1 Timoti 6:2 - Mewar Alqawarang

² Ku̱ maaviku nu̱ke nu̱ rafti ɓaanda ɗya nu̱ mbu Yesu ku ndu̱m nu̱ rafti ɓaanda ku̱me wora mbu̱ shapir da mbe Yesu ɓa. Me ɓu̱ nang, shipa tu̱ga wor ka shiki tlu̱nar ye nu̱ rafti ɓaandang maɗyi, ku̱me nu̱ rafti ku ɓaanda nu̱ke a zu̱m boote tlu̱nar ɓaanda nang ɗya nu̱ mbu Yesu nu̱ke wor maavikwang a ndolaranang. Wa ku̱s ku̱ shoga na ɓar to pa du̱mbu̱r ye wor ɗyine ɗyiku nang.

1 Timoti 6:2 ပူးပေါင်းရင်းမြစ်များ

Matta 23:8

“Yang tunu, ku̱ nduk qa nu̱ Maalu̱m ɓa, ku̱me Maalu̱m ɓaanu ba kaada, kap ɓaanu tun nyeezi yen ku.

Matta 25:40

“Yang kujirang ka tlogha ye wor za, ‘Zhire nga zu̱ran ye nu, ma nu̱ke tun wa shi ye nyeezaku katakandi nang, ai, tun shi ya.’

Matta 6:24

“Sarda nduk ɓu̱ kha ma maavi ɓu̱ nu̱ rafti rap guma da ɓa, wa ku̱s ku̱ njig da to ku̱s da. Ka shi tlu̱nar zhirekandi ye dandang, tu̱ ndu̱m dandang. Sarda tom ɓu̱ ghar ghai ye Magham su̱yen ndu̱ shimndi mu̱zhin guma da ɓa.

Tlu̱nar ɓu̱ Pudeku 1:15

Mbu̱ qaandiku naandang tu̱ Biturus ji tu̱ chin gha chele nu̱ mbu Yesu ku (nu̱ke khang ɓaanda wa khu̱l won ndu̱ ɗyirap).

Romeku 11:17

Mbu̱ke wa ku̱rta ɓeeni me bu̱n qu̱farku nu̱gha, yang tun nu̱ke ɗya qu̱far Zaitun nu̱ gar wa baatla nu tu̱ gu̱n ye man qu̱farang ma ɓu̱rti su̱yen ndu̱ ɓeeni me bu̱n qu̱farkwang. Tun a zu̱m kya boote ɓu̱ man qu̱farang nu̱ ku̱nshe dlu̱dlar sanang.

Romeku 8:29

Jiwa Magham wa zu̱n nduki nyin datki nu̱ ɗawi, wor ke nduki nu̱ Magham bu̱laki nu̱ ve wor ku̱ da shipar ɓu̱ Yi ɓaran, ma ku̱ Yi ɓaranang kha ma nu̱ gumapaali chele nyeezanku khangndi.

Galatiyeku 5:6

Jiwa mbu̱ chem a mbe Masiya Yesu, aa chem wa dla sarem, aa nyem dla ɓa kap da. Ɗyi nu̱ damtaki si, chin ke maitar Masiya nu̱ka saki chem wut ndolar ye aaki.

Afiseku 1:1

Nga Bulus pude ɓu̱ Masiya Yesu mbe shimndi ɓu̱ Magham kya bu̱la lagarkati nang, ma yir she nduki ɓu̱ Magham nu̱ke a mbu̱ ghai Afisa, nu̱ shir zhire ku mbe mbu Masiya Yesu.

Afiseku 1:15

Ba ye sarchi nang tu̱kki maito ɓaanu mbe Zhinerem gwaanji Yesu, ndu̱ ndolar nu̱ke tun a san ye nduki ɓu̱ Magham kap,

Afiseku 3:6

Ɗyi tukakandi nang, chin ke nduki nu̱ke ɗya Yakhudeku ɓa wa kha ma nu̱ gwar shakhti ɗye mbu̱ ge su̱yen ndu̱ chem Israileku nu̱ ku̱nshe Labar mbarkandi ɓu̱ Masiya Yesu. Yakhudeku ndu̱ nduki nu̱ke ɗya Yakhude ku ɓa wa kha wa me bar ɓu̱ man var da. Kom tu̱k ka gwa me ɓaanda mbu̱ alqawar nu̱ Magham shiki nu̱ ku̱nshe Masiya Yesu.

