1 Timoti 4:6 - Mewar Alqawarang

⁶ Mbu̱ ta wut ɗyiku nang ye nyeezerem to ka kha ma nu̱ tlu̱nar mbarkandi ɓu̱ Masiya Yesu, nu̱ gorki mbu̱ ɓalar maito nang ndu̱ shogar mbarkandi nu̱ke ta khutloran ma ɓar meeni.

1 Timoti 4:6 ပူးပေါင်းရင်းမြစ်များ

Matta 13:52

Ku̱me nang tu̱ ze wor za, “Kap Maalu̱m Taurete nu̱ dlu̱ki shogar ɓu̱ kwaaɗar mbu̱ viɗi, wa shipa nu̱ rafti nu̱ka fedki du̱ngndi mewakandi ndu̱ gu̱makandi mbu̱ gu̱nar ɓaran.”

Luka 1:3

Wa shi mbari nga ndu̱ vara njel nga su̱ ɗyiku nang yor kap ku̱me ngaa laɓ mban nu̱gha mbari vu̱ nggarsan, su̱ ghayi, Tiyofilus.

Tlu̱nar ɓu̱ Pudeku 1:15

Mbu̱ qaandiku naandang tu̱ Biturus ji tu̱ chin gha chele nu̱ mbu Yesu ku (nu̱ke khang ɓaanda wa khu̱l won ndu̱ ɗyirap).

Tlu̱nar ɓu̱ Pudeku 20:31

Ku̱me nang kha ma daasaran! Kor ma nu̱ke me sonyi kunung nu̱ peetaki nang laada dut dlu̱mndi aaki chele ɓaanu virkir ndu̱ fu̱ɗar ɓa, nga shi ye nu ndu̱ ɗyim ghoori.

Tlu̱nar ɓu̱ Pudeku 20:35

Mbu̱ ɗyiku nang kap tun ka na nu̱ vya tun zu̱n nu̱ ɗyine wa ku̱s ku̱ shi nu tlu̱nar wa nang shiki ma ku̱ shaata nu nduki nu̱ke du̱mbu̱r ɓaanda kata. Tun a kor ɓalar ɓu̱ Zhinerem gwaanji Yesu nu̱ zu̱ki za, ‘Vu̱rtan wa duk dlu̱ran barke.’ ”

Romeku 15:15

Nga vi ye dalang mbu̱ lagarkati ɓang nang sawa su̱ ɓa, tang shi ɓalar ɗyine ɓeeni ɗyiku ku̱me mu̱nkir nu̱ Magham shiki ya.

1 Korintiyeku 4:17

Yang nga ru̱k Timoti woi nu̱ke nga ndola nda nu̱ she nu ku̱men, ɗya nu̱ shir zhire mbe Zhinerem gwaanji. Ka kor ɗyi nu̱ke nga shiran ye nu mbe mbu Masiya Yesu nu̱ke nga shiran, ba wa nang ka shogaki ɓar ye tabar ɓu̱ nu̱ mbu Yesu ku aa fu̱n.

2 Korintiyeku 11:23

Mbu̱ wor nu̱ tlu̱narku ɓu̱ Masiya, nga duk wor mbe nang! (Nga ɓalar nang wa nga yirtan!) Ai, nga duk wor tlu̱nar maɗyi, nga gwa gu̱ndi sar khang, wa dlabti nga ku sar khang, sar khang nga me mu̱ti.

2 Korintiyeku 3:6

Nang ke ɗyi nu̱ saki chem kha ma nu̱ tlu̱nar ku ɓu̱ mewar alqawarang, nu̱ ku̱nshe bibitiku nu̱ bu̱lakyang ɓa, yang nu̱ ku̱nshe Jiimba. Chin bibiti bu̱lakandi nang chin ke nu̱ ɓar ndu̱ mu̱ti, yang Jiimbyang ke nu̱ vu̱r nyifiri.

2 Korintiyeku 6:4

Me ɓu̱ nang, chem a wutan ye nduki nu̱ ɗyine chem nu̱ tlu̱narku ɓu̱ Magham ve aa nyi njiva. Chem a gu̱n memu̱narem, mbe damtarku ndu̱ bonye ndu̱ palase.

Afiseku 6:21

Tikikus, mu̱dlerem nu̱ke chem a ndolaran, nu̱ shir zhire mbu̱ tlu̱nar ɓu̱ Zhinkir gwaanji, ka zu̱ aa nu̱m ye nu ma ku̱ zu̱n nu ɗyi nu̱ke nga mban ndu̱ ɗyi nu̱ke nga san.

Filipiyeku 2:20

Nang na njif nu̱ saki nun ve memu̱naran wa chin ɓa.

Filipiyeku 2:22

Ai, tun wa zu̱n ki ke Timoti kwa, tun wa zu̱n tlu̱nar Labar mbarkandi nyem shiki ndu̱ chin wa woi ndu̱ zhin.

Filipiyeku 3:16

Ɗyi gwaanji chin ke, ye maa nyem khu̱lki kap, ku̱ zu̱m mi guma si.

