1 Timoti 4:12 - Mewar Alqawarang

¹² Njig na tu̱ njif nggur ndu̱mndor ku̱me to woi ɓa, yang to kha ma ɗye shoga chele ɓu̱ nu̱ mbu Yesu ku, mbe ɓala, ndu̱ khar viti ɓaaro, ndu̱ wuti ndola, ndu̱ maito, ndu̱ khar viti shakhshakhndi.

1 Timoti 4:12 ပူးပေါင်းရင်းမြစ်များ

Matta 18:10

“Ku̱r ma vaanu, ku̱ ndu̱m nu da chele qusonggiku na ɓa, ku̱me nga zu̱ran ye nu nu̱ ru̱ktiku ɓu̱ Magham nu̱ khutlo wor nu̱ke a mbu̱ viɗi sot a nggu̱t mbu̱ yiti Zhinkir ɓanga.

1 Korintiyeku 11:1

Tun shi ɗyi nu̱ke nga shiran, wa nu̱ke nga shikya ɗyi nu̱ke Masiya shiki.

Filipiyeku 4:8

Ye lauɗar san, nyeezaku, ki ma kwaari ɗyine ɗyiku nu̱ke ɗya zhire, ɗyiku nu̱ke zhaaji si, ɗyiku nu̱ke torop, ɗyiku nu̱ke shakhshakh. Kom ndu̱ ɗyiku nu̱ke ku̱ nduk shimi, ɗyiku nu̱ke ku̱ nduk na tu̱ makhta, ɗyiku nu̱ dukki mbaari, kom ndu̱ ɗyiku nu̱ke ku̱ nduk kuna.

1 Tasalonikeku 1:6

Yang tun wa da ɗyin sarerem, ndu̱ ɓu̱ Zhinkir gwaanji, tun wa dlu̱ ɓalar ɓu̱ Magham ndu̱ kashar nu̱ke Jiimbi shakhshakhndi ka saki ye nduku, aa nu̱ke tun wa za bonye maɗyi.

1 Tasalonikeku 2:10

Tun wa saida rem, Magham wa saida rem tu̱k ku̱me pooni khar nyem shiki chele ɓaanu, tun nu̱ mbu Yesu ku, chem wa shi khar ɓaarem wakaran, ndu̱ dambi, nu̱ke ɗyi nggur a nje nu̱ke nduk ka pu̱zki rem ɗyinan ɓa.

1 Timoti 1:14

Mu̱nkir ɓu̱ Zhinerem gwaanji wa nyedli nga maɗyi su̱yen ndu̱ maito ndu̱ ndolar na viki she Masiya Yesu ya.

2 Timoti 2:15

Shu ɗyi nu̱ke to ka ɗu̱maki kap ma ku̱ gwa na dlu̱r mbarkandi she Magham. To kha ma nu̱ tlu̱nar nu̱ke tom tu̱k kawa mbe tlu̱nar nu̱ke ta shiran ɓa, to shoga ɓalar zhire nang ɓar torop ba wa nu̱ zu̱ki.

2 Timoti 2:22

Ɗo shimndi ɗyiku malkandi ku bam bamndi nu̱ me woi, to sa ɗyinoro ma laɓ dambi ndu̱ maito ndu̱ ndola, ndu̱ qaandi memu̱na, su̱yen ndu̱ nduki nu̱ke a qa Zhinkir gwaanji ndu̱ memu̱nar shakhshakhndi.

2 Timoti 2:7

To shi kwaari ɗyine ɗyi nang zu̱ki yor nang, ku̱me Zhinkir gwaanji ka sa to da mbu̱ aa nu̱m kap.

Titus 2:15

To shoga ɗyiku nang ɓara. To pa du̱mbu̱r ye nu̱ tu̱ktor ku, to wu wor ndu̱ zalale nu̱ke a khaaro kap. Ku̱ njig na tu̱ aaki ndu̱mndor ɓa.

Titus 2:7

Mbe aa nyi tunu to kha ma nduk nu̱ tlu̱nar ɗyi mbarkandi, tu̱ nduki ka shoga sho ro. To shi shogar ɓaaro ndu̱ ku̱si ɗyin to vu̱r va nu̱ si,

Yaqub 3:13

Yang ki chele ɓaanu ke nu̱ kaɗari ndu̱ dar mbu̱ tuna? Ku̱ nu̱ zhin wut ku̱nshe khar viti mbarkandi, ndu̱ tlu̱nar mbarkandi nyin ka shiki mbu̱ ɓu̱tokh memu̱nar nu̱ nduk ka gwaki mbe kaɗari.

Yaqub 3:17

Yang pooni kaɗari nu̱ke Magham ka vu̱rkyang, ɗya kaɗari nu̱ke shakhshakh gumapaali. Ka ɗa ɓa ndu̱ qaandi memu̱na, ndu̱ khar tu̱tu̱k, ndu̱ ɓu̱tokh ɗyini, ndu̱ khang nar zhiyaye, ndu̱ khang mu̱nkir tu̱k. Wa da aaki wayen, wa ka tlu̱na ɗyi mbarkandi.

1 Biturus 5:3

Ku̱ kha nu ma nduki nu̱ke a shim wut zalale ɗyine nduki nu̱ke Magham vu̱rki ye nu ɓa, tun kha ma nduki nu̱ke shapirang ka shimki shoga tun khanu.