1 Timoti 6:10 - Mewar Alqawarang

¹⁰ Jiwa shimndi mu̱zhin ke dlu̱dlarsi aa nyi pooni mu̱na. Ku̱me shimndi mu̱zhin ɓeeni nduki wa gal gha mbe maito nang tu̱ ɗa dut chiti mbi ye var wor maɗyikandi.

1 Timoti 6:10 ပူးပေါင်းရင်းမြစ်များ

Matta 13:22

Pooni nu̱ nggu̱ɗki nu̱ mbu̱ njekhtikwang yang, a khar wa njif nu̱ tu̱kki ɓalar ɓu̱ Magham, yang damtar nu̱ke a mbu̱ larji ndu̱ shimndi gu̱na tu̱ nggu̱tl ɓalarang gwaari nu̱ke nu̱ kha ndu̱ boota ɓa.

Matta 23:13

“Yang tun ɗye zhiyaye, tun Maalu̱m Taurete ku ndu̱ Pariseku, nu̱ lambarku! Tun wa za me vi viri nu̱ mbu̱ kwaaɗar viɗi.

Matta 6:19

“Taba nu gu̱nar ye vaanu nu̱ fan larji ye maa nu̱ke susuti ndu̱ nar loghos ka su̱bu̱rki nu̱gha ɓa, ye maa nu̱ke nu̱ muuriku ka viki tu̱ muura ɓar ɓa.

Markus 4:19

Tu̱ damtar mbu̱ Larji ndu̱ shimndi gu̱na kom ndu̱ melakh ɗyiku zum zum ta ɓa tu̱ nggu̱tl ɓalarang ndu̱ gwaari nu̱ke nu̱ shi boota ɓa.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).

1 Timoti 3:3

Ku̱ kha ma njif nu̱ke nu̱ka za ɗyema ɓa, yang nu̱ lu̱kshi ɓa nu̱ ɗu̱bar memu̱na, njif nu̱ke varan buran nu̱ka shim keele ɓa, yang nu̱ vu̱r varan ye ndolar mu̱zhin ɓa.

1 Timoti 6:21

Mburi shogar nang wa sa tu̱ ɓeeni nduki gal gha mbe njiv maito nang. Ku̱ mu̱nkir kha gha su̱yen ndu̱ tunu.

1 Timoti 6:9

Nduki nu̱ke a shim ku̱ kha nda ma nu̱ gu̱na wa ka nggu̱ɗ nu̱ mbu̱ buuriku. Tu̱ zhan mbu̱ shaanggir shimndi ɗyi malkandiku zum zum, ndu̱ shimndi ɗyiku bam bam nu̱ke nu̱ shipa ɓa nu̱ka saki nduki tu̱ su̱bu̱ri tu̱ khu̱l ye mu̱ti.

2 Timoti 3:2

Ku̱me nduki ka kha ma nu̱ shimndi ɗyin vaanda, nu̱ ndolar mu̱zhindi ku, nu̱ wakhti ku, nu̱ gwaari ɗyin ku, nu̱ pu̱ziku bam bam. Nu̱ song tu̱kti man nda ndu̱ zhin nda, nu̱ song wuti kuna, nu̱ shimndi khar mbu̱ zop ku,

2 Timoti 4:10

Dimas wa njigti nga ku̱me ndolar ɗyin larji nang, wa ɗu̱ varan Tasalonika, Ku̱rezens wa ɗu̱ Galatiya, kom Titus wa ɗu̱ Dalmatiya.

Titus 1:11

Wa ku̱s ku̱ wu wor ku̱ kha yit ku, ma nu̱ke a lakhta raftiku khang nu̱ gha mbe shogar ɗyi nu̱ke nu̱ shipa ɓa ɓara ma ku̱ gwa nda gu̱na ve njiv batal.

Yaqub 5:19

Nyeezaku, mbu̱ da chele ɓaanu wa njig njiv zhire, tu̱ yang njif nggur chele ɓaanu a gaɓ ndu̱ chin ve njiva.

Yakhuda 1:11

Ɗya ɗye zhiyaye ku! Wa mbu ɗye shir ɓu̱ Kayinu ku. Ku̱me shimndi gwar tunu wa nggu̱ɗ ku nu̱ mbu̱ ɗyi galkandi nu̱ Balaam shiki, wa su̱ya ku tu̱k wa nu̱ shiki sarchi pooni tonggu̱rong ɓu̱ Kora.

Ɗyin mbu̱ tukari 18:13

Ɗye masar ɓaanda nu̱ gwa masa ɓa, wa ɗyiku nu̱ shiki ndu̱ sinamon, ndu̱ ɗye ɗu̱khti kimbili ku, ndu̱ ɗye zhi mu̱nkandi nu̱ka vaki ndu̱ ɓai. Ndu̱ mur, ndu̱ lubban, ndu̱ ɗyim anap, ndu̱ mor Zaitun, ndu̱ buɗuk ɓu̱tokhndi, ndu̱ ye alkame. Nu̱ dleeku, ndu̱ ndu̱ɓangku, pu̱rsiku ndu̱ ɗye dar shipitiku ɓaanda, ndu̱ maaviku tu̱k, chin ke nyifi ɓu̱ nduki.