1 Timoti 6:17 - Mewar Alqawarang

¹⁷ Zu̱ ma ye nu̱ gu̱narku nu̱ mbu̱ larji nang ku̱ kha ndu̱ gwaari ɗyin ku ɓa yang ku̱ sa memu̱na wor nu̱ ɗyin gu̱nar ɓaanda nu̱ke nu̱ka shoɓ ɓa nda ɓa. Ku̱ sakya memu̱na wor ye Magham nu̱ka vu̱rki aa nu̱m yerem kharan nggaran ma ku̱ tu̱k mi mu̱ndi.

1 Timoti 6:17 ပူးပေါင်းရင်းမြစ်များ

Matta 12:32

Aaki zu̱ki ɓalar ndu̱mndi nu̱ ve Yi ɓu̱ nduku, ka yaapa yenda, yang aaki zu̱ki ɓalar ndu̱mndi nu̱ ve Jiimbi shakhshakhndi ɓu̱ ndu̱m yenda ɓa, aa mbu̱ qaandi virkirku nang aa fu̱ɗar wuri.

Matta 19:23

Tu̱ Yesu ze nu̱ mburi nda kwang za, “Zhire ngaa zu̱ran ye nu, ka shi shar ku̱ nu̱ gu̱na vi nu̱ mbu̱ kwaaɗar mbu̱ viɗi.

Matta 25:16

Tu̱ njif nu̱ dlu̱ki kulup mu̱zhindi qurmun ndang ɗu̱ fan ndu̱ fan tu̱ ɗa shi gomar si tu̱ gwa kulup qurmun nu̱ ɗyine mu̱zhindi nu̱ vu̱rki yendang.

Matta 27:57

Nu̱ mugdi shiki, tu̱ nu̱ gu̱nar ngguri, khuzi Arimatiya, dlu̱man za Yusufu a ɓa. Yang ɗya nu̱ mbu Yesu tu̱k.

Matta 6:32

Ku̱me nduki nu̱ke nu̱ zu̱n Magham ɓa kya laɓ poona ɗyiku nang. Yang Zhinonu nu̱ke a mbu̱ viɗi wa zu̱n tun a gang ɗyiku nang kap.

Markus 10:24

Tu̱ nu̱ mburindakwang shi lazham maɗyi. Tu̱ yang gaɓ tu̱ ze wor tu̱k za, “Qusonggi ɓanga, ka shi gu̱rgu̱r ye nduki nu̱ maitaki gu̱nar ɓaanda ku̱ vi nu̱ mbu̱ kwaaɗar ɓu̱ Magham.

Luka 19:2

Tu̱ gorkir ɓu̱ nu̱ dlu̱r zhanggalku nggur nu̱ke gu̱naran, dlu̱man za Zakka

Luka 3:11

Tu̱ Yokhana tlogha ye wor za, “Njif nu̱ke luktiku a nje kha nda rap, ku̱ vu̱r dandang ye mu̱dlen nu̱ kya nje kha nda ɓa, njif nu̱ke ɗye zu̱mndi a nje kha nda tu̱ shaata mu̱dlen si.”

Tlu̱nar ɓu̱ Pudeku 14:17

yang kap ndu̱ nang sar da nu̱ njig ɗyinan waare ɗye saidu ɓa. Chin ke nu̱ vu̱r romndi ye nu mbu̱ viɗi ndu̱ boote dam mbarkandi. Wa zhi mbonu ndu̱ ɗye zu̱mndi, tu̱ sa nu tun kha ndu̱ ɓong memu̱na.”

Tlu̱nar ɓu̱ Pudeku 14:27

Nu̱ khu̱lki ku, tu̱ taba nu̱ mbu Yesu ku tu̱ vu̱r labar kap ɗyi nu̱ Magham shiki nu̱ ku̱nshe wora, kom ndu̱ njiv maito nu̱ Magham qu̱nki ye nduki nu̱ke ɗya Yakhudeku ɓa.

Tlu̱nar ɓu̱ Pudeku 17:25

Yang nu̱ka shim shaata she nduk ɓa, nu̱ ka gang tun ɓa ku̱me chin ke nu̱ vu̱r nyifi ye nduki kap, ndu̱ dar nyifiri ndu̱ ɗyi nu̱ke a shimndan ku kap.

