1 Timoti 3:8 - Mewar Alqawarang

⁸ Wanang tu̱k, wa ku̱s ku̱ nu̱ shaatar ɓu̱ dle gume ɓu̱ Tabar ɓu̱ nu̱ mbu Yesu kha ma nduki nu̱ke nduki a na zhaaji ɓaanda. Ku̱ kha ma nu̱ zhire, ku̱ kha ma nu̱ khang zar ɗyema ɓa yang nu̱ka shi batal ma gwa nji mu̱zhin ɓa.

1 Timoti 3:8 ပူးပေါင်းရင်းမြစ်များ

Romeku 3:13

“Ghoghor su̱qur wor ɗya ku̱jip qu̱nkandi, ghiindi wor ka shikya lamba.” “Chiti ɓu̱ khuska kya ve me wora.”

Filipiyeku 1:1

Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

1 Timoti 3:12

Wa ku̱s ku̱ nu̱ shaatar nu̱ tlu̱nar ku nu̱ mbu̱ tabar ɓu̱ nu̱ mbu Yesu kha ma nu̱ nokhzi da, ku̱ khuɓ rafti ɓaran ndu̱ qusonggi ɓaran maɗyi.

1 Timoti 3:2

Ku̱ dle guma kha waare zop gume nduki, nokhzan da, ku̱ kha ɗya njif nu̱ke varan buran, ɗyinan ku̱san, nduk mbarkandi, nu̱ dlu̱r runggiku, njif nu̱ke ka ɗu̱maki shogar ye nduki maɗyi.

1 Timoti 3:3

Ku̱ kha ma njif nu̱ke nu̱ka za ɗyema ɓa, yang nu̱ lu̱kshi ɓa nu̱ ɗu̱bar memu̱na, njif nu̱ke varan buran nu̱ka shim keele ɓa, yang nu̱ vu̱r varan ye ndolar mu̱zhin ɓa.

1 Timoti 5:23

Ki na za ɗyim bamndi ɗyenda ɓa, yang to ki za ɗyim anap koɗom ku̱me khaati mbi nu̱ke a damtaro ndu̱ va nu̱ka shiki khang khatang.

Titus 1:7

Ma nu̱ke dle gume ɓu̱ tabar nu̱ mbu Yesu ɗya nu̱ tlu̱nar ɓu̱ Magham, wa ku̱s ku̱ kha waare zop gume aaki. Ku̱ kha ma njif kaku̱ɗakhndi ɓa yang nu̱ wakho shokhna ɓa, ku̱ kha ma nu̱ zar ɗyema ɓa, yang nu̱ gangndi dakhla ɓa, ku̱ kha ma nu̱ bu̱rtar gu̱na ve njiv batal ɓa.

Titus 2:3

Wanang tu̱k tun shoga ye geema nusuki ku̱ shi khar viti ku nu̱ shipaki ɓu̱ nusuki nu̱ mbu Yesu. Ku̱ kha ma nu̱ kotama ku ɓa, ku̱ zar ɗyema kha ma ɗye shir ɓaanda ɓa. Ku̱ shogakya ɗyi nu̱ke mbarkandi ɓara,

Yaqub 3:10

Chem ka shi khamndang ndu̱ me rem dandi nang, chem gaɓ chem shi pu̱zi su̱ tu̱k. Wush, nyeezaku! Ai, nu̱ shipa ku̱ ɗyen kha wanang ɓa.

1 Biturus 5:2

Khutlo ma shapir ɓu̱ Magham nu̱ vu̱rki nggu̱tan ye nu tun a tlu̱nar wa dlegumeku. Na nu wa a shikya ranna nu ɓa, ku̱ memu̱na nu da ye nu tun shi ba wa nu̱ke Magham a shimndan. Shi nu tlu̱nar nang ku̱me mu̱zhin ɓa, shi ma ku̱me memu̱na nu wa da ye nu ku̱ shi nu tlu̱narang.