1 Timoti 2:6 - Mewar Alqawarang

⁶ Chin vu̱rki nyifi ɓaran ma dli ɗyin nduki kap. Nang ke saidu nu̱ Magham vu̱rki ye larji mbu̱ sarchi ni.

1 Timoti 2:6 ပူးပေါင်းရင်းမြစ်များ

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Markus 1:15

Tu̱ ku̱s zu̱ran za, “Sarchi wa shi ku̱me kwaaɗar ɓu̱ Magham wa shi bing, yang njig ma solar ɓaanu tun maita labar mbarkandang.”

Markus 10:45

Jiwa Yi Ɓu̱ Nduk na ɓa ku̱me ku̱ nduk shi tlu̱nar yenda ɓa. Yang a ɓa kya ma tlu̱na, ma vu̱r nyifi ɓaran ma ɗana nduki khang.”

Yokhana 10:15

ba wa nu̱ Zhinkirang zu̱nki nga, nga tu̱k nga zu̱n Zhinkirang. Nga ka vu̱r nyifi ɓang ku̱me ndu̱ɓangkwang.

Yokhana 6:51

Nga ke ɗye zu̱mndi nu̱ vu̱rti nyifiri nu̱ ɗa shurki viɗi. Kap njif nu̱ zu̱mki ɗye zu̱mndi nang ka gwa nyifiri koɗokhsi ɓa. Yang ɗye zu̱mndi nang ɗya man vara, nu̱ke nga ma vu̱rtan ma ku̱ larji gwa nyifiri.”

Romeku 16:26

yang leendang a ɗal ye dalangi nu̱ ku̱nshe bu̱larku ɓu̱ annabiku. Nu̱ ku̱nshe zu̱r ɓu̱ Magham nu̱ke lauɗarsi ve nda ɓa, yang wa wut ɗyen tu̱k ye nduki kap, ma ku̱ maita ku ku̱ mbu.

Romeku 5:6

Jiwa ba ye sarchi nu̱ khaki torop, mbu̱ sarchi nu̱ke chem ku̱naki shaata vaarem, tu̱ Masiya mu̱t ku̱me chem, chem nu̱ke ɗye shir ɓaarem nu̱ kha torop ndu̱ shimndi ɓu̱ Magham ɓa.

1 Korintiyeku 1:6

leendang tun wa na zhire ɓu̱ ɗyiku nyem saidaki ye nu ɗyine Masiyang mbe nu.

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

Galatiyeku 4:4

Yang nu̱ sarchi a khu̱lki tu̱m, tu̱ ɗa ru̱k Yi ɓaran. Yang kha nda nu̱ ku̱nshe nusu ɗyenda. Kha nda nu̱ mbu̱ bu̱n Bibitang,

Afiseku 1:17

Nga barar ma ku̱ Maghamndi ɓu̱ Zhinerem gwaanji Yesu Masiya, Zhinkir nu̱ zhaaji, ku̱ vu̱r Jiimbi ɓaran nu̱ka vu̱rki kaɗari ndu̱ wuti su̱ tunu ye nu, ma ku̱ gwa nu shaatar mbe zu̱ndi Magham.

Afiseku 1:7

Mbe nda chem wa gwa dli ɗyin nu̱ ku̱nshe tom ɓaran, nang ke yaapar solar ɓaarem nu̱ shiki yerem. Yang shi nang yerem ku̱me khang mu̱nkir ɓaran

Afiseku 3:5

Nu̱ zu̱ nang ye nduki nu̱ zhu ɓa, yang leendang Magham wa wut ye pudeku ndu̱ annabiku ɓaran datkandi nu̱ ku̱nshe Jiimbi ɓaran.

Afiseku 5:2

Tun shi khar viti ɓaanu mbe ndola ba wa nu Masiya ndolaki rem, tu̱ vu̱r ɗyinan ku̱me chem, vu̱rti nu̱ke zhiran mu̱ni, yang ɗya sadke nu̱ dlaki ye Magham.

