1 Timoti 2:7 - Mewar Alqawarang

⁷ Nang ke ɗyi nu̱ saki tu̱ daati nga tang kha ma pude ndu̱ nu̱ wopar ɓalarang. Nga ke maalu̱m nu̱ shogar ye kap nduki nu̱ke ɗya Yakhudeku ɓa mbu̱ maito zhirekandi. Ɗyi nu̱ke nga zu̱ran nang ke zhire ni, kotama nje mban ɓa.

1 Timoti 2:7 ပူးပေါင်းရင်းမြစ်များ

Yokhana 7:35

Tu̱ Yakhudekwang shi ɓalar chele ɓaanda a zu̱ran ku za, “Ka ɗu̱kya fu̱n nu̱ke chem ɓu̱ gwa nda ɓa nda na? A ma yir kya she Yakhudeku nu̱ lakhtaki tu̱ khan chele Khelenekwang ma shogar ye wor mu?

Tlu̱nar ɓu̱ Pudeku 14:27

Nu̱ khu̱lki ku, tu̱ taba nu̱ mbu Yesu ku tu̱ vu̱r labar kap ɗyi nu̱ Magham shiki nu̱ ku̱nshe wora, kom ndu̱ njiv maito nu̱ Magham qu̱nki ye nduki nu̱ke ɗya Yakhudeku ɓa.

Tlu̱nar ɓu̱ Pudeku 22:21

“Tu̱ Zhinerem gwaanji zu̱ ya za, ‘Ju to ɗi, ngga ru̱ktor nu̱ ɓakh fara, ye maa nu̱ke ɗya Yakhudeku ɓa.’ ”

Tlu̱nar ɓu̱ Pudeku 26:20

Tang nggaasi waazu ye nduki nu̱ Damaskus, kom tang shi ye nduki nu̱ Urshalima ndu̱ dlar ghai ɓu̱ Yakhudiya kap. Kom tang shi ye nduki nu̱ke ɗya Yakhudeku ɓa nu̱ ɗyine ku̱ ɗa mbu̱m ku ku̱ ɗa gaɓ nu̱ she Magham, tu̱ shi ɗyi nu̱ke ka wutki za wor wa nggoɗ tu̱k.

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 1:9

Magham nu̱ke nga tlu̱nar yenda ndu̱ memu̱nara da nu̱ ku̱nshe wopar Labar mbarkandi ɓu̱ Yi ɓaran, ke saidu ɓanga nu̱ ɗyine nang laada kwaaronu

Romeku 10:14

Yang wor ka qa njif nu̱ke nu̱ wor maita nda ku ɓa ma ku̱ shaata wor ɗa kikimndana? Ka shi kikimndi tu̱ wor maita njif nu̱ke nu̱ wor tu̱k labar ɓaran ɓa nda na? Yang ka tu̱k ku kikimndana, mbu̱ nduk a nje nu̱ke ka shiki waazu ye wor ɓa?

Romeku 11:13

Leendang nga ɓalarang ndu̱ tun nu̱ke tun Yakhudeku ɓa. Mbu̱ ba nga ke pude ɓu̱ Yesu nu̱ ɗa ru̱kki nga nu̱ she nu, nga da tlu̱nar ɓang ndu̱ zhaaji,

Romeku 15:16

Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

Romeku 9:1

Nga zu̱kya zhire mbe Masiya, nga shikya wollo ɓa. Mbu̱ kwaari nang shiki mbu̱ memu̱nara, nga zu̱n shwat ɗya kwatama ɓa ku̱me saidu nu̱ Jiimbi shakhshakhndi shiki ɗyine nang.

1 Korintiyeku 9:1

Woɗye zalala nje khara de? Nga pude ɓu̱ Yesu tu̱k ɓa goma? Nang na Yesu Zhinerem gwaanji ndu̱ yita de? Tun nang kap tun maita Yesu nu̱ ku̱n sha ɓa goma?

2 Korintiyeku 11:31

Magham nu̱ke chin ke Zhin Zhinerem gwaanji Masiya Yesu. Nu̱ke barke a ve dlu̱man koɗokhsi ɓa! Wa zu̱n nga shikya wollo ɓa.

Galatiyeku 1:16

ku̱ qu̱n nji yita ma zu̱n nga Yi ɓaran Yesu, ma ku̱ shi nga waazu Labar Mbarkandang ye nduki nu̱ke ɗya Yakhudeku ɓa. Yang nu̱ shiki ɗyiku nang ya, nang laɓ sawari she aaki ɓa,

Galatiyeku 1:20

Ɗyi nu̱ke nga bu̱laran ye nu nang, ɗya kwatama ɓa, ɗya ba zhire ni, chele ɓang ndu̱ Magham.

Galatiyeku 2:16

Yang chem wa zu̱n nu̱ ɗyine nduk ɓu̱ kha waare sola gume Magham nu̱ ku̱nshe mburi Bibitang ɓa, kope wa maita Yesu Masiya. Ku̱me nang chem wa vu̱r vaarem ye Masiya Yesu. Chem shi wanang ma ku̱ kha mi waare sola gume Magham nu̱ ku̱nshe dlar vaarem nu̱ ve Masiya, nyem mbu nu̱ ku̱nshe mburi Bibitang ɓa. Ku̱me nduk a nje nu̱ke ka khaki waare sola gume Magham nu̱ ku̱nshe mburi Bibitang ɓa.

Galatiyeku 2:9

Nar mu̱nkir nu̱ Magham shiki ya saki tu̱ Yaqub ndu̱ Biturus ndu̱ Yokhana tlogha san. Wor dlu̱ki nga ndu̱ Barnaba memu̱na wor da wor ke du̱mbu̱r ɓu̱ dlegumeku ɓu̱ tabar nu̱ mbu̱ Yesu ku. Chem wa zu̱ chele ɓaarem nu̱ ɗyine chem ka ɗu̱ she nduki nu̱ke ɗya Yakhudeku ɓa, yang ɓaanda wor ka ɗu̱ she Yakhudeku.

Galatiyeku 3:9

Wanang tu̱k aaki maitaki Magham wa shi barke yenda, su̱yen ndu̱ Yibram nu̱ maito.

2 Timoti 1:11

Magham wa sa tang kha ma nu̱ waazu, ndu̱ pude ɓu̱ Yesu, ndu̱ maalu̱m ku̱me Labar mbarkandi dandi nang.

2 Bitu̱rus 2:5

Yang tu̱k mbu̱ Magham nu̱ njig nduki nu̱ mbu̱ larji nu̱ shiki mu̱nar ku zhu ɓa. Tu̱ tlagha wor nu̱gha nu̱ ku̱nshe bu̱rbu̱r gwaanji ku̱me nu̱ mbu zu̱r ɓaranku ɓa. Tu̱ yang ɗana kya Nukhu nu̱ waazu dambi su̱yen ndu̱ nduki mut.