1 Timoti 6:16 - Mewar Alqawarang

¹⁶ Chin ɗyenda ke nu̱ka shi mu̱t ɓa, nu̱ khar mbu̱ yarang nu̱ke nduk a nje nu̱ke ka ɗu̱maki yir bing ndu̱ yarangang ɓa. Chin ke njif nu̱ke nduk a nje nu̱ naki nda sar da ɓa, yang a nje nu̱ke ka ɓa naki ɓa. Ku̱ zhaaji ndu̱ kwaaɗar nu̱ke koɗokhsi ɓa kha nda. Amin.

1 Timoti 6:16 ပူးပေါင်းရင်းမြစ်များ

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 14:9

Tu̱ Yesu ze nda za, “Nga shoɓ su̱yen ndu̱ tunu wanang, yang ma ɓar meeni nun zu̱ndi nga ɓa, Filibus? Kap njif nu̱ naki nga, ai, wa na Zhinkirang. Nu̱m saki to ka zu̱ki za, ‘Wut Zhinkirang yeremang?’

Yokhana 6:46

Nduk a nje nu̱ naki Zhinkirang sar da ɓa kope njif nu̱ ɗa viki she Magham, chin naki Zhinkirang chin ɗyenda.

Yokhana 8:58

Tu̱ Yesu ze wor za, “Zhire nga zu̱ran ye nu, me ku̱ kha Yibram nga nje.”

Afiseku 3:21

Ku̱ zhaaji kha nda shwat mbe tabar ɓu̱ nu̱ mbu Yesu ndu̱ mbe Masiya Yesu, mbu̱ sarchiku kap, koɗokhsi ɓa. Amin!

Filipiyeku 4:20

Zhaaji wa kha Maghamndi ɓaarem ndu̱ Zhinkir ɓaarem, koɗokhsi ɓa. Amin.

Kolosiyeku 1:15

Magham nu̱ke nduk nu̱ka na nda ɓa ndang, Masiya ke shipar ɓaran. Masiya ke gomi, chin kya viɗi ɗyine aa nu̱m kap,

1 Timoti 1:17

Bu ku̱ gorkir ndu̱ zhaaji kha Kuji Magham aakochi, chin nu̱ke nggarsi ve nda ɓa yang lauɗar su̱ ve nda ɓa, nduk nu̱ka na nda ndu̱ yiti ɓa, chin ɗyenda ke Magham! Amin.

Yibraniyeku 13:8

Yesu Masiya nu̱ka nggoɗ ɓa, a nje ba wa nu̱ke a nje mbu̱ɗa ndu̱ meeni, ndu̱ aakochi koɗokhsi ɓa.

Yaqub 1:17

Aa nyi vu̱rti mbarkandi, ndu̱ vu̱rti nyeelkandi a vi mbu̱ viɗi. A zhur she Magham Zhinkir nu̱ du̱ngki fu̱ɗa, ndu̱ chera ndu̱ anjinjeku kap. Yang chin nu̱ka shi nggot ɓa.

1 Yokhana 1:5

Nang ke ɓalar nyem tu̱kki she nda chem zu̱ ye nu, Magham ɗya yarang, zhum maa nje mbe nda sar da ɓa.

1 Yokhana 1:7

Yang mbu chem a yir ɓaarem mbu̱ yarang ba wa nu̱ke Magham a mbu̱ yarang, chem a khar ndu̱ yen ɗo. Tom ɓu̱ Yesu Yi ɓaran a shibterem nu̱gha mbe aa nyi sola.

1 Yokhana 4:12

Nduk a nje nu̱ naki Magham sar da ɓa, yang mbu̱ chem a ndola yen, Magham a nje kharan mbe rem ɗo, ndolar ɓaran nang wa kha nyeedlan mbe rem.

Yakhuda 1:25

Ma yir she Magham ɗyenda nu̱ ɗana rem, ku̱ gorkiri ndu̱ zhaaji ndu̱ kwaaɗar ndu̱ zalale kha nda me nggar su̱ sarchi, ndu̱ leendang, ndu̱ aakochi koɗokhsi ɓa! Nu̱ ku̱nshe Yesu Masiya Zhinerem gwaanji, Amin.

Ɗyin mbu̱ tukari 1:6

Chin gaɓki ndu̱ chem, chem kha ma kwaaɗari ndu̱ kuruku ma tlu̱nar ye Magham ndu̱ ɓaran nu̱ Zhin. Ku̱me nang bu ku̱ Yesu Masiya dlu̱ zhaaji ndu̱ kwaaɗar koɗokhsi sar da ɓa! Amin.

Ɗyin mbu̱ tukari 1:8

“Nga ke Alfa, Nga ke Omega,” Zhinkir gwaanji Magham zu̱ki nang, “Chin nu̱ke a leendang, nu̱ke a zhu, nu̱ke a ɓari, nga ke nu̱ zalale aa nu̱m kap.”

Ɗyin mbu̱ tukari 21:3

Tang tu̱k su̱qur ɓalar du̱mbu̱rkandi a vi she zhakhɗyang a zu̱ran za, “Leendang maa khar ɓu̱ Magham a su̱yen ndu̱ nduki! Ka kha gha su̱yen ndu̱ wora, ka kha ma nduki ɓaran. Magham ndu̱ ɗyinan ka kha gha su̱yen ndu̱ wora, tu̱ kha ma Maghamndi ɓaanda tu̱k.

Ɗyin mbu̱ tukari 22:5

Virkir nje tu̱k ɓa, ɓu̱ gang pitile ku ɓa yang yarang fu̱ɗa ɓa, ku̱me Magham Zhinkir gwaanji ka vu̱rki yarang ye wora. Ka shi kwaaɗar ku koɗokhsi ɓa.

Ɗyin mbu̱ tukari 4:11

“Zhinkir gwaanji ndu̱ Maghamndi ɓaarem, ta khu̱dli, ku̱ dlu̱ na zhaaji, ndu̱ gorkiri, ndu̱ zalale. Jiwa to du̱ngki aa nu̱m ndu̱ aa nu̱m, yang nu̱ ku̱nshe shimndi ɓaaro du̱ngki wora tu̱ kha ma nu̱ nyifiri ku.”

Ɗyin mbu̱ tukari 7:12

a zu̱ran ku za, “Amin! Khamndi, ndu̱ zhaaji, ndu̱ kaɗari, ndu̱ kunari, ndu̱ gorkir, ndu̱ zalale, ndu̱ du̱mbu̱r ku̱ kha Maghamndi ɓaarem aakochi koɗokhsi ɓa! Amin!”