1 Timoti 3:15 - Mewar Alqawarang

¹⁵ Mbu̱ yang wa khubti nga nu̱ gha ku, wa shipa ku̱ zu̱n na ɗyi nu̱ shipaki ku̱ nduki shi mbu̱ rafti ɓu̱ Magham. Nu̱ke nang ke tabar ɓu̱ nduki ɓu̱ Magham nu̱ nyifiri, yang chin ke zaure ndu̱ dlu̱dlarsi zhire tu̱k.

1 Timoti 3:15 ပူးပေါင်းရင်းမြစ်များ

Matta 16:16

Kom tu̱ Siman Biturus tlogha za, “To ke Masiya, Yi ɓu̱ Magham nu̱ nyifiri.”

Matta 18:18

“Zhire nga zu̱ran ye nu, kap ɗyi nun gu̱nki gha fan larji ka gu̱n nu̱ gha far mbu̱ viɗi. Kap ɗyi nun kolki nu̱ gha fan mbu̱ larji tu̱k, ka kol nu̱gha far mbu̱ viɗi.

Yokhana 1:17

Magham vu̱r woparang nu̱ mbu̱ khar Musa, yang mu̱nkir ndu̱ zhire a ɓa mbu̱ khar Yesu Masiya daati ɓu̱ Magham.

Yokhana 14:6

Tu̱ Yesu ze nda za, “Nga ke njivang, nga ke zhire, nga ke nyifi. Nduk a nje nu̱ke ka ɗu̱ki she Magham ɓa kope nu̱ ku̱n sha.

Yokhana 18:37

Tu̱ Bilatus zu̱ za, “Alapa to kuji goma?” Tu̱ Yesu tlogha za, “To ndu̱ ɗyinoro ta zu̱ no za nga kuji. Nang ke ɗyi nu̱ saki tu̱ kha nga, nang ke ɗyi nu̱ saki tang a vi nu̱ mbu̱ larji tu̱k, ma zu̱ zhire ni. Kap nu̱ shimndi zhire wa ka tu̱k ɓalar ɓanga.”

Yokhana 6:69

Chem wa maita, chem wa zu̱n tu̱k za to ke Shakhshakhndi ɓu̱ Magham.”

Tlu̱nar ɓu̱ Pudeku 1:2

ma khu̱dli ye fu̱ɗar nu̱ daki nda ma yir mbu̱ viɗi. Me ku̱ da nda ma yir viɗi wa shi ɓalar nu̱ ku̱nshe Jiimbi shakhshakhndi ye pudeku nyin datki.

Tlu̱nar ɓu̱ Pudeku 14:15

“Nu̱m saki tun ka shi ki wanangang na? Ai, chem nduk wa tunu, chem a ɓa kya ndu̱ Labar Mbarkandi ye nu, ku̱me njig nu ɗyi bamndiku nang tun a gaɓ nu̱ she Magham nu̱ nyifiri. Chin nu̱ du̱ngki maa viɗi ndu̱ maa vu̱ghai ndu̱ ɗyim chitndi ndu̱ ɗyi nu̱ke a mban kap.

Romeku 3:2

I ɗo, boota su̱ shwat, ve aa nyi njiva! Gumapaali, Magham vu̱r ɓalar ɓaran nu̱ mbu̱ khar Yakhudeku.

Romeku 9:26

Yang tu̱ zu̱ tu̱k za, “Ba ye maa nu̱ qaki wor za, ‘Tun nduki ɓang ɓa’ ndang, ka qa wor tu̱k za ‘qusonggi ɓu̱ Magham nu̱ nyifiri.’ ”

1 Korintiyeku 10:32

Ku̱ sa nu Yakhudeku, aa nduki nu̱ke ɗya Yakhudeku ɓa ndu̱ tabar ɓu̱ nu̱ mbu Yesu ku tu̱ shi sola ɓa.

1 Korintiyeku 3:16

Alapa nun zu̱n za tun rafti ɓu̱ Magham ɓa goma, Jiimbi shakhshakhndi a nje kharan mbe nu?

2 Korintiyeku 3:3

Tun wut nu̱ ɗyine tun ke lagarkati nu̱ ɗa viki she Masiya, nu̱ke tlu̱nar ɓaarem saki tun kha wanang. Yang lagarkati nang nu̱ bu̱la ndu̱ ɗye bu̱la ɓa, bu̱la ndu̱ Jiimbi shakhshakhndi nu̱ nyifi. Nu̱ bu̱lan ɗyine ndogdi nu̱ka shiki bu̱lar nu̱ ɗyinan ɓa, yang bu̱lan mbu̱ memu̱na nduki.

