1 Timoti 4:16 - Mewar Alqawarang

¹⁶ To ku̱r vaaro ndu̱ shogar nu̱ke ta shiran. Gu̱n soro to zu̱m guma ndu̱ ɗyiku nang, ku̱me mbu̱ ta shi wanang, to ka ɗana vaaro ndu̱ nduki nu̱ke a gwa dlu̱mdi wor yoro.

1 Timoti 4:16 ပူးပေါင်းရင်းမြစ်များ

Markus 13:9

Tun ku̱r vaanu, ku̱me kaa ɗu̱ ndu̱ tun gume kumari, ndu̱ gume maa tabar ɓaanda tu̱ shi dlabti ye nu. Kaa ɗu̱ ndu̱ tun gume gorkirku ɓaanda ndu̱ kujiku ɓaanda, ku̱me Nga, yang tun kaa gwa zalale tun zu̱ labar mbarkandang ye wora.

Luka 21:34

“Tun ku̱s va nu ye yen, ku̱me ku̱ khang kwaari ndu̱ zu̱mndi ndu̱ zari ndu̱ me kuya ndu̱ damtarku nu̱ mbu̱ larji nang nyigla nu ɓa. Ma ku̱ fu̱ɗar nang ɓa ruuma nu ruuma wa shaanggir ɓa,

Tlu̱nar ɓu̱ Pudeku 26:22

Yang tu̱ Magham shaata nga ma ɓar meeni, nang ke ɗyi nu̱ saki nga saidu nang ye nduki rututundi ndu̱ nu̱ katar du̱mbu̱r. Nga zu̱kya ɗyi nggur zum ndu̱ ɗyi nu̱ annabiku ndu̱ Musa zu̱ki za ka ɗatlang ɓa.

Tlu̱nar ɓu̱ Pudeku 6:4

Ku̱me gwa mi chem rub nu̱ ɗyine barari ndu̱ shogar ɓalar ɓu̱ Magham ɓara.”

Romeku 11:14

nga sa memu̱nara, shir wanang ka sa nduki ɓang Yakhudeku tu̱ shi zhiri, tu̱ sa ɓeenanku ku̱ gwa ɗanari.

Romeku 16:17

Nyeezaku, nga khutonu tun shi khankal ndu̱ nduki nu̱ka ɓa ki ndu̱ shakhti ɗyin chele ɓaanu tu̱ sa ɗye ji saari nu̱ gumenu, nu̱ke a kare ndu̱ shogar nun dlu̱ki. Kha ma ɓakh ndu̱ wora!

Romeku 2:7

Nduki a nje nu̱ke a kaala gorkir ndu̱ zhaaji nu̱ke nu̱ka shi woɗa ɓa. Nang ke nduki nu̱ shiki mbarkir mbe kanaɗyi, wor ke nduki nu̱ke Magham a ma vu̱r ɗye ɓi nu̱ nyifiri nu̱ke ɓu̱ shi woɗa ɓa ye wora.

1 Korintiyeku 1:21

Jiwa Magham mbe kaɗari ɓaran wa sa tu̱ nduki nu̱ larji ku̱na zu̱ndi nda nu̱ ku̱nshe kaɗari ɓaanda. Me ɓu̱ nang, tu̱ dat ku̱ ɗana nji nduki nu̱ maitaki nda nu̱ ku̱nshe Labar mbarkandi nyem wopaki nu̱ke a naran ku wa ɗya me nggu̱bu̱ngang.

1 Korintiyeku 9:22

She nduki nu̱ke maito ɓaanda kata, tang kha wa nga wanang ma a dut nga wora, Nga kha ma aa nyi tun she ndukiku zum zum ma ɗana nga ɓeenan a kikimndi.

1 Korintiyeku 9:27

Nga ru̱k vara, tang gaɓ ndu̱ chin ma maava, ku̱me ku̱ ɓa mbukti nga gha qu̱rse nga wopa Labar Mbarkandang ye nduki ɓa.

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

Kolosiyeku 4:17

Tun ze Arkipus tu̱k nun za, “Shi to lauɗa su̱ tlu̱nar nu̱ Zhinkir gwaanji vu̱rki yorang.”