2 Tasalonikeku 1:10

Ɗyiku nang kap ka ɗal ye sarchi gaɓti ɓaran, nduki shakhshakhndi ka na zhaaji ɓaran, yang nu̱ mbu Yesu ku kap ka shi lazham ku ye fu̱ɗaran su̱yen ndu̱ tunu, nu̱ke tun wa maita saidu nyem shiki.

1 Timoti 6:15

Ɓar ɓu̱ Magham nang ka kha mbu̱ sarchi nu̱ shipaki. Magham nu̱ barka, chin ɗyenda ke nu̱ zalale aa nu̱m, Kuji ɓu̱ kujiku, ndu̱ Zhinkir ɓu̱ zhinkirku.

2 Timoti 1:8

Ku̱me nang, tu̱k na kawar saida Zhinerem gwaanji ɓa, yang tu̱k na kawar ɓang ku̱me wa khiiri nga gha ku̱me chin ɓa. Gonta ma ɗyinonu ndu̱ nga mbe bonye nu̱ke chem a zaran ku̱me Labar mbarkandi nu̱ zalale ɓu̱ Magham nang.

Titus 1:3

Tu̱ yang wut nu̱ dam mbu̱ sarchi nu̱ khaki torop mbe ɓalar ɓaran nu̱ke nga waazu ni, nu̱ vu̱rki du̱ngdan ya nu̱ ku̱nshe zu̱r ɓu̱ Magham Nu̱ Ɗanar rem.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Yibraniyeku 9:12

Vi nu̱ mbu̱ Maa Nu̱ Dukki ndu̱ Shakhshakhndi nang sar kaada ye kharki. Nu̱ vi ndu̱ tom ɓu̱ gunoku ɓa yang tom ɓu̱ ye dleeku ɓa. Vikya ndu̱ tom ɓaran, nu̱ ɗa gwaki ɗanar yerem koɗokhsi ɓa.

1 Biturus 2:24

Chem shiki sola, yang chin daki solarku ɓaaremang ye ɗyinan sarchi nu̱ katlki nda gha me qu̱fari. Shi wanangang ma ku̱ shakh mi ndu̱ solarku ɓaarem nu̱ ku̱nshe mu̱ti ɓaran, shem khar ɓaarem ndu̱ dambi. Ruɓar nu̱ shiki yenda saki tun shaana.

1 Biturus 3:18

Jiwa Masiya mu̱t ku̱me solar ku sar kaada ye kharki, nu̱ dambi ku̱me nu̱ song dambi, ma ku̱ ɗu̱ ndu̱ tun she Magham. Wa tlagha nda nu̱ gha mbu̱ man va, yang wa vu̱r nyifi yenda mbu̱ jiimba,

1 Yokhana 4:10

Wonji ma ndolar zhirekandi, chem ndolaki Magham ɓa, chin ndolaki rem, tu̱ ɗa ru̱k Yi ɓaran ma ku̱ kha ma sadke yaapar solar ɓaarem.

Ɗyin mbu̱ tukari 1:5

ndu̱ she Yesu Masiya, chin nu̱ke ɗya nu̱ saidu zhire. Chin nu̱ke ɗya Ye gomir nu̱ gumapaali nu̱ jiiki ɓar mbe mu̱ti, a kwaaɗar ɗyine kujiku nu̱ larji tu̱k. Chin nu̱ ndolaki rem, tu̱ lawa rem mbe solarku ɓaarem nu̱ ku̱nshe mbu̱ti tom ɓaran.

Ɗyin mbu̱ tukari 5:9

Tu̱ qa mewar taazi ku, a zu̱ran ku za, “Ta khu̱l ma ku̱ dlu̱ na lagarkati ɗyikhlakandang to qu̱n yitu̱m ɓaran kwang nu̱gha. Jiwa wa tlagha nu̱gha zhu, yang nu̱ ku̱nshe tom ɓaaro ta dli ɗyin nduki ye Magham mbe aa nyi me sham, ndu̱ me ghin, ndu̱ me ghai, ndu̱ aa nyi nduki.