2 Korintiyeku 6:16

Rafti ɓu̱ Magham ka kha da ndu̱ maa konom mu? Chem ke rafti ɓu̱ Magham nu̱ nyifiri. Ba wa nu̱ Magham zu̱ki, “Ngga kha su̱yen ndu̱ wora, tang baara chele ɓaanda, Ngga kha ma Maghamndi ɓaanda, wor ka kha ma nduki ɓanga.”

2 Korintiyeku 6:7

Chem a wutan chem nu̱ tlu̱nar ɓu̱ Magham ku tu̱k nu̱ ku̱nshe zu̱r zhire, ndu̱ zalale ɓu̱ Magham su̱yen nu̱ boote ndu̱ dambu, ma ɗye dakhlar ɓaarem nyem khubki nu̱ mbu̱ khaarem zu̱ma ndu̱ gu̱ɗau.

Galatiyeku 2:9

Nar mu̱nkir nu̱ Magham shiki ya saki tu̱ Yaqub ndu̱ Biturus ndu̱ Yokhana tlogha san. Wor dlu̱ki nga ndu̱ Barnaba memu̱na wor da wor ke du̱mbu̱r ɓu̱ dlegumeku ɓu̱ tabar nu̱ mbu̱ Yesu ku. Chem wa zu̱ chele ɓaarem nu̱ ɗyine chem ka ɗu̱ she nduki nu̱ke ɗya Yakhudeku ɓa, yang ɓaanda wor ka ɗu̱ she Yakhudeku.

Galatiyeku 3:1

Tun nggu̱bu̱ng Galatiyeku, ki zu̱mki ɗyinonwa? Nga nang, nga wutki Yesu Masiya nu̱ katlki nda gha ɗyin qu̱far kaatli ye nu ye dalangi.

Afiseku 4:21

Nga maita nu̱ ɗyine tun wa tu̱k labar ɓaran. Nu̱ke tun nduki ɓaran, wa shoga zhire nu̱ke a mbe Yesu ye nu.

Kolosiyeku 1:5

Maito ndu̱ ndolar nun wutki nang tun shi ku̱me tun a sa memu̱na nu nu̱ ɗyine ɗyi mbarkandi ku nu̱ke a nje du̱ngdan gha mbu̱ viɗi ku̱me tunu. Nang ke Labar mbarkandi nu̱ zu̱ki ye nu gumapaali, chin ɓalar zhire nun tu̱kkyang.

1 Tasalonikeku 1:9

Ku̱me nduki kya zu̱ labar pooni dlu̱r nun shiki yerem, ndu̱ shakhti ɗyinonu nun shiki ndu̱ mu̱lu̱mku, tun gaɓ nu̱ she Magham. Ma ku̱ ghar nu ghai ye Maghamndi zhirekandi nu̱ nyifiri,

1 Timoti 3:14

Nga bu̱la ɓalarku nang yoro, aa nu̱ke nga sa memu̱nara nu̱ ɗyine ngga ɗa ɓa ɓu̱ shoɓ ɓa.

1 Timoti 3:16

Keele su̱ ɓa, ɗyi tukakandi nu̱ mbu̱ ghaari ghai ɓaarem gor maɗyi: Wa wut varan mbu̱ man va, Jiimbyang wa wut za chin nu̱ zhire. Tu̱ nu̱ ru̱ktiku ɓu̱ Magham na nda, tu̱ wopa nda ye nduki nu̱ larji, tu̱ nduki maita nda mbu̱ larji kap, tu̱ da nda ma yir viɗi mbu̱ zhaaji.

1 Timoti 3:2

Ku̱ dle guma kha waare zop gume nduki, nokhzan da, ku̱ kha ɗya njif nu̱ke varan buran, ɗyinan ku̱san, nduk mbarkandi, nu̱ dlu̱r runggiku, njif nu̱ke ka ɗu̱maki shogar ye nduki maɗyi.

1 Timoti 3:5

(Ku̱me mbu̱ nduk nu̱ ɗu̱ma khuɓ rafti ɓaran ɓa, ɗa ka ɗu̱ma khuɓ Tabar ɓu̱ nduki ɓu̱ Magham kikimndana?)

