɓ ndu̱ lawar chele nduki galkandi nang ɓa.

Yakhuda 1:10

Yang nduki nang wa ka shi maatli ɓalar ɗyine kap ɗyi nu̱ke nu̱ da mban ku ɓa. A shikya ba ɗyi nu̱ tu̱kki mbu̱ man vaanda. Ba wa dlu gaariku nu̱ ɗye nggarku nu̱ke nu̱ka shi konyi ɓa. Nang ke ba ɗyiku nu̱ su̱yaki wora.

Yakhuda 1:16

Nduki nang ɗya nu̱ ruru ku, a na zop ɓu̱ nduki aakochi. Shimndi ɗyi malkandi ke kwaari ɓaanda. Nyeedlan ku ndu̱ ɓalar bamndi nu̱ makhtar ɗyin vaanda. A lamba nduki nu̱ maghar ɓalari ma ku̱ gwa nda ɗyiku ye var wora.

Ɗyin mbu̱ tukari 3:17

Jiwa ta zu̱ no za, ‘Nga nu̱ gu̱na, nga shi yele, nang mbu̱ɗ aa nu̱m ɓa.’ Yang no zu̱n ɓa to bootaran, to ɗye zhiyaye, to nungndan, so nggaran, yang to puguman tu̱k.