Kolosiyeku 1:2

Ma yir she nduki ɓu̱ Magham shakhshakhndi nu̱ shir zhire ku mbe Yesu Masiya nu̱ke a nje kharan mbu̱ ghai Kolosi. Ku̱ mu̱nkir ndu̱ qaandi memu̱nar ɓu̱ Magham Zhinerem kha gha su̱yen ndu̱ tunu.

Kolosiyeku 1:4

Jiwa chem wa tu̱k labar maitar Masiya Yesu nun shiki, ndu̱ pooni ndolar nu̱ke tun a wutan ye nduki ɓu̱ Magham kap.

Kolosiyeku 4:1

Tun zhinkirku nu̱ rafa, khuɓ ma maaviku ɓaanu mbari. Tun vu̱r ɗyi nu̱ shipaki ku̱ gwa ku ye wora. Kor ma nu̱ ɗyine tun tu̱k Zhinkir gwaanji a nje kha nu viɗi.

2 Tasalonikeku 1:3

Nyeezerem, wa ku̱s ku̱ kuna mi Magham ku̱me tunu aakochi. Wa kha torop ku̱ shi mi wanang, ku̱me maito ɓaanu a gwaari maɗyi, ndolar nu̱ke tun a shiran ye yen a shaatar tu̱k.

1 Timoti 4:11

To wopa, to shoga ɗyiku nang ye nduki.

1 Timoti 5:1

Wu na geema nu̱ shokhna ɓa, to shi ɓalar yenda wa ɗya zhu nu̱ khaki ro. To shi ɓalar ye nyakhtlirku wa nyeezoro,

Titus 2:1

Yang wa ku̱s ku̱ shoga na ɗyi nu̱ke toropndi ɓara, nang ke ɗyi nu̱ khaki torop ndu̱ shogar zhirekandi.

Titus 2:15

To shoga ɗyiku nang ɓara. To pa du̱mbu̱r ye nu̱ tu̱ktor ku, to wu wor ndu̱ zalale nu̱ke a khaaro kap. Ku̱ njig na tu̱ aaki ndu̱mndor ɓa.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

Yibraniyeku 3:14

Jiwa chem nduk yen mbe Masiya mbu̱ chem wa khuɓ maito ɓaarem ndu̱ du̱mbu̱r ji ve nggarsan ma yir she lauɗar san.

1 Biturus 5:1

Ma yir she ku̱mandiku nu̱ chele ɓaanu, nga khutonu ma nu̱ke nga ku̱maandi nduk wa tunu nga nang naki bonye nu̱ Masiya zaki ndu̱ yita, yang tu̱k nga gwa zhaaji nu̱ke ka ɓa ɗatlki ye dalangi.

2 Bitu̱rus 2:10

Ɗya kumar gu̱rgu̱rndi ɗyine nduki nu̱ke a mbu shimndi malkandi ku nu̱ man va, kom ndu̱ nduki nu̱ke a ndu̱m nu̱ kwaaɗarku. Maalu̱mku nu̱ lambar nang, kawa ve wor ɓa! Ɗya nu̱ gwaari ɗyin ku. Nu̱ka tu̱k sawar ku̱ pu̱z nda jiimbiku nu̱ zhaaji nu̱ke a mbu̱ viɗi she Magham ɓa.

Yakhuda 1:8

Ba wanang tu̱k nu̱ zhineku nang a sa man var wor tu̱ kha zopan. Wa ka zhang mbu nu̱ kwaaɗarku, wa ka shi maatli ɓalar ve du̱ngndiku nu̱ zhaaji ɓu̱ Magham nu̱ke a mbu̱ viɗi.