1 Timoti 6:20 - Mewar Alqawarang

²⁰ Timoti, to ɗang ɗyi nu̱ saki nu̱ mbu̱ kha ma nggu̱tanang. To shakh ɗyino ndu̱ ɓalar bamndiku nu̱ wuti ndu̱mndi ye Magham, ndu̱ shogar nu̱ke nyeedlan ndu̱ keeleku nu̱ daki ku za ɗya zu̱ni yang gatlan.

1 Timoti 6:20 ပူးပေါင်းရင်းမြစ်များ

Tlu̱nar ɓu̱ Pudeku 16:1

Tu̱ Bulus ɗu̱ Darbe ndu̱ Listu̱ra. Yang nu̱ mbu Yesu nggur a nje dlu̱man za Timoti, man ɗya nu̱ mbu Yesu tu̱k yang me ghai ɓaran ɗya Yakhuda, zhin ɗya me ghai Gu̱rik.

Tlu̱nar ɓu̱ Pudeku 17:18

Wanang tu̱k, tu̱ Abikuriyeku ndu̱ Su̱tokiyeku nu̱ shiki zu̱ndi shi keele ndu̱ chin. Tu̱ ɓeenan chele ɓaanda zu̱ za, “Woɗye nu̱ khang ɓalar nang a zu̱kya nu̱ma?” Ɓeenan za, “Ba wa a shikya waazu ɓu̱ pooni maghamndiku nggur zum nu̱ke a nje khaarem fan ɓa.” Zu̱ wanang ku ku̱me Bulus a zu̱kya Labar Mbarkandi ɓu̱ Yesu, ndu̱ jiiri mbe mu̱ti.

Tlu̱nar ɓu̱ Pudeku 17:21

Ku̱me nduki nu̱ mbu̱ ghai Atina ndu̱ runggiku nu̱ke a nje kharan ɗya nu̱ shimndi tu̱kti mewar tun ku maɗyi ma ku̱ ki ɓalarang ku tu̱ duk aa nu̱m.

Romeku 1:22

Aa nu̱ke a zu̱ran ku za wor ghu̱rtan, yang nggu̱bu̱ngan ku.

Romeku 3:2

I ɗo, boota su̱ shwat, ve aa nyi njiva! Gumapaali, Magham vu̱r ɓalar ɓaran nu̱ mbu̱ khar Yakhudeku.

1 Korintiyeku 2:6

Kap ndu̱ nang, nga ka wopa ɓalar ndu̱ kaɗari ye nduki nu̱ gorki mbe maito ɓaanda. Nang ɗya pooni kaɗari ɓu̱ nduki nu̱ larji nang ɓa, ɗya pooni kaɗari ɓu̱ nduki nu̱ meeni ɓa, yang ɓu̱ nu̱ kwaaɗarku nu̱ke a ma su̱yar ku ɓa.

1 Korintiyeku 3:19

Me ghu̱rti ɓu̱ larji nang ɗya me nggu̱bu̱ng she Magham, ku̱me a nje bu̱laran za, “Wa ka ku̱s nu̱ ghu̱rti ku mbe shaandi ɓaanda.”

Kolosiyeku 2:18

Ku̱me nang ku̱ njig nu tu̱ nu̱ pakhti ɗyin nggur shi nggu̱ti zop ye nu ku̱me yitan wa ka na ɗyin mbu̱ tuka ɓa. Pooni nduki nang wa ka gang vaanda nu̱ ve wuti katar ɗyin nu̱ wollo ndu̱ ghaari ghai ye nu̱ ru̱kti ku ɓu̱ Magham. Yang alapa ɓa a wutkya gwaari ɗyin nu̱ke ɗyin su̱ ɓa, ɗya nu̱ ndolar ɗyin ku ndu̱ nu̱ pooni ɗye shir malkandi ɓu̱ nduk ɗyenda.

Kolosiyeku 2:8

Ku̱ njig nu tu̱ nduk gaɓ ndu̱ tun ma maava nu̱ ku̱nshe lambar bamndi nu̱ kaɗari ɓu̱ nduk ɓa. Pooni zu̱ndi nang a vi she nduki nu̱ke a larji, kom ndu̱ khu̱kheetiku nu̱ke a zalale ndu̱ larji, nu̱ ɗa vi she Masiya ɓa.

2 Tasalonikeku 1:4

Nang ke ɗyi nu̱ saki chem a me wakhti ndu̱ tun chele tabarku ɓu̱ nu̱ mbu Magham, ku̱me gu̱ndi memu̱na, ndu̱ maito nu̱ke tun a shiran mbe bonyeku khang ndu̱ takashi nu̱ke tun a mban.

2 Tasalonikeku 2:15

Ku̱me nang, nyeezaku, tun ching gha shaanggu̱ɗang, tun khuɓ me ghai nyem shogaki ye nu, aa mbu̱ ɓala aa mbu̱ lagarkat.

1 Timoti 1:11

Nang ke shogar nu̱ khaki torop ndu̱ Labar mbarkandi nu̱ zhaaji nu̱ke Magham nu̱ barka vu̱rki ya ma ku̱ wopa nga.

