1 Timoti 5:17 - Mewar Alqawarang

¹⁷ Vu̱r ma gorkiri su̱yen nu̱ wuti kunari ye nduk kudaandiku nu̱ke a tlu̱nar mbu̱ tabar ɓu̱ nu̱ mbu Yesu ku mbari, nu̱ shi wa nduki nu̱ka wopaki ɓalar ndu̱ shogaran ɓar ɓa.

1 Timoti 5:17 ပူးပေါင်းရင်းမြစ်များ

Matta 24:25

Yang ngaa ze nun gha nu̱ ɗawi.

Luka 10:7

Mbu̱ tun wa vi nu̱ mbu̱ ghai, tun kha ba nu̱ mbu̱ rafti da, tun zu̱m aa nyi ɗye zu̱m nu̱ vu̱rki ye nu. Ku̱me nu̱ tlu̱na wa shipa ku̱ gwa ɗye ɓi ɓaran. Kha nu ma vi rafa rafa ɓa.

Luka 12:42

Tu̱ Zhinerem gwaanji tlogha za, “Nga ɓalarang ku̱me nu̱ shir zhire, nu̱ kaɗari tu̱k nu̱ke nu̱ rafti ɓaran du̱ngki nda za ku̱ kosa rafti ɓaran yenda tu̱ ku̱s vu̱r ɗye zu̱mndi ye pudeku ɓaran aa nyi sarchi.

Yokhana 4:38

Nga ru̱ktonu ma ku̱m ɗyi nu̱ke nun tlu̱na ɓa. Nduki nggur shiki bonye ni, yang tun shi boote ndu̱ tlu̱nar ɓaandang.”

Tlu̱nar ɓu̱ Pudeku 11:30

Tu̱ yang shi wanang ku, tu̱ ru̱k ndu̱ shaatarang ye nduk kudaandi nu̱ Urshalima mbu̱ khar Barnaba ndu̱ Shawulu.

Tlu̱nar ɓu̱ Pudeku 20:35

Mbu̱ ɗyiku nang kap tun ka na nu̱ vya tun zu̱n nu̱ ɗyine wa ku̱s ku̱ shi nu tlu̱nar wa nang shiki ma ku̱ shaata nu nduki nu̱ke du̱mbu̱r ɓaanda kata. Tun a kor ɓalar ɓu̱ Zhinerem gwaanji Yesu nu̱ zu̱ki za, ‘Vu̱rtan wa duk dlu̱ran barke.’ ”

Tlu̱nar ɓu̱ Pudeku 28:10

Tu̱ vu̱r ɗyiku yerem khang nu̱ke chem a ma yir vaarem mbu̱ du̱mbu̱l tu̱k, tu̱ taba koɗokh me ɗyiku nu̱ke chem a shimndan yerem kap.

Romeku 12:8

Mbu̱ ɗya nu̱ par du̱mbu̱r ye nduki, ku̱ ki pa du̱mbu̱r ye nduki. Mbu̱ yang ɗya nu̱ shaatar nduki, ku̱ shi khaaran nggaran. Mbu̱ ɗya nu̱ khar ma dle guma, ku̱ vu̱r ɗyinan ma kwaaɗar nu̱ zhire. Mbu̱ yang ɗya nu̱ wuti ɗaana, ku̱ shi memu̱naran da.

Romeku 15:27

Wa kasha shir wanang ku, aa nu̱ke taɗaranang a ɗyine wora. Mbu̱ke nduki nu̱ke ɗya Yakhudeku ɓa wa gwa me ɓaanda mbu̱ jiimbi nu̱ barke ɓu̱ Yakhudeku, wa ku̱s tu̱k nu̱ke ma ku̱ shakh ɗyin me khar wora ndu̱ Yakhudekwang.

Romeku 16:12

Shi ma qaandi ye Tu̱raifina ndu̱ Tu̱raifusa, nusuku nu̱ke a tlu̱nar maɗyikandi mbe Zhinerem gwaanji. Shi qaandi tu̱k ye Parsis, nokhzi nggur ndolakandi nu̱ shiki tlu̱nar maɗyi ku̱me Zhinerem gwaanji.

1 Korintiyeku 15:10

Yang mu̱nkir ɓu̱ Magham saki tang kha wa nu̱ke nga si leendang, mu̱nkir ɓaran nu̱ kha bam ɓa. Nga shi tlu̱nar nu̱ dukki ɓu̱ pudeku nang kap, aa nu̱ke ɗya nga shiki ɓa, ɗya mu̱nkir ɓu̱ Magham nu̱ke a su̱yen ndu̱ nga.

1 Korintiyeku 16:16

Nga khutonu mbu ma zu̱r ɓu̱ nduki nang, tun vu̱r zhaaji tu̱k ye nduki nu̱ gontaki ɗyin wor ndu̱ wor mbu̱ tlu̱narang.

1 Korintiyeku 3:9

Jiwa chem a khar raptiki mbu̱ tlu̱nar ɓu̱ Magham, yang tun ke dam ɓu̱ Magham ndu̱ du̱ndi ɓaran tu̱k.

