1 Timoti 6:3 - Mewar Alqawarang

³ Aaki shogaki ɗyi nggur ɓar zum nu̱ke nu̱ kha torop ndu̱ ɓalar ɓu̱ Zhinerem gwaanji Yesu Masiya ɓa, yang ɗya shogar ɓu̱ Magham ɓa,

1 Timoti 6:3 ပူးပေါင်းရင်းမြစ်များ

Matta 22:21

Tu̱ tlogha ku za, “Ɗya ɓu̱ Kaisar.” Tu̱ Yesu ze wor za, “Vu̱r ma ɗyi ɓu̱ Kaisar ye Kaisar, ɗyi ɓu̱ Magham tun vu̱r ye Magham.”

Matta 28:20

Tun a shoga ye wor ku̱ khutlo kap ɗyi nang zu̱ki ye nu. Zu̱n ma nga nje su̱yen ndu̱ tunu ma yir lauɗarsi qaandi virkiri.”

Romeku 16:17

Nyeezaku, nga khutonu tun shi khankal ndu̱ nduki nu̱ka ɓa ki ndu̱ shakhti ɗyin chele ɓaanu tu̱ sa ɗye ji saari nu̱ gumenu, nu̱ke a kare ndu̱ shogar nun dlu̱ki. Kha ma ɓakh ndu̱ wora!

1 Tasalonikeku 4:8

Ku̱me nang aaki zhangki mbu shogar nang gha, zhangkya nduk ɓa, zhangkya Magham, chin nu̱ka vu̱rki Jiimbi ɓaran shakhshakhndi yenwang.

1 Timoti 1:10

Kom ndu̱ nu̱ qaandi ndu̱ yen waare ɓu̱rti, ndu̱ nduki nu̱ke mekhtan, ndu̱ nu̱ masar maava ɓara, ndu̱ nu̱ wollo ku, ndu̱ nu̱ saidu wollo, ndu̱ kap ɗyi nu̱ nggaki yen ndu̱ shogar zhirekandi.

1 Timoti 1:3

Nga shim ku̱ kha na gha mbu̱ ghai Afisa, ba wa nang khuɗki ku̱ shi na sarchi nu̱ke nga Makidoniya, ma ku̱ wu na ɓeeni nduki nu̱ke a shogar wollo nang ku̱ njig ku.

1 Timoti 1:6

Ɓeeni nduki wa gal gha mbe ɗyiku nang, tu̱ gaɓkya ma shir ɓalar bamndiku.

2 Timoti 1:13

Khuɓ shogar zhirekandi no tu̱kki sha nang, tu̱ kha ma njiv shogar mbarkandi yoro, mbe maito ndu̱ ndolar nu̱ke ɗya ɓaarem mbe Masiya Yesu.

2 Timoti 4:3

Jiwa sarchi a nje a ɓari nu̱ke nduki ɓu̱ shim shogar zhirekandi ɓa. Me ɓu̱ nang ɗyi nu̱ke memu̱na wora shimndan ndu̱ dlu̱mdi wor nu̱ke a khum wora. Ka sa tu̱ ɗu̱ ku she maalu̱mku nu̱ke ka zu̱ki ɗyi nu̱ke a shim tu̱ktan ku ye wora.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

Titus 1:9

Wa ku̱s ku̱ dle guma kha ma njif nu̱ khubki ɓalar ɓu̱ Magham zhirekandi ɓang ɓang ba wa nu̱ shogaki ɓara. Ma ku̱ kha ma nu̱ par du̱mbu̱r ye ɓeeni nduki nu̱ ku̱nshe waazu ndu̱ shogar mbarkandi, tu̱ wut ye maa nu̱ke nduki nu̱ke a kare ndu̱ shogar ɓaranang galki gha ku.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.