1 Timoti 3:1 - Mewar Alqawarang

¹ Ɓalar nang ɗya ndooga shwat: kap njif nu̱ shimki ku̱ kha nji ma dle guma a shimkya ɗyi nu̱ke zhaaji si maɗyi.

1 Timoti 3:1 ပူးပေါင်းရင်းမြစ်များ

Luka 15:10

Nga maataran ye nu, wanang tu̱k nu̱ ru̱ktiku ɓu̱ Magham a kashari ɗyine aa nyi nu̱ solar da nu̱ tubaki.”

Tlu̱nar ɓu̱ Pudeku 1:20

Tu̱ Biturus zu̱m guma ndu̱ ɓalarang za, “Jiwa a nje bu̱laran mbu̱ lagarkati Zabura za, ‘Ku̱ rafti ɓaran kha karangan, ku̱ aaki khan mban ɓa.’ “Wa gaɓ tu̱ zu̱ tu̱k za, ‘Ku̱ njif nggur dlu̱ me tlu̱nar ɓaranang.’

Tlu̱nar ɓu̱ Pudeku 20:28

Tun ɗang vaanu, ndu̱ shapir Jiimbi shakhshakhndi saki nu̱ mbu̱ bu̱nonu ma nggu̱t nu, tun zu̱m guma ndu̱ khutlo tabar ɓu̱ nu̱ mbu Yesu ku nu̱ Magham masaki ndu̱ tom ɓu̱ Yi ɓaran.

Romeku 11:13

Leendang nga ɓalarang ndu̱ tun nu̱ke tun Yakhudeku ɓa. Mbu̱ ba nga ke pude ɓu̱ Yesu nu̱ ɗa ru̱kki nga nu̱ she nu, nga da tlu̱nar ɓang ndu̱ zhaaji,

Afiseku 4:12

Shi nang ma daasa nduki ɓu̱ Magham ku̱ da kuɗar tlu̱nar ma du̱ndi man var Masiya.

Filipiyeku 1:1

Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

1 Tasalonikeku 5:14

Chem a khutonu tu̱k, nyeezaku, wu ma nu̱ shimndi khar bam ku nang, tun pa du̱mbu̱r ye nduki nu̱ sawarku, tun shaata nduki nu̱ke khukhutan ku mbe maito, tun da kanaɗyi ndu̱ aaki.

1 Timoti 1:15

Ɓalar nang ɗya ndooga: nu̱ke wa ku̱s ku̱ aaki maita, Masiya Yesu a ɓa larji ma ɗana nu̱ solar ku, yang chele ɓaanda kap nga ke kuji.

1 Timoti 4:9

Ɓalar nang ɗya ndooga shwat: wa ku̱s ku̱ nduk dlu̱ri nda guma da.

2 Timoti 2:11

Balar nang ɗya zhire shwat, nu̱ zu̱ki za, Mbu̱ chem wa mu̱t su̱yen ndu̱ chin, chem ka kha ndu̱ nyifiri su̱yen ndu̱ chin,

Titus 1:7

Ma nu̱ke dle gume ɓu̱ tabar nu̱ mbu Yesu ɗya nu̱ tlu̱nar ɓu̱ Magham, wa ku̱s ku̱ kha waare zop gume aaki. Ku̱ kha ma njif kaku̱ɗakhndi ɓa yang nu̱ wakho shokhna ɓa, ku̱ kha ma nu̱ zar ɗyema ɓa, yang nu̱ gangndi dakhla ɓa, ku̱ kha ma nu̱ bu̱rtar gu̱na ve njiv batal ɓa.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

Yibraniyeku 12:15

Ku̱r ma vaanu ma ku̱ aaki mbu̱ɗ gwar mu̱nkir ɓu̱ Magham ɓa. Ku̱ aaki kha ndu̱ ɗyooti mbi nu̱ka ɓa ki ndu̱ su̱bu̱rti tu̱ka su̱bu̱r nduki khangang ɓa.

1 Biturus 2:25

Jiwa tun wa ndu̱ɓangku nu̱ke a ma saghari, yang leendang tun a gaɓ nu̱ she Nu̱ khutloronu, chin nu̱ka Khutloki nyifi ɓaanu.

1 Biturus 4:15

Yang nggu̱t ma mbari, ma ku̱ nduk za bonye ku̱me ɗya nu̱ tlaghar mu̱ɗ ɓa, yang nu̱ muuru ɓa, yang nu̱ shir ɗyi malkandi ɓa, yang nu̱ yirti maa ɓa.

1 Biturus 5:2

Khutlo ma shapir ɓu̱ Magham nu̱ vu̱rki nggu̱tan ye nu tun a tlu̱nar wa dlegumeku. Na nu wa a shikya ranna nu ɓa, ku̱ memu̱na nu da ye nu tun shi ba wa nu̱ke Magham a shimndan. Shi nu tlu̱nar nang ku̱me mu̱zhin ɓa, shi ma ku̱me memu̱na nu wa da ye nu ku̱ shi nu tlu̱narang.