1 Timoti 6:13 - Mewar Alqawarang

¹³ Nga zu̱ran yoro gume Magham nu̱ vu̱rti nyifiri ye aa nu̱m, ndu̱ Masiya Yesu nu̱ vu̱rki saidu mbarkandi gume Puntus Bilatus.

1 Timoti 6:13 ပူးပေါင်းရင်းမြစ်များ

Matta 27:11

Ye sarchi nang Yesu a nje chingndan gume nggomna, tu̱ nggomnyang zham nda za, “To ke kuji ɓu̱ Yakhudekwang mu?” Tu̱ Yesu ze nda za, “Wanang ni, ba wa no zu̱kyang.”

Matta 27:2

tu̱ gu̱n kharan nu̱ gha ku, tu̱ ɗu̱ ndu̱ chin ku, tu̱ vu̱r nda nu̱ mbu̱ khar nggomna Bilatus.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 19:11

Tu̱ Yesu tlogha yenda za, “Zalale ɓaa yina ɗya Magham vu̱rki yoro. Yang njif nu̱ shiki njiv vu̱rti nga nu̱ mbu̱ khaarang wa duk toro ndu̱ zop.”

Yokhana 5:21

Ba wa nu̱ke Zhinkirang ka nakhaki mu̱tiku tu̱ vu̱r nyifi ye wora, wanang tu̱k, Woyang wa ka vu̱r nyifi ye njif nyin shimki.

Yokhana 5:26

Jiwa ba wa nu̱ke Zhinkirang nu̱ ɗyinan ke dlu̱dlarsi nyifi, wanang tu̱k wa sa Woi ɓaranang ku̱ kha ma dlu̱dlarsi nyifi.

Tlu̱nar ɓu̱ Pudeku 17:25

Yang nu̱ka shim shaata she nduk ɓa, nu̱ ka gang tun ɓa ku̱me chin ke nu̱ vu̱r nyifi ye nduki kap, ndu̱ dar nyifiri ndu̱ ɗyi nu̱ke a shimndan ku kap.

2 Korintiyeku 9:13

Tlu̱nar nun shiki nang, ka sa nduki tu̱ gor dlu̱m Magham ku̱me tun wa mbu ɗyi nu̱ Labar mbarkandi ɓu̱ Masiya zu̱ki, nu̱ke tun wa maita, kom ndu̱ shaatar nun shiki ye wor ndu̱ ɓeeni nduki kha nu nggaran.

Galatiyeku 3:26

Tun kha ma qusonggi ɓu̱ Magham kap ɓaanu nu̱ ku̱nshe maitar Masiya Yesu.

1 Timoti 1:12

Nu̱ke Masiya Yesu Zhinerem gwaanji wa vu̱r du̱mbu̱r ya, nga kuna nda ku̱me nu̱ naki nga ma nu̱ zhire tu̱ daati nga ma shi nga tlu̱nar yenda.

1 Timoti 1:15

Ɓalar nang ɗya ndooga: nu̱ke wa ku̱s ku̱ aaki maita, Masiya Yesu a ɓa larji ma ɗana nu̱ solar ku, yang chele ɓaanda kap nga ke kuji.

1 Timoti 2:5

Jiwa Magham kaada, nduk kaada tu̱k ke nu̱ chingndi nu̱ chele ɓu̱ nduk ndu̱ Magham, nang ke khuski nang Masiya Yesu.

1 Timoti 5:21

Nga ɓalar nang yoro gume Magham ndu̱ Masiya Yesu ndu̱ nu̱ ru̱ktiku ɓu̱ Magham nu̱ datki, yang to mbu ɗyiku nang ndolar ɗyin su̱ ɓa, yang wut na ta shim njif nggur tu̱ duk njif nggur ɓa.

1 Timoti 6:12

Shi dakhlar maito mbarkandi. To dlu̱ ɗye ɓi nu̱ nyifiri nu̱ke nu̱ka shi woɗa ɓa, ku̱me qa ma nang, sarchi nu̱ke to shiki saidu mbarkandi gume saiduku khangndang.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 21:6

Tu̱ gaɓ tu̱ zu̱ tu̱k za, “Wa woɗa shiri! Nga ke Alfa ndu̱ Omega, Nggarsan ndu̱ Lauɗarsan. Kap njif nu̱ke a tu̱k khuzhumndi, ngga vu̱r zalale yenda ku̱ za ye maa ɓaghar ɗyim nu̱ka vu̱rki nyifiri mu̱nki.

Ɗyin mbu̱ tukari 22:1

Kom tu̱ nu̱ ru̱kti ɓu̱ Magham wut gaawu ya nu̱ka vu̱rki ɗyim nyifiri, yaryar wa gu̱las, yang a kuɗar she zhakhɗye ɓu̱ Magham ndu̱ ɓu̱ Ye gamndang.

Ɗyin mbu̱ tukari 3:14

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Laudikiya no za, Wonji ɓalar nu̱ ɗa viki she njif nu̱ka qaki nda za Amin. Chin wutki parakh zhire ɓu̱ Magham, yang Magham shi aa nu̱m kap nu̱ ku̱nshe nda.