1 Timoti 4:1 - Mewar Alqawarang

¹ Nang ɗo, Jiimbyang wa wut ye dalangi za ye lauɗar su̱ qaandi virkirku ɓeeni nduki ka njig maita ɗyi nyem maitaki, tu̱ mbu jiimbiku nu̱ lambari ndu̱ shogar ɓu̱ khu̱kheetiku.

1 Timoti 4:1 ပူးပေါင်းရင်းမြစ်များ

Matta 18:7

Larji ɗya ɗye zhiyaye ku̱me ɗyiku khang nu̱ka saki nduki ma sola! Ɗyiku nu̱ka saki nduki ma solari a nje a ɓari, yang njif na ɓa ki si ɗya ɗye zhiyaye.

Luka 17:1

Tu̱ Yesu ze nu̱ mburindakwang za, “Ɗye sar nduki ma sola ba a nje aakochi, yang njif na ɓa ki si ɗya ɗye zhiyaye.

Yokhana 16:13

Yang sarchi nu̱ Jiimbi nu̱ zhire a ɓa ki, ka mbu ndu̱ tun mbe aa nyi zhire, ku̱me ɓu̱ shi ɓala ku̱me ɗyinan ɓa, yang ka zu̱kya ɗyi nyin tu̱kki ɗyenda, ka zu̱ ɗyi nu̱ke a ma ɗatli ye nu.

Tlu̱nar ɓu̱ Pudeku 13:2

Sarchi nu̱ke a ghar ghai ye Magham a zhumti ku, tu̱ Jiimbi shakhshakhndi zu̱ za, “Wa ka ma Barnaba ndu̱ Shawulu ya nu̱ konggol ku̱me tlu̱nar nu̱ke nga shim ku̱ shi ya ku.”

Tlu̱nar ɓu̱ Pudeku 17:18

Wanang tu̱k, tu̱ Abikuriyeku ndu̱ Su̱tokiyeku nu̱ shiki zu̱ndi shi keele ndu̱ chin. Tu̱ ɓeenan chele ɓaanda zu̱ za, “Woɗye nu̱ khang ɓalar nang a zu̱kya nu̱ma?” Ɓeenan za, “Ba wa a shikya waazu ɓu̱ pooni maghamndiku nggur zum nu̱ke a nje khaarem fan ɓa.” Zu̱ wanang ku ku̱me Bulus a zu̱kya Labar Mbarkandi ɓu̱ Yesu, ndu̱ jiiri mbe mu̱ti.

Tlu̱nar ɓu̱ Pudeku 20:23

Aa nu̱ke Jiimbi shakhshakhndi wa wut mbu̱ aa nyi ghai za khiiri nu̱ mbu̱ zhaaru̱m ndu̱ bonye maɗyikandi a nje a buri nga.

Tlu̱nar ɓu̱ Pudeku 21:11

Nu̱ Agabus a ɓa ki she rem tu̱ da ɗye gu̱ndi mbu̱ var ɓu̱ Bulus. Tu̱ gu̱n kharanku ndu̱ saaranku nu̱gha tu̱ zu̱ za, “Wonji ɗyi nu̱ Jiimbi shakhshakhndi zu̱ki. ‘Yakhudeku nu̱ Urshalima ka gu̱n nu̱ ɗye gu̱ndi mbu̱ var nang nu̱ gha wanang, ka vu̱r nda nu̱ mbu̱ khar nduki nu̱ke ɗya Yakhudeku ɓa.’ ”

Tlu̱nar ɓu̱ Pudeku 28:25

Ku̱me nang nu̱ da mbu̱ ɓu̱ yen ku ɓa. Me ku̱ njig ye maaranang ku, tu̱ Bulus zu̱ za, “Alapa Jiimbi shakhshakhndi wa shi zhire nu̱ shiki ɓalar ye zhikaneremku nu̱ ku̱nshe annabi Yishaya. Nu̱ zu̱ki za,

1 Korintiyeku 10:20

Auwo, nga ɓalarang ɗyine sadkeku nu̱ke nu̱ ghaari ghai ye mu̱lu̱mku ka dlaki, ka dla qur ɗyikwang ye khu̱kheetiku, a dlaran ku ye Magham ɓa. Yang nang shim ku tun gonta nu ndu̱ khu̱kheetiku ɓa.

1 Korintiyeku 11:19

Yang wa ku̱s ku̱ ɗyinonu shakki ma ku̱ zu̱n nu̱ zhire ku nu̱ke a chele ɓaanu.

1 Korintiyeku 12:11

Ɗyiku nang kap ɗya Jiimbi nang ɗyenda kya shiran, chin shakki ye aaki wa nu̱ shimki.

1 Korintiyeku 2:10

Yang Magham wa wut ɗyiku nang yerem nu̱ ku̱nshe Jiimba. Ku̱me chin Jiimbyang ke nu̱ laɓ mbu̱ aa nu̱m, kap ndu̱ ɗyiku ɓu̱ Magham tukakandi nu̱ke dar mban shar.

