1 Timoti 4:3 - Mewar Alqawarang

³ Pooni nduki nang wa ka nggu̱tl ndukiku shir ɓu̱rti ndu̱ zu̱mndi ɓeeni ɗye zu̱mndiku, yang Magham shiki ɗye zu̱mndiku nang ma ku̱ nduki nu̱ maitaki tu̱ zu̱n zhire ku tu̱ dlu̱ ku ndu̱ kuna.

1 Timoti 4:3 ပူးပေါင်းရင်းမြစ်များ

Matta 14:19

Tu̱ ze ndukyang za ku̱ kha gha ku ɗyin wuzu̱ndikwang. Tu̱ da ɓu̱rti tolir qurmundi ndu̱ yurvi rapndang, tu̱ da ɗyinan nu̱ viɗi, tu̱ sa barke nu̱ si. Tu̱ shakh ɓurti tolirang nu̱gha tu̱ vu̱r ye nu̱ mburi nda kwang, wor tu̱k yang tu̱ ka vu̱r ye ndukyang.

Matta 15:11

Ɗyi nu̱ ka viki nu̱ mbu̱ me nduku nu̱ka sa tu̱ kha ndu̱ ‘zop ɓa,’ kope ɗyi nu̱ ka viki ɓar mbu̱ men chin ke nu̱ sa nduk tu̱ kha ndu̱ ‘zop.’ ”

Matta 15:36

Tu̱ da ɓurti tolir mutndang ndu̱ yurvikwang. Nu̱ kunaki Magham, tu̱ kushitang gha tu̱ vu̱r ye nu̱ mburi nda kwang, kom tu̱ nu̱ mburi nda kwang vu̱r ye ndukyang.

Luka 24:30

Nu̱ khaki gha ma zu̱m ɗye zu̱mndi ku, tu̱ Yesu da ɓurti tolir tu̱ sa barke nu̱ si, kom tu̱ ɓakhla nu̱ gha tu̱ vu̱r ye wora.

Yokhana 6:23

Yang du̱mbu̱lku nggur a nje nu̱ ɗa viki ku Tiberiya, tu̱ ching gha ku bing ndu̱ ye maa nu̱ nduki zu̱mki ɓurti tolir gaanje Yesu wa kuna Maghamang.

Tlu̱nar ɓu̱ Pudeku 27:35

Nu̱ zu̱ki wanang tu̱ da ɓurti toliri, tu̱ kuna Magham gume wor kap. Tu̱ ɓakhla nu̱ gha tu̱ ki njiiran.

Romeku 14:17

Jiwa kwaaɗar ɓu̱ Magham ɗya ɓalar zu̱mndi ndu̱ zar ɓa, ɗya ɓalar dambi, ndu̱ qaandi memu̱na, ndu̱ ɓong memu̱na mbe Jiimbi shakhshakhndi.

Romeku 14:3

Ku̱ njif nu̱ka zu̱mki ɗyi nyin shimki kap ndu̱m chin nu̱ke nu̱ka zu̱m aa nyi ɗye zu̱m ɓa ndang ɓa. Yang tu̱k njif nu̱ka datki ɗyi nu̱ke chin ka zu̱mki, ku̱ na zop ɓu̱ njif nu̱ka zu̱mki aa nyi ɗye zu̱mndang zum ɓa, ma nu̱ke nu̱zhin wa kha dlu̱ran she Magham.

Romeku 14:6

Njif nu̱ke a na fu̱ɗar nggur ndu̱ zhaaji a shiran wanang ye Zhinkir gwaanji. Njif nu̱ka njiiki dlu a shiran ma gwar dlu̱m Zhinkir gwaanji tu̱k, ma nu̱ke wa ka kuna Magham ku̱men. Aa njif nu̱ke nu̱ka nji dlu ɓa a shiran ma gwar dlu̱m Zhinkir gwaanji tu̱k ba, ma nu̱ke wa ka kuna Magham ku̱men.

1 Korintiyeku 6:13

Yang ɓeenan ka zu̱ tu̱k za, “Shi ɗye zu̱mi ku̱me maa mbu, shi maa mbu tu̱k ku̱me ɗye zu̱mi,” yang ɗo, Magham ka ɓa su̱ya wor nu̱gha kap. Nu̱ shi manva ma zawa ɓa, shir nda ku̱me Zhinerem gwaanji, man varang ɗya ɓu̱ Zhinerem gwaanji.

1 Korintiyeku 7:28

Yang mbu̱ ta woɗa ta shi ɓu̱rti, no shi sola ɓa, yang mbu̱ wonkha wa shi ɓu̱rti, nu̱ shi sola ɓa. Yang kap ndu̱ nang nduki nu̱ shiki ɓu̱rti ka za bonyeku ku̱me khubti rafti ɓaanda, chin saki nga shim yeta nga nang ye nu.

1 Korintiyeku 8:8

Ɗye zu̱m ɓu̱ sa chem kha bing ndu̱ Magham ɓa. Mbu̱ nyem zu̱m ɓa chem kata ɓa, yang mbu chem wa zu̱m chem ɓu̱ paata ɓa.

Kolosiyeku 2:16

Ku̱me nang ku̱ njig nu tu̱ aaki sa bibiti nu̱ ɗyine ɗyi nu̱ke tun ka zu̱mki ndu̱ nu̱ke tun ka zaki ɓa. Yang ku̱ sa bibiti nu ɗyine song mburi tabar ngguri, ndu̱ zhar ɓu̱ chere, ndu̱ maasi ye Fu̱ɗar Maasi tu̱k ɗo ɓa.

Kolosiyeku 3:17

Mbu̱ ɗyi nu̱ke tun a shiran kap, aa mbe ɓala aa tlu̱na, tun shir nda mbu̱ dlu̱m Zhinerem gwaanji Yesu, tun a kuna Magham Zhinki nu̱ ku̱nshe nda.

1 Timoti 2:4

chin nu̱ke a shim ku̱ aaki gwa ɗanari, tu̱ zu̱n zhire tu̱k.

1 Timoti 4:4

Ai ɗyi nu̱ Magham du̱ngki kap mbari yang tun a nje nu̱ke nduk ka zhangki ɓa mbu̱ nduk wa dlu̱ ndu̱ kuna,

1 Timoti 5:14

Nga shim tu̱ga ku̱ ku̱du̱w nusuku nu̱ke a mbu̱ du̱mbu̱r ɓaanda shi ɓu̱rti ku, tu̱ kha qusonggi, tu̱ nggu̱t rafti ɓaanda, ma ku̱ nu̱ zhangndi ɓaaremang gwa ɓalar malkandi nu̱ke ka shiki ɗyine rem ɓa.

Yibraniyeku 13:4

Tun vu̱r zhaaji ye ɓu̱rti tun kap ɓaanu. Tun vu̱r zhaaji ye gaanggir ɓu̱rti ɓaanu ku̱me Magham ka kuma nu̱ zawar mbu̱ khu̱rti ndu̱ nu̱ shiran mbu̱ ɓu̱rti.

Yibraniyeku 13:9

Ku̱ njig nu tu̱ mewar shogarku sa tun gal gha ɓa. Wa shipa ku̱ memu̱narem kha shokhku̱rokh nu̱ ku̱nshe mu̱nkir ɓu̱ Magham, yang nu̱ ku̱nshe mbu me ghai zu̱mndi ɗye zu̱mndi tu̱khu̱l ku ɓa. Pooni nang boota su̱ ye nduki nu̱ zu̱mki ɓa.