Romeku 11:20

Ɗyen wanang shwat! Yang ku̱rta wor ɓar ve man qu̱farang ku̱me song maito ɓaanda, to yang maito ɓa ka saki to zu̱m guma ndu̱ khar ve man qu̱farang. Ku̱me nang shi na me nggu̱nggal ɓa, to ka tu̱k kya sawa.

Afiseku 5:5

Tun wa zu̱n nu̱ ɗyine shwat, nu̱ zawa, ndu̱ nu̱ tlu̱nar zop, ndu̱ me khape (nu̱ke chin ndu̱ nu̱ ghaari ghai ye mu̱lu̱m da ku), ɓu̱ gwa maa mbu̱ kwaaɗar ɓu̱ Masiya ndu̱ ɓu̱ Magham, sar da ɓa.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

1 Tasalonikeku 1:9

Ku̱me nduki kya zu̱ labar pooni dlu̱r nun shiki yerem, ndu̱ shakhti ɗyinonu nun shiki ndu̱ mu̱lu̱mku, tun gaɓ nu̱ she Magham. Ma ku̱ ghar nu ghai ye Maghamndi zhirekandi nu̱ nyifiri,

1 Timoti 1:3

Nga shim ku̱ kha na gha mbu̱ ghai Afisa, ba wa nang khuɗki ku̱ shi na sarchi nu̱ke nga Makidoniya, ma ku̱ wu na ɓeeni nduki nu̱ke a shogar wollo nang ku̱ njig ku.

1 Timoti 3:15

Mbu̱ yang wa khubti nga nu̱ gha ku, wa shipa ku̱ zu̱n na ɗyi nu̱ shipaki ku̱ nduki shi mbu̱ rafti ɓu̱ Magham. Nu̱ke nang ke tabar ɓu̱ nduki ɓu̱ Magham nu̱ nyifiri, yang chin ke zaure ndu̱ dlu̱dlarsi zhire tu̱k.

1 Timoti 4:10

(Chem a bonye ndu̱ wute), ku̱me chem a sa memu̱narem ye Magham nu̱ nyifiri chin nu̱ke ɗya nu̱ ɗanar aaki, yang nu̱ shi wa nduki nu̱ maitaki ɓa.

1 Timoti 5:21

Nga ɓalar nang yoro gume Magham ndu̱ Masiya Yesu ndu̱ nu̱ ru̱ktiku ɓu̱ Magham nu̱ datki, yang to mbu ɗyiku nang ndolar ɗyin su̱ ɓa, yang wut na ta shim njif nggur tu̱ duk njif nggur ɓa.

1 Timoti 6:13

Nga zu̱ran yoro gume Magham nu̱ vu̱rti nyifiri ye aa nu̱m, ndu̱ Masiya Yesu nu̱ vu̱rki saidu mbarkandi gume Puntus Bilatus.

1 Timoti 6:9

Nduki nu̱ke a shim ku̱ kha nda ma nu̱ gu̱na wa ka nggu̱ɗ nu̱ mbu̱ buuriku. Tu̱ zhan mbu̱ shaanggir shimndi ɗyi malkandiku zum zum, ndu̱ shimndi ɗyiku bam bam nu̱ke nu̱ shipa ɓa nu̱ka saki nduki tu̱ su̱bu̱ri tu̱ khu̱l ye mu̱ti.

2 Timoti 4:10

Dimas wa njigti nga ku̱me ndolar ɗyin larji nang, wa ɗu̱ varan Tasalonika, Ku̱rezens wa ɗu̱ Galatiya, kom Titus wa ɗu̱ Dalmatiya.

Titus 2:12

Mu̱nkir nang a shogaran yerem za, ku̱ zhang mi ɗye shir ku nu̱ke ɗya ɓu̱ Magham ɓa, ndu̱ shimndi ɗyiku nu̱ larji gha, chem ku̱s ɗyinerem, chem kha ma nu̱ dambi, ndu̱ pooni ɗye shir ɓu̱ Magham mbu̱ larji nang.

Titus 3:6

A zu̱kya chin Jiimbi shakhshakhndi nang nu̱ ɗyine rem tu̱ boosa rem nu̱ ku̱nshe Yesu Masiya Nu̱ Ɗanar rem.

2 Bitu̱rus 1:11

Shir wanang ka sa tun gwa gaɗar mbarkandi ma viri nu̱ mbu̱ kwaaɗar ɓu̱ Zhinerem gwaanji nu̱ke nu̱ka shi woɗa ɓa ndu̱ nu̱ Nu̱ Ɗanar rem Yesu Masiya.