2 Korintiyeku 11:3

Yang nga sawa ku̱ su̱tang shi ghu̱rti ye nu tu̱ lamba nu wa nu̱ lambaki Khawa, tu̱ kwaari ɓaanu su̱bu̱r tun ku̱na vu̱r ɗyinonu guma da ye Masiya ma ku̱ kha nu ma nu̱ song zhire mbe nda ɓa.

Kolosiyeku 2:18

Ku̱me nang ku̱ njig nu tu̱ nu̱ pakhti ɗyin nggur shi nggu̱ti zop ye nu ku̱me yitan wa ka na ɗyin mbu̱ tuka ɓa. Pooni nduki nang wa ka gang vaanda nu̱ ve wuti katar ɗyin nu̱ wollo ndu̱ ghaari ghai ye nu̱ ru̱kti ku ɓu̱ Magham. Yang alapa ɓa a wutkya gwaari ɗyin nu̱ke ɗyin su̱ ɓa, ɗya nu̱ ndolar ɗyin ku ndu̱ nu̱ pooni ɗye shir malkandi ɓu̱ nduk ɗyenda.

2 Timoti 3:13

Yang nduki malkandi ndu̱ nu̱ lambar ku nu̱ tlu̱nar malkandi ku ka shaata maatli, a lamba nduki, nduki a lamba wora.

2 Timoti 4:4

Nduki ka zhang tu̱k zhire gha tu̱ gaɓ ndu̱ khangkal ɓaanda ye tu̱kti shinjiku.

Yaqub 3:15

Pooni kaɗari nang ɗya kaɗari nu̱ka ɓa ki viɗ ɓa, ɗya nu̱ larji. Ɗya nu̱ jiimba ɓa, ɗya ɓu̱ Sheɗan.

1 Biturus 1:20

Magham datkya chin me ku̱ du̱ng larji, yang wuti nda ye dalangi ye lauɗar su̱ qaandi virkirku nang ku̱me tunu.

2 Bitu̱rus 2:1

Annabi kotameku a vi ku nu̱ mbu̱ nduki ɓu̱ Magham. Yang tu̱k, maalu̱mku nu̱ wollo ka ɗa vi chele ɓaanu. Ka ɗa ɓa ndu̱ shogar ku nggur mbu̱ tuka, tu̱ shi shogar wollo ye nduki ma su̱bu̱r wora. Ka zhang Zhinerem gwaanji nu̱ dliiki nyifi ɓaanda gha. Shir wanangang ka ɗa ɓa ndu̱ mu̱ti ɓaanda ɓu̱ shoɓ ɓa.

2 Bitu̱rus 3:3

Gumapaali, zu̱n ma nu̱ ɗyine, ye lauɗar su̱ qaandi virkirku nduki nu̱ ɓalar ndu̱mndi ku ka ɗa vi a ɓalar ndu̱mndi ku. A mbu ɗyiku malkandi nu̱ wor shimki.

1 Yokhana 2:18

Tun qusonggi ɓanga, nang ke lauɗar su̱ qaandi virkirku. Ba wa nun tu̱kki za, nu̱ zhangndi Masiya a nje a ɓari, yang aa leendang nu̱ zhangndi Masiya ku khang a ɓa. Nang ke ɗyi nu̱ saki chem zu̱n za chem a mbu̱ lauɗar su̱ qaandiku.

1 Yokhana 4:6

Chem a vi she Magham. Nduki nu̱ zu̱nki Magham wa ka tu̱kterem ku, yang nduki nu̱ke nu̱ zu̱n Magham ɓa, nu̱ka tu̱kterem ku ɓa. Chem ka zu̱n njif nu̱ke a su̱yen ndu̱ Jiimbi zhire ndu̱ njif nu̱ke a su̱yen ndu̱ jiimbi wollo ve nang.

Yakhuda 1:18

Wa zu̱ ye nu ku za, “Ye lauɗar su̱ qaandi virkirku ndukiku nggur ka ɗa ɓa nu̱ ɓalar ndu̱mndi ku, ka mbu shimndi ɓu̱ ɗyin vaanda.

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.

Ɗyin mbu̱ tukari 13:14

Tu̱ lamba nduki nu̱ke a nje kharan mbu̱ larji kap ndu̱ ɗye lazham nu̱ vu̱rki zalale ni yenda ku̱ shi me ɓu̱ dlu gaari nu̱ gumapaali nang. Tu̱ dlu gaari nu̱ rapang ze wor za ku̱ du̱ng shipar nggur ma vu̱r zhaaji ye dlu gaari nu̱ ruɓaki nda ndu̱ kaskar tu̱ yang shaanang.

Ɗyin mbu̱ tukari 16:14

Khu̱kheetiku nang ɗya jiimbiku nu̱ka shiki ɗye lazhamku. Wor ke nu̱ yir she kujiku nu̱ larji kap, tu̱ taba wor ma dakhlar ye fu̱ɗar gwaanji ɓu̱ Magham nu̱ zalale aa nu̱m kap.