1 Timoti 4:10

(Chem a bonye ndu̱ wute), ku̱me chem a sa memu̱narem ye Magham nu̱ nyifiri chin nu̱ke ɗya nu̱ ɗanar aaki, yang nu̱ shi wa nduki nu̱ maitaki ɓa.

1 Timoti 6:16

Chin ɗyenda ke nu̱ka shi mu̱t ɓa, nu̱ khar mbu̱ yarang nu̱ke nduk a nje nu̱ke ka ɗu̱maki yir bing ndu̱ yarangang ɓa. Chin ke njif nu̱ke nduk a nje nu̱ naki nda sar da ɓa, yang a nje nu̱ke ka ɓa naki ɓa. Ku̱ zhaaji ndu̱ kwaaɗar nu̱ke koɗokhsi ɓa kha nda. Amin.

2 Timoti 2:19

Yang su̱ du̱ndi du̱mbu̱rkandi nu̱ Magham du̱nkyang, ba a nje shokhku̱rokh ndu̱ yitu̱m nu̱ saki nu̱ ɗyinan. Nu̱ zu̱ki za, “Magham wa zu̱n nduki nu̱ke ɓaran” yang “Kap njif nu̱ke a zu̱ran za chin ɓu̱ Zhinkir gwaanji ku̱ shakh ɗyinan tu̱ kha ɓakh ndu̱ tlu̱nar malkandi.”

2 Timoti 2:20

Ai, ɗye tlu̱narku nu̱ke a nje mbu̱ rafti gwaanji ɗya ɗye tlu̱narku nu̱ shiki ndu̱ ginarwa ndu̱ nggirgim ɗyenda ɓa, ɓeenan shi ndu̱ qu̱fa tu̱ shi ɓeenan ndu̱ daɓti du̱ndi. Shi ɓeenan ma ku̱ shi tlu̱nar nu̱ke zhaaji si ndu̱ wora, yang shi ɓeenan ma ku̱ shi tlu̱nar nu̱ke zhaaji su̱ ɓa ndu̱ wora.

Yibraniyeku 10:21

Kuru gwaanji a nje khaarem nu̱ke nduki ɓu̱ Magham kap a mbu̱ bu̱nan.

Yibraniyeku 12:22

Yang tun a ɓakya she Dleng Sikhiyona, she Urshalima nu̱ke a mbu̱ viɗi ghai ɓu̱ Magham nu̱ nyifiri, ndu̱ tabar ɓu̱ nu̱ ru̱ktiku ɓu̱ Magham khang maɗyi a kashar ku.

Yibraniyeku 3:12

Nyeezaku, shi ma ɗyi nu̱ke tun ka ɗu̱maki ma ku̱ njif nggur chele ɓaanu nu̱ke solar ndu̱ song maito nu̱ke a mbu̱ memu̱naran ka saki nda tu̱ njig Magham nu̱ nyifi ɓa.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.

1 Biturus 2:5

Tun yang, gaɓ wa ndogdiku nu̱ nyifiri nu̱ka shiki boote ndu̱ wor ma du̱n rafti nu̱ jiimba. Ma ku̱ kha ma tabar ɓu̱ kuruku shakhshakhndi ɓu̱ rafti nang, tun a zoɓa sadke nu̱ jiimba nu̱ ku̱nshe Yesu Masiya, nang ke pooni sadke nu̱ke Magham a shimndan.

1 Biturus 4:17

Jiwa sarchi kumar nduki a ɓa. Yang ka nggaasan ndu̱ nduki ɓu̱ Magham. Mbu̱ yang ka nggaasi kumarang ndu̱ chem, ɓu̱ nduki nu̱ zhangki tu̱k Labar mbarkandi na viki she Magham ɗa ka kha kikimndana?

Ɗyin mbu̱ tukari 7:2

Tang na nu̱ ru̱kti ɓu̱ Magham nggur nu̱ ɗa viki ɗokhatla, khubtan ndu̱ yitu̱m ɓu̱ Magham nu̱ nyifi. Tu̱ qa nu̱ ru̱kti ku vatndi nu̱ Magham vu̱rki zalale ye wor ku̱ su̱bu̱r larji ndu̱ ɗyim chitndi nu̱gha nang ndu̱ su̱qur du̱mbu̱rkandi.