1 Timoti 4:2 - Mewar Alqawarang

² Pooni shogarku nang kaɗa vi she nu̱ lambarku nu̱ mu̱nar bamndi nu̱ke konyi mbarkandi ɓaanda mu̱tan, wa no za va nu̱ gha ndu̱ vi nu̱ke ɓai a si.

1 Timoti 4:2 ပူးပေါင်းရင်းမြစ်များ

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 7:15

“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Tlu̱nar ɓu̱ Pudeku 20:30

Aa chele ɓaanu ɓeeni nduki kaɗa vi tu̱ zu̱ shim nggoɗ zhire ku nu̱ gha, ma ku̱ dut nu̱ mbu Yesu ku nu̱ she wora.

Romeku 1:28

Nu̱ke wa zhang zu̱n Magham ku gha, tu̱ Magham njig wora tu̱ ku̱s kor ɗyi bamndiku tu̱ ka shi ɗyi nu̱ke nu̱ shipa ku ɓa.

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

Afiseku 4:19

Wonji kawa ve wor ɓa. Wa sa ɗyin wor ma shi ɗye shir ku malkandi, a kasha shir aa nyi tlu̱nar zop ndu̱ shimndi zu̱mndi guma mban.

2 Timoti 3:5

Dam a wutan ku za wor nu̱ zu̱ndi Magham, yang khar viti ɓaanda wa keela zalale nu̱ke a mban. Shakh ma ɗyinonu ndu̱ pooni nduki nang.

Ɗyin mbu̱ tukari 16:14

Khu̱kheetiku nang ɗya jiimbiku nu̱ka shiki ɗye lazhamku. Wor ke nu̱ yir she kujiku nu̱ larji kap, tu̱ taba wor ma dakhlar ye fu̱ɗar gwaanji ɓu̱ Magham nu̱ zalale aa nu̱m kap.