Ɗyin mbu̱ tukari 18:2

Tu̱ shi qar ndu̱ su̱qur gwaanji tu̱ zu̱ za, “Wa nggu̱ɗi! Babilon gwaanji wa nggu̱ɗi! Wa kha ma ye maa khar ɓu̱ tu̱du̱kku ndu̱ khu̱kheetiku malkandi, ndu̱ maa tukar ɓu̱ aa nyi ɗyikti malkandi, nu̱ke ɗya ɗye zhaana.

Ɗyin mbu̱ tukari 18:23

Sar da nduk ɓu̱ na yarang ɓu̱ pitila mbe nda tu̱k ɓa. Sar da ɓu̱ tu̱k su̱qur nu̱ zhin ɓu̱rti mewakandi ndu̱ nokhzan mbe nda ɓa. Jiwa zhu nu̱ gomar ɓaa ku ke nduki rututundi mbu̱ larji kap, nduki kap wa ngga njiva gha ku̱me ɓu̱tli ghai ɓaaro.

Ɗyin mbu̱ tukari 19:20

Tu̱ yang ku̱s dlu gaarang su̱yen ndu̱ annabi kotame nu̱ shiki ɗye lazhamku me ɓaranang, tu̱ lamba nduki nu̱ke bakhti ɓu̱ dlu gaarang a nje ve worang. Ndu̱ nduki nu̱ gharki ghai ye shipar ɓaranang nu̱ ku̱nshe ɗye lazhamku nu̱ shikyang. Tu̱ ku̱s dlu gaari nang su̱yen ndu̱ annabi nu̱ wollo nang tu̱ mbuk mbu̱r ɓaanda nu̱ nyifi mbu̱ giɗim ɓai nu̱ solfa.

Ɗyin mbu̱ tukari 2:11

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu! Njif nu̱ raki wute, mu̱ti nu̱ rap ɓu̱ vu̱r bonye ye nda sar da ɓa.

Ɗyin mbu̱ tukari 2:17

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu. Aaki raki wute nang, ngga vu̱r ɓeena manne tukakandi yenda. Ngga vu̱r ndogdi ɓongndi yenda tu̱k nu̱ bu̱laki mewar dlu̱m nu̱ ɗyinan yang nduk a nje nu̱ zu̱nki dlu̱m nang ɓa, kope njif nu̱ dlu̱ki ndogdang ɗyenda.”

Ɗyin mbu̱ tukari 2:29

Kap nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu!

Ɗyin mbu̱ tukari 2:7

Nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu ku! Kap njif nu̱ raki wute nang, ngga vu̱r zalale nji ye qu̱far Nyifiri yenda nu̱ke a nje viɗ zhena ɓu̱ Magham mbu̱ viɗi.

Ɗyin mbu̱ tukari 20:10

Yang chin Nu̱ Mu̱nar nu̱ lambaki worang, tu̱ mbukti nda nu̱ mbu̱ giɗim ɓai gu̱rgu̱rndi nu̱ ɓai solfa, ye maa nu̱ mbukki dlu gaari nang nu̱ mban su̱yen ndu̱ annabi kotame nang. Ka za bonyeku fara virkir ndu̱ fu̱ɗari, aakochi koɗokhsi ɓa.

Ɗyin mbu̱ tukari 20:8

yang ka ɗa vi tu̱ lamba dlar maa ku nu̱ke a nje lakhtaran ve ngginggeetli vatndi ɓu̱ larji kap, wor ke, Gog ndu̱ Magog. Sheɗan ka taba wor ma dakhlari, khang ɓaanda ka kha wa wuɗyiri nu̱ me ɗyim chitndi.

Ɗyin mbu̱ tukari 3:13

Nu̱ dlu̱mdi tu̱kti maa, ku̱ tu̱k ɗyi nu̱ke Jiimba a zu̱ran ye tabarku ɓu̱ nu̱ mbu Yesu ku!

Ɗyin mbu̱ tukari 3:22

Nu̱ dlu̱mdi tu̱kti maa, ku̱ tu̱k ɗyi nu̱ke Jiimba a zu̱ran ye tabarku ɓu̱ nu̱ mbu Yesu ku!”

Ɗyin mbu̱ tukari 3:6

Nu̱ dlu̱mdi tu̱kti maa, ku̱ tu̱k ɗyi nu̱ke Jiimba a zu̱ran ye tabarku ɓu̱ nu̱ mbu Yesu ku!

Ɗyin mbu̱ tukari 9:20

Yang ɓeeni nduki nu̱ke a nje mbu̱ larji nu̱ke nu̱ mu̱t mbu̱ alobe na ɓa rong ku̱me nu̱ tlagha wor nu̱gha ɓa, wa zhang nggoɗ memu̱na wor ma ku̱ shakh ku ndu̱ ɗyi nu̱ khar wor shiki. Nu̱ njig ghaari ghai ye khu̱kheetiku ɓa, yang nu̱ njig ghaari ghai ye mu̱lu̱mku nu̱ shiki ndu̱ ginarwe, ndu̱ ghuri, ndu̱ vi vyangndi, ndu̱ ndogdi, ndu̱ qu̱farku ɓa. Aa nu̱ke nu̱ka na maa ku ɓa, nu̱ka tu̱k ɓala ku ɓa yang nu̱ka ɗu̱ aa fu̱n ku ɓa.