1 Tasalonikeku 2:16

A nggu̱tlerem ku za ku̱ shi mi waazu ye nduki nu̱ke ɗya Yakhudeku ɓa ma ku̱ gwa ɗanar ku ɓa. Ɗyi nu̱ke a shiran kwang a sa solar ɓaanda ku̱ kha nyeedlan aakochi. Yang shokhnar ɓu̱ Magham a ɓa ɗyine wora ye lauɗarsan.

1 Timoti 1:3

Nga shim ku̱ kha na gha mbu̱ ghai Afisa, ba wa nang khuɗki ku̱ shi na sarchi nu̱ke nga Makidoniya, ma ku̱ wu na ɓeeni nduki nu̱ke a shogar wollo nang ku̱ njig ku.

1 Timoti 4:15

To ku̱s ɗyiku nang maɗyi, to vu̱r va kap ye wora, ma ku̱ aaki na zu̱mndi gume ɓaaro.

1 Timoti 4:6

Mbu̱ ta wut ɗyiku nang ye nyeezerem to ka kha ma nu̱ tlu̱nar mbarkandi ɓu̱ Masiya Yesu, nu̱ gorki mbu̱ ɓalar maito nang ndu̱ shogar mbarkandi nu̱ke ta khutloran ma ɓar meeni.

2 Timoti 2:10

Yang nga gu̱n memu̱nara ndu̱ aa nu̱m ku̱me nduki datkandi, ku̱ gwa ɗanar ku nu̱ ku̱nshe Masiya Yesu, tu̱ gwa viri nu̱ mbu̱ zhaaji nu̱ke nu̱ka shi woɗa ɓa.

2 Timoti 3:14

Yang to, zu̱m guma ndu̱ ɗyi no shogaki, to maita maɗyi, ku̱me ta zu̱n nduki no shogaki kha wora.

2 Timoti 4:2

Shi waazu ɓu̱ ɓalar ɓu̱ Magham; to kha daasaran aa zalala nje aa a nje ɓa; to ɗu̱r nduki, to wu wora, to pa du̱mbu̱r ye wora ndu̱ kaɗanyi maɗyikandi ta shogaran ɓara.

Titus 1:9

Wa ku̱s ku̱ dle guma kha ma njif nu̱ khubki ɓalar ɓu̱ Magham zhirekandi ɓang ɓang ba wa nu̱ shogaki ɓara. Ma ku̱ kha ma nu̱ par du̱mbu̱r ye ɓeeni nduki nu̱ ku̱nshe waazu ndu̱ shogar mbarkandi, tu̱ wut ye maa nu̱ke nduki nu̱ke a kare ndu̱ shogar ɓaranang galki gha ku.

Titus 2:15

To shoga ɗyiku nang ɓara. To pa du̱mbu̱r ye nu̱ tu̱ktor ku, to wu wor ndu̱ zalale nu̱ke a khaaro kap. Ku̱ njig na tu̱ aaki ndu̱mndor ɓa.

Titus 2:7

Mbe aa nyi tunu to kha ma nduk nu̱ tlu̱nar ɗyi mbarkandi, tu̱ nduki ka shoga sho ro. To shi shogar ɓaaro ndu̱ ku̱si ɗyin to vu̱r va nu̱ si,

Filimon 1:19

Nga Bulus nu̱ ɗyina kya bu̱lar nang nu̱ khara nu̱ ɗyine ngga dli ɗyen.

Yibraniyeku 12:15

Ku̱r ma vaanu ma ku̱ aaki mbu̱ɗ gwar mu̱nkir ɓu̱ Magham ɓa. Ku̱ aaki kha ndu̱ ɗyooti mbi nu̱ka ɓa ki ndu̱ su̱bu̱rti tu̱ka su̱bu̱r nduki khangang ɓa.

Yibraniyeku 13:9

Ku̱ njig nu tu̱ mewar shogarku sa tun gal gha ɓa. Wa shipa ku̱ memu̱narem kha shokhku̱rokh nu̱ ku̱nshe mu̱nkir ɓu̱ Magham, yang nu̱ ku̱nshe mbu me ghai zu̱mndi ɗye zu̱mndi tu̱khu̱l ku ɓa. Pooni nang boota su̱ ye nduki nu̱ zu̱mki ɓa.

Yaqub 5:20

Ku̱ zu̱n nu̱ gha, njif nu̱ ɗa gaɓki ndu̱ nu̱ sola ve njiva wa ɗana nyifi ɓu̱ nu̱ solarang ɓar mbe mu̱ti, ka kha ma njiv yaapar solarku khang maɗyi.