Kolosiyeku 2:19

Ai, pooni nduki nang wa woɗa shakhti ku ndu̱ Masiya nu̱ke chin ke dle gume ɓu̱ tabar ɓu̱ nu̱ mbu Yesu ku, man varang kap a dlakya vaanda nu̱ ve nda. Ai, Masiya kya zu̱mndi ndu̱ man varang tu̱ sa tu̱ kha ye maa da nu̱ ku̱nshe me barku ndu̱ gu̱rauku, tu̱ ki gwaari ndu̱ gwaari nu̱ Magham saki ku̱ shi ku.

Kolosiyeku 3:16

Wa ku̱s ku̱ yele ɓalar ɓu̱ Masiya khan mbu̱ memu̱na nu. Tun a shogaran ye yen, tun a wu yen mbe aa nyi pooni kaɗari. Tun a taazi Zabure ndu̱ nu̱ khamndi Magham, tun a taazi ku mbe jiimba ye Magham, tun a kuna nda mbu̱ memu̱na nu.

Kolosiyeku 4:7

Tikikus ka zu̱ ɗyi nu̱ke nga mban ye nu kap. Ɗya mu̱dlerem nu̱ke chem a ndolaran maɗyi, ɗya nu̱ shir zhire mbu̱ tlu̱nar ɓaran. Nga ndu̱ chin kap chem a shikya tlu̱nar ɓu̱ Zhinkir gwaanji.

1 Tasalonikeku 3:2

Chem wa ru̱k Timoti khaterem, nu̱ke a tlu̱nar ndu̱ chem mbu̱ tlu̱nar ɓu̱ Magham nu̱ wopar Labar mbarkandi ɓu̱ Masiya. Ma ku̱ pa du̱mbu̱r ye nu, tu̱ vu̱r shokhku̱rokh me bu̱n ye nu mbe maito ɓaanu,

1 Timoti 1:10

Kom ndu̱ nu̱ qaandi ndu̱ yen waare ɓu̱rti, ndu̱ nduki nu̱ke mekhtan, ndu̱ nu̱ masar maava ɓara, ndu̱ nu̱ wollo ku, ndu̱ nu̱ saidu wollo, ndu̱ kap ɗyi nu̱ nggaki yen ndu̱ shogar zhirekandi.

1 Timoti 4:16

To ku̱r vaaro ndu̱ shogar nu̱ke ta shiran. Gu̱n soro to zu̱m guma ndu̱ ɗyiku nang, ku̱me mbu̱ ta shi wanang, to ka ɗana vaaro ndu̱ nduki nu̱ke a gwa dlu̱mdi wor yoro.

1 Timoti 6:3

Aaki shogaki ɗyi nggur ɓar zum nu̱ke nu̱ kha torop ndu̱ ɓalar ɓu̱ Zhinerem gwaanji Yesu Masiya ɓa, yang ɗya shogar ɓu̱ Magham ɓa,

2 Timoti 1:6

Nang ke ɗyi nu̱ saki nga kwaaran yor nga za ku̱ shi na boote maɗyi ndu̱ vu̱rti nu̱ Magham shiki yor sarchi nang saki khar barke nu̱ ɗyinoro.

2 Timoti 3:10

Leendang ta woɗa ta zu̱n shogar ɓanga, ndu̱ ɗye shir mbarkandi ɓanga, ndu̱ ku̱rti ɓanga, ndu̱ maito, ndu̱ kaɗanyi, ndu̱ ndolari, ndu̱ sar memu̱nar mbe kanaɗyi nang ka shiki.

2 Timoti 4:3

Jiwa sarchi a nje a ɓari nu̱ke nduki ɓu̱ shim shogar zhirekandi ɓa. Me ɓu̱ nang ɗyi nu̱ke memu̱na wora shimndan ndu̱ dlu̱mdi wor nu̱ke a khum wora. Ka sa tu̱ ɗu̱ ku she maalu̱mku nu̱ke ka zu̱ki ɗyi nu̱ke a shim tu̱ktan ku ye wora.

Titus 2:1

Yang wa ku̱s ku̱ shoga na ɗyi nu̱ke toropndi ɓara, nang ke ɗyi nu̱ khaki torop ndu̱ shogar zhirekandi.

1 Biturus 2:2

Me ɓu̱ nang tun kha wa ɓeelar qusonggi nu̱ke a kasha zar ɓiɓi me ɗyinan, tun kasha ɓalar ɓu̱ Magham wanang ma ku̱ gor nu tun khu̱l ye gwar ɗanari,

2 Yokhana 1:9

Kap njif nu̱ke nu̱ ching nu̱ ɗyine shogar ɓu̱ Masiya ɓa, tu̱ yang shoga ɗyi nggur ɓar guma nu̱ nang, njif nang nu̱ gwa Magham ɓa. Yang njif nu̱ chingki nu̱ ɗyine shogar ɓu̱ Masiya, wa gwa Zhinkirang ndu̱ Woyang tu̱k.

Yakhuda 1:5

Aa nu̱ke tun wa zu̱ni, nga shim ku̱ kor nu njiv nu̱ Zhinkir gwaanji ɗanaki nduki ɓaran sarchi na kheɗki wor ɓar mbu̱ ghai Masar, yang kap ndu̱ nang qu̱rsan tu̱ su̱ya nduki nu̱ke nu̱ maita ɓa nu̱gha.