2 Korintiyeku 6:1

Mbe tlu̱nar nu̱ke chem a shiran ndu̱ Magham, chem a khutonu, ku̱ njig nu mu̱nkir ɓaran tu̱ kha bam ɓa.

Galatiyeku 6:6

Ku̱ nduki nu̱ke a shoga ɓalar ɓu̱ Magham shi mbarkir ye maalu̱m nu̱ke a shogaran ye worang.

Filipiyeku 2:16

Kha ma ma yarang nu̱ke a wuti, tun khuɓ ɓalar nu̱ka vu̱rki nyifiri nang maɗyi, ngga shi wakhti ye Fu̱ɗar nu̱ke Masiya ka ɗa gaɓki ku̱me nang shi wute tang za bonye bam ɓa.

Filipiyeku 2:29

Gaɗa ma nda ndu̱ kashar maɗyi ku̱me Zhinerem gwaanji. Tun vu̱r zhaaji ye pooni nduki nang wa nu̱ shipaki,

Filipiyeku 4:3

Tun, nyeezaku mbu̱ tlu̱nar nang nu̱ shir zhire, nga khutonu ku̱ shaata nu nusuku nang, ku̱me wa shi tlu̱nar ku maɗyi su̱yen ndu̱ nga mbu̱ tlu̱nar wopar Labar Mbarkandang. Wor ndu̱ Ku̱lemen ndu̱ ɓeeni nduki nu̱ke a tlu̱nar su̱yen ndu̱ nga, wor nu̱ke dlu̱m wor a nje bu̱laran mbu̱ Lagarkati Nyifiri.

1 Timoti 3:5

(Ku̱me mbu̱ nduk nu̱ ɗu̱ma khuɓ rafti ɓaran ɓa, ɗa ka ɗu̱ma khuɓ Tabar ɓu̱ nduki ɓu̱ Magham kikimndana?)

1 Timoti 4:10

(Chem a bonye ndu̱ wute), ku̱me chem a sa memu̱narem ye Magham nu̱ nyifiri chin nu̱ke ɗya nu̱ ɗanar aaki, yang nu̱ shi wa nduki nu̱ maitaki ɓa.

1 Timoti 4:14

Ku̱ njig na vu̱rti nu̱ke a mbe ro no gwaki nu̱ ku̱nshe ɗyi nu̱ Magham zu̱ki sarchi nu̱ nduk kudaandikwang saki khar barke yorang ɓa.

1 Timoti 4:16

To ku̱r vaaro ndu̱ shogar nu̱ke ta shiran. Gu̱n soro to zu̱m guma ndu̱ ɗyiku nang, ku̱me mbu̱ ta shi wanang, to ka ɗana vaaro ndu̱ nduki nu̱ke a gwa dlu̱mdi wor yoro.

1 Timoti 4:6

Mbu̱ ta wut ɗyiku nang ye nyeezerem to ka kha ma nu̱ tlu̱nar mbarkandi ɓu̱ Masiya Yesu, nu̱ gorki mbu̱ ɓalar maito nang ndu̱ shogar mbarkandi nu̱ke ta khutloran ma ɓar meeni.

1 Timoti 5:19

Ku̱ tlogha na dar zhaano nu̱ ɗyine nduk gori nu̱ke a tlu̱nar mbu̱ Tabar ɓu̱ nu̱ mbu Yesu ɓa, kope ta gwa saiduku rap ma yir kunung.

1 Timoti 5:3

To ɗang ku̱du̱w nusuki nu̱ke nu̱ shaata kha wor ɓa mbari.

2 Timoti 2:6

Ai, nu̱ ghuti nu̱ shiki tlu̱nar maɗyikandi shipaki ku̱ nggaasi zu̱m boote damang gumapaali.

2 Timoti 4:2

Shi waazu ɓu̱ ɓalar ɓu̱ Magham; to kha daasaran aa zalala nje aa a nje ɓa; to ɗu̱r nduki, to wu wora, to pa du̱mbu̱r ye wora ndu̱ kaɗanyi maɗyikandi ta shogaran ɓara.

Yibraniyeku 13:17

Tun mbu su̱qur dlegumeku ɓaanu, tun shi ɗyi nu̱ zu̱ki ye nu ku tu̱k, ku̱me wor kya nggu̱t khar viti ɓaanu wa nduki nu̱ke a ma shiga su̱ ɗyi nu̱ wor tlu̱naki. Tun mbu wor tu̱ tlu̱nar ɓaanda kha ndu̱ kasha, waare taɗar memu̱na, ku̱me taɗar memu̱narang ɓu̱ ɗa ɓa ndu̱ boote nggur ye nu ɓa.

Yibraniyeku 13:24

Tun shi qaandi ye dlegumeku ɓaanu, ndu̱ nduki ɓu̱ Magham kap. Nyeezeremku nu̱ke a Italiya a qaandi ye nu ku.

Yibraniyeku 13:7

Kor ma dlegumeku ɓaanu nu̱ zu̱ki ɓalar ɓu̱ Magham ye nu. Nggu̱t ma pooni khar viti nu̱ shiki ku, ndu̱ lauɗar su̱ khar viti ɓaanda, tun da ɗyin saari maito ɓaanda.