1 Timoti 3:13 - Mewar Alqawarang

¹³ Nduki nu̱ shiki tlu̱nar mbarkandi mbu̱ tabar ɓu̱ nu̱ mbu Yesu wa ka gwa dlu̱m mbarkandi tu̱ ka vu̱r du̱mbu̱r ye wor tu̱ shi ɓalar maitar Masiya Yesu nu̱ wor shiki sawa su̱ ɓa.

1 Timoti 3:13 ပူးပေါင်းရင်းမြစ်များ

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Matta 25:21

“Tu̱ nu̱ rafti ɓaranang makhta za, ‘Kwaanggu̱rang, maavi mbarkandi nu̱ zhire! Ta shi zhire ɗyine ɗyi koɗommandi, ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Luka 19:17

“Tu̱ nu̱ rafti ɓaranang ze nda za, ‘Wa shi mbari, maavi mbarkandi! Nu̱ke ta shi zhire ɗyine ɗyi koɗommandi nang, ngga vu̱r kwaaɗar yoro. To ka khaki ma kuji ɗyine ghaiku gwang mbu̱ wuzu̱ndi ɓanga.’

Tlu̱nar ɓu̱ Pudeku 21:35

Nu̱ Bulus a ɓa ki ye me dlar nu̱ke a me virang, tu̱ sojekwang da nda nu̱ viɗi ku̱me me yirti ɓu̱ tabar ndukyang wa shi maɗyi.

Tlu̱nar ɓu̱ Pudeku 6:15

Yang kap nduki nu̱ khaki gha ye maa tabar dle gume ɓu̱ Yakhudekwang tu̱ zu̱ yiti yenda ku njang, tu̱ yang na mbu̱ yitanang wa nggoɗ ba wa ɓu̱ nu̱ ru̱kti ɓu̱ Magham.

Tlu̱nar ɓu̱ Pudeku 6:5

Tu̱ ɓalar nang shi mu̱n ye aaki. Tu̱ dat Istafanus, khuski nu̱ke nyeedlan ndu̱ maito ndu̱ Jiimbi shakhshakhndi ndu̱ Filibus ndu̱ Pu̱rokorus, ndu̱ Nikano, ndu̱ Timon ndu̱ Barminas, ndu̱ Nikolas khuzi Antiyok. Nu̱ke ɗya Yakhuda ɓa yang wa vi ghaari ghai ɓu̱ Yakhudekwang.

Tlu̱nar ɓu̱ Pudeku 6:8

Yang tu̱ Istafanus, khuski nu̱ke mu̱nkir ɓu̱ Magham ndu̱ zalale ɓaran nyeedlan mbe nda, shi ɗye lazhamku khang ndu̱ ɗye saidu ku chele nduki.

1 Korintiyeku 16:15

Yang, nyeezaku, tun wa zu̱n nu̱ ɗyine nduki nu̱ mbu̱ rafti ɓu̱ Fanus maitaki Yesu gumapaali mbu̱ maa Akaya guma da, wa vu̱r var wor tu̱k ye tlu̱nar ye nu̱ mbu Yesu ku.

Filipiyeku 1:14

Khiiri nga gha nu̱ shiki zhaaru̱m nang wa sa tu̱ nyeezerem mbe Zhinerem gwaanji shaata gwa du̱mbu̱r wopa ɓalar ɓu̱ Magham sawa su̱ ɓa.

1 Tasalonikeku 2:2

Aa nu̱ke chem wa za bonye ndu̱ pu̱zi mbu̱ ghai Filipi, ba wa nun zu̱nki, Maghamndi ɓaarem wa pa du̱mbu̱r yerem ma ku̱ wopa mi Labar Mbarkandang ye nu, kap ndu̱ kare nu̱ke a shiran ku ndu̱ chem.

1 Timoti 3:14

Nga bu̱la ɓalarku nang yoro, aa nu̱ke nga sa memu̱nara nu̱ ɗyine ngga ɗa ɓa ɓu̱ shoɓ ɓa.

2 Timoti 2:1

Yang to yi ɓanga, kho ndu̱ du̱mbu̱r nu̱ ku̱nshe mu̱nkir nu̱ke a mbe Masiya Yesu.

Yibraniyeku 6:10

Magham ɗya nu̱ song shir zhire ɓa. Ɓu̱ mona tlu̱narku nun shiki nu̱ ndolar nun wutki yenda sarchi nu̱ke tun a shaata nu̱ mbu Yesu ku ɓa, ba wa nu̱ke tun a ɗyin shiran ma ɓar meeni.