1 Timoti 6:18 - Mewar Alqawarang

¹⁸ Ze wor ku̱ shi me mbarkirku, tu̱ kha gu̱naran tu̱k mbe tlu̱nar mbarkandi, ku̱ ki vu̱rtan ye nduki khar wor nggaran, nu̱ shimndi shakhti ɗyi ɓa nda ndu̱ nduki.

1 Timoti 6:18 ပူးပေါင်းရင်းမြစ်များ

Matta 5:42

Mbu̱ nduk wa khuɗ ɗyi nggur khaaro to vu̱r yenda. Njif nu̱ ɗa ɓa ki ma dlu̱ zomchi, nggu̱tl na nda si ɓa.

Luka 12:21

“Nang ke ɗyi nu̱ke ka gwaki aa nyi njif nu̱ tabaki gu̱nar ye varan yang gu̱naran she Magham ɓa.”

Luka 3:11

Tu̱ Yokhana tlogha ye wor za, “Njif nu̱ke luktiku a nje kha nda rap, ku̱ vu̱r dandang ye mu̱dlen nu̱ kya nje kha nda ɓa, njif nu̱ke ɗye zu̱mndi a nje kha nda tu̱ shaata mu̱dlen si.”

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Tlu̱nar ɓu̱ Pudeku 11:29

Tu̱ nu̱ mbu Yesu kwang shi sawari ku̱ shaata nda nyeezi wor nu̱ke a Yakhudiya, yang aaki ka vu̱rkya ɗyi nu̱ke du̱mbu̱r ɓaran ka ɗu̱maki.

Tlu̱nar ɓu̱ Pudeku 9:36

Yang nu̱ mbu Yesu nggur a nje mbu̱ ghai Joppa dlu̱man za Tabita nang ke Dorka. Nokhzi nang wa shi mbarkir ye nduki tu̱ shaata nu̱ nungndi ku khang.

Romeku 12:13

Tun ki shakh ɗyin me kha nu ndu̱ nduki ɓu̱ Magham nu̱ke a mbe song. Tun ki dlu̱ runggiku ndu̱ kashari.

Romeku 12:8

Mbu̱ ɗya nu̱ par du̱mbu̱r ye nduki, ku̱ ki pa du̱mbu̱r ye nduki. Mbu̱ yang ɗya nu̱ shaatar nduki, ku̱ shi khaaran nggaran. Mbu̱ ɗya nu̱ khar ma dle guma, ku̱ vu̱r ɗyinan ma kwaaɗar nu̱ zhire. Mbu̱ yang ɗya nu̱ wuti ɗaana, ku̱ shi memu̱naran da.

1 Korintiyeku 16:2

Aa nyi fu̱ɗar nu̱ gumapaali mbu̱ qaandiku mut ndang, ku̱ aaki ki gwa ɗyi nggur mbe gwar ɓaran a vu̱rtan a du̱ngdan gha, njig nu kope nga ɓa kom tun ki tabaran ɓa.

2 Korintiyeku 8:12

Mbu̱ memu̱nar vu̱rtan a nje kha nu, Magham ka tu̱k mu̱ndi vu̱rti nu̱ke tun a shiran, mbu̱ tun vu̱r wa nu̱ke du̱mbu̱r ɓaanu ka ɗu̱maki. Nu̱ Magham shim ku̱ vu̱r nu ɗyi nu̱ dukki du̱mbu̱r ɓaanu ɓa.

2 Korintiyeku 8:9

Tun wa zu̱n mu̱nkir ɓu̱ Zhinerem gwaanji Yesu Masiya. Aa nu̱ke gu̱naran, tu̱ gaɓ ndu̱ ɗyinan ma nu̱ nugun ku̱me tunu. Ma ku̱ kha nu gu̱naran gume Magham nu̱ ku̱nshe nungndi ɓaran.

Galatiyeku 6:10

Ku̱me nang, kap sarchi nyem gwaki zalale ni, chem shi mbarkir ye aaki, nu̱ shi wa ye mu̱dlerem ku nu̱ mbu Yesu ɓa.

Afiseku 4:28

Ku̱ nu̱ muuru muura tun sar da tu̱k ɓa. Me ɓu̱ nang ku̱ shi tlu̱nar mbarkandi ndu̱ kharan, tu̱ ɗu̱ma gwa ɗyi nu̱ke ka shaataki nduki nu̱ke tun kha wor ɓa.

1 Timoti 5:10

Wa kha zu̱ndan mbe tlu̱nar ɗyi mbarkandi, wa mola qusonggi ɓaran mbari, ndu̱ dlu̱r runggiku. Kom ndu̱ tlu̱nar shaata ye nu̱ mbu Yesu ku, ndu̱ shaata nduki nu̱ke a mbu̱ damtari, ndu̱ vu̱rti ɗyinan ma shi ɗyi mbarkandi ve aa nyi njiva.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

Yibraniyeku 13:16

Yang mona nu shir ɗyi mbarkandi ndu̱ shaatar nduki ɓa, ku̱me nang ke pooni sadke nu̱ke Magham a tu̱k mu̱ndan.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

1 Biturus 3:11

Ku̱ shakh ɗyinan ndu̱ mu̱na, tu̱ shi mbarkiri, tu̱ laɓ qaandi memu̱na tu̱ wuta gwaran.

1 Yokhana 3:17

Mbu̱ njif nu̱ke ɗyin me khar kha nda wa na mu̱dlen a mbu̱ song tu̱ yang zhang shaata nda gha, ndolar ɓu̱ Magham a nje mbe nda shoɗa?

3 Yokhana 1:11

To rapta nu̱ke nga ndolaran, mbu na maatli khali ɓa, me ɓu̱ nang, shi tlu̱nar mbarkandi. Nu̱ shir ɗyi mbarkandi ɗya ɓu̱ Magham. Yang nu̱ shir ɗyi malkandi nu̱ zu̱n Magham sar da ɓa.