1 Timoti 1:2

ma yir she Timoti nu̱ khaki ma woi ɓang mbu̱ maito nang. Ku̱ mu̱nkir ndu̱ nar zhiyayi ndu̱ qaandi memu̱nar nu̱ka viki she Magham Zhinki ndu̱ Masiya Yesu Zhinerem gwaanji kha gha su̱yen ndu̱ to.

1 Timoti 1:4

Yang to ze wor no za ku̱ gwa nda dlu̱mdi wor ye shinjiku ndu̱ njeetli su̱ dlu̱m zhikankirku nu̱ke nu̱ka shi lauɗa ɓa nda ɓa. Pooni ɗyi nang kaɗa ɓakya ndu̱ keele, ɓu̱ ɗa ɓa nu̱ zu̱mndi gume ɓu̱ tlu̱nar ɓu̱ Magham nu̱ ku̱nshe maito ɓa.

1 Timoti 1:6

Ɓeeni nduki wa gal gha mbe ɗyiku nang, tu̱ gaɓkya ma shir ɓalar bamndiku.

1 Timoti 1:9

Chem wa zu̱n tu̱k za nu̱ vu̱r bibitang ye nu̱ dambu ɓa. Yang vu̱r bibitang ye nu̱ zhar bibitiku ndu̱ nu̱ zhangndi tu̱kti maa ku, ndu̱ nduki nu̱ke nu̱ zu̱n Magham ku ɓa. Kom ndu̱ nu̱ solarku, ndu̱ nduki nu̱ke shakhshakh ɓa, ndu̱ nduki nu̱ zhangki mburi njiv ɓu̱ Magham gha. Vu̱r bibitang ye nu̱ tlaghar zhin nda ndu̱ man nda, ndu̱ nu̱ ɗakhti ɗyinku.

1 Timoti 4:7

Shi ɓakh ndu̱ shinjiku bamndi nu̱ke boota su̱ ɓa yang zu̱ndi Magham a nje mban ɓa. Me ɓu̱ nang to khutlo vaaro to kha ndu̱ pooni khar viti nu̱ke Magham a shimndan.

1 Timoti 6:11

Yang to njif ɓu̱ Magham, shokh ɗyinor ndu̱ ɗyiku nang, to sa ɗyinor ma laɓ ɗyi toropndi, ndu̱ khar viti nu̱ke Magham a shimndan, ndu̱ maito ndu̱ ndola, ndu̱ sar memu̱na mbe kaɗanyi, ndu̱ ɗu̱bar memu̱na.

1 Timoti 6:14

To khutlo woparku nang waare ɗye zop ndu̱ ɗye pu̱zi ma yir ye sarchi nu̱ Zhinerem gwaanji Yesu Masiya kaɗa gaɓki.

2 Timoti 2:1

Yang to yi ɓanga, kho ndu̱ du̱mbu̱r nu̱ ku̱nshe mu̱nkir nu̱ke a mbe Masiya Yesu.

2 Timoti 2:16

To ɗa ɓalar bamndiku nu̱ wuti ndu̱mndi ye Magham, ku̱me nu̱ shiran ku wanang wa ka ɗu̱ ku ɓakh mbu̱ song sawar Magham.

Titus 1:14

tu̱ njig tu̱k shinjiku ɓu̱ Yakhudeku, ndu̱ mbu bibitiku ɓu̱ nduki nu̱ zhangki zhire gha.

Titus 1:4

Ma yir she Titus, woi ɓanga zhirekandi mbe maito nu̱ke a kha rem kap. Mu̱nkir ndu̱ qaandi memu̱nar na viki she Magham Zhinki, ndu̱ Masiya Yesu Nu̱ Ɗanar rem ku̱ kha gha su̱yen ndu̱ to.

Titus 1:9

Wa ku̱s ku̱ dle guma kha ma njif nu̱ khubki ɓalar ɓu̱ Magham zhirekandi ɓang ɓang ba wa nu̱ shogaki ɓara. Ma ku̱ kha ma nu̱ par du̱mbu̱r ye ɓeeni nduki nu̱ ku̱nshe waazu ndu̱ shogar mbarkandi, tu̱ wut ye maa nu̱ke nduki nu̱ke a kare ndu̱ shogar ɓaranang galki gha ku.

Titus 3:9

Yang shokh ɗyino ndu̱ keele bamndiku, ndu̱ shigar su̱ dlu̱m zhikankirku, ndu̱ khang keele ndu̱ dakhlari ɗyine bibitiku, ku̱me ɗya ɗyi bamndiku boota su̱ ɓa.

Ɗyin mbu̱ tukari 3:3

Ku̱me nang kor ɗyi no tu̱kki to dlang. Nggoɗ to njig solar nu̱ke ta shiran to mbu zhire ni. Mbu̱ yang no nakha ɓa, ngga ɗa ɓa ba wa nu̱ke nu̱ muuru ka shiki, ngga ɗa ɓa yang tom ɓu̱ zu̱m sarchi nu̱ke ngga ɗa ɓa ki ɓa.